ཨ་ནུ་ཐང་བསོད་ནམས།
དྲ་རྒྱ་ཆེ་ཁག་ཚོ་དང་ལྷན་དུ་ཨ་རིའི་མི་མང་གི་སྨྲ་བརྗོད་རང་དབང་འཕྲོག་མཁན་གྱི་ཁྲིམས་རྩོད་མ(Gupta)ནི་བྷར་སྒྲན་གྱིས་ཨ་རིའི་བདེ་སྲུང་དྲུང་ཆེ་ཡི་ལས་རོགས་སུ་བདམ་འདུག འོན་ཀྱང་། གྲོས་ཚོགས་གོང་མས་མོ་ལ་ཐག་གཅོད་བྱེད་དགོས་བས། མོ་ལ་འདྲི་རྩ་བྱས་ཤིང་། མོས་གནད་དོན་ཁག་ཅིག་གི་ཐད་དགོངས་དག་ཞུས་འདུག
མོ་ནི་དྲ་རྒྱའི་ནང་གི་སྨྲ་བརྗོད་རང་དབང་འགོག་མཁན་གྱི་ཁྲིམས་རྩོད་མ་ཡིན་ལ། མོས་ཁྲོས་ཊར་རྒྱུད་ནས” ངོ་དེབ་ཀྱི་བདག་པོ་མཱ་ཁི་གཟོ་ཁི་བྷར་རྒི་ཡིས་སྨྲ་བརྗོད་ཀྱི་རང་དབང་གི་གོ་དོན་ཤེས་ཀྱི་མི་འདུག་ཅིང་། ཁོའི་སྨྲ་བརྗོད་ཀྱི་རང་དབང་གི་གོ་དོན་ནི་འགན་འཁུར་མེད་པ་གནས་ཚུལ་སྤེལ་རྒྱུ་རེད་ཟེར་ནས་སྐྱོན་བརྗོད་བྱས་ཡོད།” རྗེས་སུ་མོ་དང་ངོ་དེབ་ཀྱི་སྦྱིན་བདག་ཐུག་ནས་ཁོ་ལ་དྲ་ནང་དུ་སྨྲ་བརྗོད་ཀྱི་རང་དབང་ལ་ཞིབ་བཤེར་བྱེད་སྟངས་བསླབས་ཡོད། རྒྱུ་མཚན་ནི། རྒོས་རྟ་ནི་ཨོ་བྷ་མའི་མི་ཡིན་པ་མ་ཟད། མོ་ནི་དེ་སྔོན་ཨོ་བྷ་མའི་སྐབས་སུ་ཨ་རིའི་བདེ་དྲུང་ལུངས་ཀྱི་ལས་གྲོགས་དང་། སློབ་སྟོན་མ་ཡིན་པས་ཨ་རིའི་མང་གཙོ་ཚོགས་པའི་སྣེ་ཡོད་ཀྱི་མི་སྣར་གྱུར་ཡོད་པས་རེད།
ངོ་དེབ་ཀྱི་བདག་པོ་ཡིན་ཡང་། ཁོ་ལ་རྒྱ་ནག་གི་ནང་དུ་ཚོང་ཡོད་ཅིང་། མ་འོངས་བར་འདི་ལས་མང་དུ་རྒྱ་ནག་གི་ནང་དུ་ཚོང་བྱེད་འདོད་ཡོད་པས། རྒྱ་ནག་དང་ཚོང་དམག་བྱེད་རྒྱུར་མི་དགའ་བས། ཁྲོ་རྒན་ཕམ་ཆེད་དུ་ཁོས་བྷར་སྒྲན་ལ་རྒྱབ་སྐྱོར་བྱས་ཤིང་། རྒོས་རྟ་དང་མཉམ་འབྲེལ་བྱས་ཡོད། ཁོས་གཉིས་ཀས་བྷར་སྒྲན་ལ་རྒྱལ་ཁ་ཐོབ་ཆེད་དུ་དྲ་ཐོག་ནས་ཁྲོ་རྒན་དང་། ཁོའི་རྒྱབ་སྐྱོར་བའི་སྨྲ་བརྗོད་རང་དབང་བཀག་ཡོད། འོན་ཀྱང་། ཁོ་ཚོས་དེ་ནི་ཨ་རིའི་མང་གཙོ་དང་སྨྲ་བརྗོད་རང་དབང་སྐྱོབ་བྱེད་ཡིན་ཟེར་ནས་ཉེ་ཆར Time དུས་དེབ་ཀྱི་སྒང་དུ་ངོམས་གསོ་བྱས་ནས་སྨྲ་བརྗོད་རང་དབང་ཅི་ལྟར་འགོག་སྟངས་ཕྱིར་བསྒྲགས་ཡོད།
དོན་དངོས་ཁོ་ཚོ་དང་ཆབ་སྲིད་ཀྱི་ལྟ་བ་མི་མཐུན་མཁན་ཚོའི་སྨྲ་བརྗོད་བཀག་པ་ནི་མང་གཙོ་སྐྱོབ་བྱེད་མིན་ཞིང་།
དེ་ནི་གཅིག་བསྡུ་རིང་པ་ཚོས་གཞན་གྱི་བསམ་བརྗོད་འཕྲོག་སྟངས་ཀྱི་གོམ་སྟབས་ཤིག་ཡིན་པས།
གཅིག་བསྡུ་རིང་ལུགས་ཚོས་ཀྱང་དེ་ལྟར་རྒྱུན་ལྡན་དུ་བྱེད་ཀྱི་ཡོད། འོན་ཀྱང་། རྒོས་རྟ་ཡིས་མོས་ལས་ཀ་ནི་སྨྲ་བརྗོད་རང་དབང་དང་སྤྱི་ཚོགས་ཀྱི་ཐོབ་ཐང་སྲུང་སྐྱོབ་བྱེད་རྒྱུ་ཡིན་པས།
སྨྲ་བརྗོད་ཀྱི་རང་དབང་རྩ་དོན་དུ་བཟུང་ཡོད་ཀྱི་འདུག འོན་ཀྱང་།སྤྱི་འཐུས་ཁི་རོས་སི་ཡིས་མོ་ལ།
“དེ་ན་ཁྱེད་ཀྱིས་ཁྱོད་དང་ལྟ་བ་མི་མཐུན་གྱི་མི་སུ་ཞིག་གི་སྨྲ་བརྗོད་ཀྱི་རང་དབང་སྲུང་ཡོད་དམ་ཟེར་ནས་དྲི་བ་བཏང་བར།
མོ་ལ་མི་གཅིག་ཀྱང་སྟོན་ཡ་མི་འདུག” སྐོར་ར་རྒྱབ་ནས་ཁ་གཡར་ས་བཙལ་བ་ལས་གཞན་བཤད་རྒྱུ་མི་འདུག
འོན་ཀྱང་། རྒྱལ་སྤྱིའི་རྩ་ཁྲིམས་ལྟར་སྨྲ་བརྗོད་ཀྱི་རང་དབང་ལ་ཚད་གཞི་ཡོད་པ་གསལ་བོ་ཡིན་ཞིང་།
དྲ་ལམ་དུ་ཁྱེད་རང་གསོད་ཀྱི་ཡིན་དང་རྡུབ་ཀྱི་ཡིན་ཟེར་ན་ཁྲིམས་དང་འགལ་ཡོད་ཀྱང་། བགྲོ་གླེང་མེད་པ་བསམ་ཚུལ་མི་མཐུན་པ་འགོག་སྟངས་ནི།
སྒེར་གཅོད་པ་ཡིན།
གཞན་ཡང་མོས Twitter རྒྱུད་ནས་ལོག་གཡེམ་མྱོང་མཁན་གྱི་བུད་ཚོ་ལ་ཡིད་ཆེས་བྱེད་དགོས་ཟེར་ནས། me too ཀྱི་ལས་འགུལ་བྱུང་ལ་འགོ་འཇུག་ཀུན་ཏུ་རྒྱབ་སྐྱོར་བྱས་ཡོད་ཀྱང་། ད་ལྟ་ནེའུ་ཡོག་གི་སྤྱི་ཁྱབ་ཁཱོ་མོ་ལ་བུད་མེད་ལྔ་ཡིས་ཁཱོ་མོ་ཡིས་ཁོ་ཚོ་ལ་ལོག་གཡེམ་བྱས་བའི་ཉེེས་བ་འཛུགས་སྐབས་སུ་མོས་རྒྱབ་སྐྱོར་བྱས་མེད། རྒྱུ་མཚན་ནི། མོས་ཁཱོ་མོ་ལ་སྐྱོན་བརྗོད་བྱས་ན། ཁཱོ་མོ་ཡི་མཐུན་ཕྱོགས་ཀྱི་མང་གཙོ་ཚོགས་པའི་སྤྱི་འཐུས་རེ་ཟུང་གིས་མོ་ལ་རྒྱབ་སྐྱོར་མི་བྱེད་པ་འགྱུར་སྲིད་ཅིང་། གྱུར་ན་མོ་བདེ་སྲུང་གི་ལས་རོགས་སུ་ཆགས་ཐབས་མེད་པས་རེད། དེར་བརྟེན། བདུན་སྔོན་མའི་ནང་དུ་མོ་ལ་འདྲི་རྩད་བྱེད་མཁན་གྱི་གྲོས་ཚོགས་གོང་མའི་སྤྱི་འཐུས Marsha Blackburn ཡིས་མོ་ནི་ཚུལ་ཆོས་མཁན་རེད་རྗོད་ཡོད། རྒྱུ་མཚན་ནི། དེ་སྔོན་མོས་ལོག་གཡེམ་ཕོགས་མཁན་ཀུན་ལ་རྒྱབ་སྐྱོར་བྱས་ཀྱང་། ད་ལྟ་མི་བྱེད་པས་རེད།
སྐབས་དེར་གྲོས་ཚོགས་གོང་མའི་སྤྱི་འཐུས Colins ཡིས་ལོག་གཡེམ་བྱས་ཚུལ་ལབ་མཁན་གྱི་བུད་མེད་ཀུན་ལ། ཡིད་ཆེས་བྱེད་མི་རུང་། ཞིབ་འཇུག་བྱེད་དགོས་བརྗོད་པས། རྒོས་རྟ་ཡིས་མོ་ལ་སྐྱོན་བརྗོད་བྱས་ཤིང་། མོས་ལོག་གཡེམ་ནས་ཐར་མཁན་ཚོ་ལ་དམའ་འབེབ་བྱེད་ཀྱི་འདུག་བརྗོད་ཡོད། འོན་ཀྱང་། ད་ལྟ་རྒོས་རྟ་ཡིས་དེ་ལ་དགོངས་དག་ཞུས་འདུག གལ་སྲིད་གྲོས་ཚོགས་ཀྱིས་མོ་བདེ་སྲུང་གི་ལས་རོགས་སུ་བདམ་ན། མོས་མ་འོངས་བར་དེ་ལྟར་མི་བྱེད་ཟེར་ནས་ཁས་ལེན་བྱས་འདུག
རྒོས་རྟ་ཡི་ཕ་མ་ནི་རྒྱ་གར་ནས་སྐྱེས་ཤིང་། ཨ་རི་ལ་ཡོང་མཁན་ཡིན་པས། མོ་ནི་རྒྱ་གར་གྱི་ཨ་རི་བ་ཡིན། རྒྱ་གར་གྱི་ཨ་རི་བ་མོ་ཨ་རིར་སླེབས་ནས། ཨ་རིའི་ཆབ་སྲིད་པའི་ནང་དུ་འཛུལ་ཞིང་། དྲ་རྒྱ་ཁེ་གཉེར་ཁང་དང་མཉམ་འབྲེལ་གྱིས་དྲ་རྒྱའི་ནང་གི་སྨྲ་བརྗོད་ཀྱི་རང་དབང་བཀག་འགོག་བྱེད་མཁན་དུ་གྱུར་ཡོད། མོས་དེ་ལྟར་བཀག་ཐུབ་དགོས་དོན་ཡང་མོའི་རྒྱབ་ནས་ཨོ་བྷ་མ་དང་། དེའི་མཐུན་ཕྱོགས་ཀྱི་མི་ཡོད་པས་རེད། དེར་བརྟེན། ད་ལྟ་བྷར་སྒྲན་གྱིས་མོ་ལ་བྱ་དགའ་སྤྲད་ནས། མོ་ཨ་རིའི་བདེ་སྲུང་དྲུང་ཆེ་ཡི་ལས་རོགས་བདམས་འདུག ཡིན་ཡང་། སྤྱི་མཐུན་ཚོགས་པས་མོ་ལ་སྐྱོན་བརྗོད་བྱས་ཤིང་། ད་དུང་གྲོས་ཚོགས་གོང་མས་མོ་་ངོས་ལེན་བྱས་མེད། མོ་ངོས་ལེན་བྱེད་པ་ལ་སྤྱི་འཐུས ༥༠ ཡིས་རྒྱབ་སྐྱོར་ཐོབ་དགོས་ཤིང་། མེད་ན་བདེ་སྲུང་གི་ལས་རོགས་སུ་འགྱུར་ཐབས་མེད། དེ་སྔོན་བྟར་སྒྲན་གྱི་དངུལ་རྩའི་འགན་འཛིན་གྱི་འོས་མི Neera Tanden ལ་སྤྱི་མཐུན་ཚོགས་པ་ཡོངས་དང་། མང་གཙོ་ཚོགས་པའི Joe Manchin ངོས་ལེན་མ་བྱས་བས། མོ་ཕྱིར་འཐེན་བྱེད་དགོས་བྱུང་ཡོད། ད་ལྟ་རྒོས་རྟ་ལ་ཡང་དེ་ལྟར་ཡོང་ཉེན་འདུག
ད་ལྟ་ཨ་རིའི་གྲོས་ཚོགས་གོང་མའི་ནང་དུ་སྤྱི་འཐུས་ཆབ་སྲིད་ཚོགས་པ་གཉིས་ཀྱི ༥༠-༥༠ ཡིན་པས། དེ་ལ་མང་གཙོ་ཚོགས་པ་ཀུན་གྱིས་རྒྱབ་སྐྱོར་དགོས་ཤིང་། དེ་ལས་གཅིག་མེད་ན། བྷར་སྒྲན་གྱིས་ནང་བློན་ལ་སུ་ཞིག་གདམ་ཡང་། ཡོང་ཐབས་མེད་པར་གྱུར་ཡོད དེར་བརྟེན། བྷར་སྒྲན་གྱིས་བདམས་པའི་འོས་མི་མང་པོར་ངོས་ལེན་བྱེད་རྒྱུར་དཀའ་ངལ་འཕྲད་ཀྱི་ཡོད། ད་ལྟ་གཞི་ནས་མང་གཙོ་ཚོགས་པའི་སྔོན་ཐོན་པ་རྣམས་ཀྱིས་རང་གི་སྤྱོད་ཉེས་བྱས་བར་འགྱོད་པ་སྐྱེས་ཀྱི་འདུག ཡིན་ཡང་། CNN ཡིས་སྤྱི་མཐུན་ཚོགས་པས་ཁོ་ཚོ་ངོས་ལེན་མ་བྱས་བ་ནི། པགས་མདངས་གིས་ཡིན་ཚུལ་གྱིས་ཁོ་ཚོས་བསགས་པའི་ཉེས་བ་པགས་མདངས་ལ་ཁ་གཡར་ནས་བཀབ་ཐབས་བྱེད་ཀྱི་འདུག