ཉིན་གོང་བདེ་ལེགས། རྡི་བྷི་རེས་རྡན་(dobrý
den)ཆེ་ཁི་ལ་ཚང་མ་གད་མོ་ཤོར་སྲིད་ངེས་རེད། གྲོས་ཚོགས་གོང་མའི་མགྲིན་ཚབ་པ(Vondráček)དང་།
ངའི་རྗེས་སུ་གྲོས་ཚོགས་ཀྱི་ནང་དུ་གཏམ་བཤད་གནང་མཁན་གྱི་གྲོས་ཚོགས་འོག་མའི(Fischer)དང་།
གཞན་ཡང་གལ་ཆེན་གྱི་སྐུ་མགྲོན་ཚང་མ་ལ་འཚམས་འདྲི་ཡོད། དེ་རིང་ང་འདི་རུ་བཅར་ཐུབ་པར་ཧ་ཅང་གི་དགའ་བོ་བྱུང་།
ལོ་མང་པོས་སྔོན་དུ་ང་འདི་དང་བར་ཐག་མི་རིང་བའི་ས་ནས་དམག་མི་བྱས་ནས་བསྡད་པ་ཡིན་ལ། སྐབས་དེར་གྲོང་ཁྱེར་འདི་གུང་ཁྲན་ཏང་གིས་བཟུང་ཡོད་པས།
མཛེས་སྡུག་གི་གྲོང་ཁྱེར་འདིའི་ནང་དུ་ཨ་རིའི་ཕྱི་སྲིད་དྲུང་ཆེ་ཡིས་གཏམ་བཤད་གནང་རྒྱུ་ཡོང་ཐབས་མེད།
ང་སྐྱེས་སའི་ཁན་སན་སིའི་ (Kansas)ནང་ལ་དུས་རབས ༡༩ ནང་དུ་ཆེ་ཁི་ནས་ཡོང་བའི་གཞིས་ཆགས་མང་པོ་ཡོད་ལ།
ཁོ་ཚོ་ནི་ཁེ་ཆེའི་མོ་ར་ཝེ་དང་བྷོ་ཧེས་མས་ཡ་ས་ཁུལ་སོགས་ནས་ཡོང་བའི་ཆེ་ཁི་བ་རེད། ང་སྡོད་སའི(Wichita)དང་བར་ཐག་མི་རིང་བའི་ས་ནས་ཆེ་ཁིའི་པིལ་ཟན་(Plzeň)གྲོང་ཁྱེར་གྱི་མིང་བཏགས་པའི་གྲོང་ཁྱེར་ཆུང་ཆུང་ཞིག་ཡོད་ལ།
ཁོ་ཚོས་དེ་རུ་ཆེ་ཁིིའི་གོམས་སྲོལ་རྒྱུན་འཛིན་བྱེད་ཀྱི་ཡོད། དེའི་ནང་གི་ཆེ་ཁི་བ་ཚང་མ་ཨ་རི་ལ་ཡོང་དགོས་དོན་ནི་མི་ཚེ་ལེགས་པོ་སྐྱེལ་རྒྱུ་དང་།
རང་དབང་གི་ཆེད་དུ་རེད། དེ་ནི་ཨ་རིས་དུས་ཀུན་རང་གི་མི་མང་ཁས་ལེན་བྱས་བའི་རང་དབང་གི་རིན་ཐང་གིས་རེད་ལ།
ཆེ་ཁིའི་མི་མང་གིས་ཀྱང་རང་དབང་གི་གོ་དོན་གསལ་བོར་རྟོགས་ཤིང་། དེ་ལ་དགའ་བཞིན་ཡོད། རང་དབང་ལ་དགའ་ཞིང་དུང་བའི་ཨ་རི་བ་དང་།
རང་དབང་ལ་དགའ་བའི་ཆེ་ཁི་བ་གཉིས་རང་དབང་གིས་གཅིག་ཏུ་སྦྲེལ་ཞིང་། རང་དབང་གིས་རླབས་ཆེན་གྱི་རྒྱལ་ཁབ་གཉིས་གཅིག་ཏུ་སྒྲིལ་ཡོད།
ཁྱེད་ཚོ་ཚང་མས་ལོ་རྒྱུས་ཤེས་བ་ལྟར ༡༩༡༨ ལོར་ཆེ་ཁི་དང་གསི་ལོ་ཝ་ཁི་གཉིས་ཨ་རིའི་མང་གཙོ་ལ་ཡིད་སྨོན་ཤོར་ཤིང་།
དེ་ལ་མིག་དཔེ་བལྟས་བས། ཨ་རིའི་གྲོང་ཁྱེར(Pittsburgh)ནང་དུ་ཨ་རིས་མང་གཙོའི་སྲིད་གཞུང་གསར་བ་ཆེ་ཁི་གསི་ལོ་ཝ་ཁིའི་གཞུང་དང་ཆིངས་ཡིག་བཞག་ཡོད།
ཁ་སང་པིལ་ཟན་དུ་ཨ་རིའི་དམག་གིས་ལོ ༧༥ གོང་དུ་གྲོང་ཁྱེར་འཇར་མན་གྱི་ནཱ་ཙིའི་འོག་ནས་བཅིང་གྲོལ་བཏང་བའི་དུས་དྲན་ཚོགས་ཤིང་།
ང་དེ་ལ་མཉམ་ཞུགས་བྱེད་པའི་གོ་སྐབས་བྱུང་། མ་ཟད་ཨུ་རུ་སུས་ཤུགས་རྐྱེན་འོག་ཏུ་ཡུལ་འདི་གུང་ཁྲན་གྱིས་དབང་བསྒྱུར་བྱེད་སྐབས་སུ་ཡང་།
ཨ་རིའི་མི་མང་གིས་ཆེ་ཁིའི་ཆེད་དུ་སྨོན་ལམ་བཏབས་ཡོད་ལ། ཡོ་རོབ་རང་དབང་རླུང་འཕྲིན་ཁང་བཙུགས་ཡོད།
ཨ་རི་བ་རྣམས་ནམ་ཡང་ཁྱེད་ཚོ་དང་ལྷན་དུ་ཡོད།
མཐའ་མ་གུང་ཁྲན་གྱི་ལྕགས་ཀྱི་ཡོལ་བ་མར་ལ་ཟག་རྗེས་སུ་ཨ་རི་བས་ཁྱེད་ཚོའི་རང་དབང་གི་ཆེད་དུ་དགའ་སྤྲོ་སྒོམ་ཡོད་ལ།
ཕྱི་ལོ་ ༡༩༩༥ ལོར་ཡོ་རོབ་རང་དབང་རླུང་འཕྲིན་ཁང་ཆེ་ཁིའི་རྒྱལ་ས་ཕཱ་རལ་རྒི་རུ་སྤོས་ཡོད།
དེ་ནི་མཚོན་དོན་གྱི་ཆ་ནས་ཧ་ཅང་གི་གལ་ཆེན་ཡིན།
ཕྱི་ལོ་ ༢༠༡༤ ལོར་ང་ཨ་རིའི་གྲོས་ཚོགས་འོག་མའི་སྤྱི་འཐུས་ཡིན་པའི་སྐབས་སུ་ཆེ་ཁིའི་སྲིད་འཛིན་ཟུར་བ་ཝ་ཚི་ལ་ཧྥུ་ཧཱ་ཝལ(Vaclav
Havel)ཡི་སྐུ་འདྲ་ཨ་རིའི་གྲོས་ཚོགས་ཁང་དུ་བཞེངས་ཡོད་ལ། དེ་ནི་ཝལ་ཝལ་ཊིའི་མང་གཙོའི་གསར་བརྗེ
(Velvet Revolution) གྱི་དྲན་རྟེན་ཡིན།
ལོ་ངོ་སུམ་ཅུའི་གོང་དུ་ཨ་རིས་ཆེ་ཁིའི་སྲིད་འཛིན་ཝ་ཚི་ལ་ཧྥུ་ཧཱ་ཝལ་(Václav
Havel) ཨ་རིིའི་གྲོས་ཚོགས་ཀྱི་ནང་དུ་གཏམ་བཤད་ཀྱི་སྐུ་མགྲོན་དུ་བོས་ཡོད་ལ། ཁོ་ནི་ཨུ་རུ་སུའི་ཤུགས་རྐྱེན་གྱི་འོག་ནས་རང་དབང་ཐོབ་མཁན་གྱི་རྒྱལ་ཁབ་ཚོའི་གྲས་ཀྱི་ཨ་རི་ལ་ཕེབས་མཁན་གྱི་སྲིད་འཛིན་དང་པོ་ཡིན།
ཨ་རིའི་གཞུང་གིས་ཁོ་ལ་གོ་སྐབས་ཕུལ་དགོས་དོན་ནི། ཁོ་ནི་ཧ་ཅང་གིས་གལ་ཆེན་དུ་བརྩིས་བས་ཡིན་ཞིང་།
གོ་སྐབས་དེ་མི་དམིགས་བསལ་བ་མིན་ན་ཕུལ་གྱི་མེད། ཧཱ་ཝལ་གྱིས” ང་ཚོ་ནི་དམིགས་བསལ་གྱི་དུས་ཚོད་ཀྱི་ནང་དུ་འཚོ་བཞིན་ཡོད་པས།
འགྲོ་བ་མིའི་གདོང་ལ་དེ་སྔོན་བྱུང་མྱོང་མེད་ཅིང་། ཆ་རྒྱུས་མེད་པའི་ཆབ་སྲིད་ཀྱི་དཀལ་ངལ་སྣ་ཚོགས་ཧ་ཅང་གི་མགྱོགས་པོར་འཕྲད་བཞིན་ཡོད་གསུངས་ཡོད།”
དེ་ནི་བདེན་པ་རེད།
སྐབས་དེར་དུས་ཚོད་དམིགས་བསལ་བ་ཡིན་ཞིང་། གུང་ཁྲན་གྱི་གྲིབ་ནག་མེད་པར་གྱུར་ནས།
རང་དབང་དང་མང་གཙོའི་འོད་སྣང་དཀྱིལ་ཤར་གྱི་ཡོ་རོབ་ཁུལ་དུ་འཕྲོས་ཏེ་མི་མང་ལ་རང་དབང་ཐོབ་པ་མ་ཟད།
ནང་མི་མང་པོ་ལྷན་འཛོམས་བྱུང་ཡོད། ང་ཚོས་དེ་ལྟར་རང་དབང་མུ་མཐུད་དུ་ཡོང་རྒྱུའི་ཡིད་ཆེས་བྱས་ཏེ་སྤྲོ་སྣང་གིས་གང་བའི་དུས་ཡིན་ཡང་།
ང་ཚོའི་རེ་བ་བྱས་བ་བཞིན་ཡོང་མེད། ང་ཚོས་དེ་ནི་སྔ་མོ་ནས་རྟོགས་དགོས་ངེས་རེད། ཁ་གསལ་དུ་བཏང་ན།
༡༩༨༩ འམ ༡༩༩༡ ལོར་གཅིག་སྡུད་རིང་ལུགས་པ་ཤི་འདུག ཆར་རླུང་དེ་དུང་ཡང་འདུག སྐབས་དེར་ང་ཚོས་མཐོང་བ་ནི་ཕྱི་ཚུལ་ཙམ་རེད།
ང་ཚོས་གཅིག་སྡུད་རིང་ལུགས་པའི་སྲིད་ཇུས་ནི་གྲོངས་ཡོད་ཚུལ་གྱིས་ཤི་ཐོར་བྲིས་ཡོད་ཀྱང་།
ད་ལྟ་ང་ཚོས་ཤེས་གསལ་ལ་དེ་ནི་ནོར་འདུག
ཨ་རིའི་ཆེ་ཁིའི་གྲོགས་པོ་ཚོས་ཀྱང་། ད་ལྟ་དེ་ནི་ཤི་མེད་པ་ཤེས་ཡོད་པ་ང་ལ་ཡིད་ཆེས་ཡོད།
ཆེ་ཁིས་གླིང་ཕྲན་འདིའི་གདོང་ལ་སླེབས་པའི་དཀའ་ངལ་འདི་ཚོར་ཡོད་ངེས་རེད། ཨ་རུ་སུས་གནས་ཚུལ་རྫུན་མ་དང་།
དྲ་རྒྱ་རྒྱུད་དེ་ཁྱེད་ཚོའི་མང་གཙོ་དང་། བདེ་འཇགས་ལ་གནོད་སྐྱོན་བཏང་ནས་ཁྱེད་ཚོའི་ལོ་རྒྱུས་ཡང་བསྐྱར་འབྲི་འདོད་སྐྱེས་བཞིན་ཡོད།
ད་ལྟ་རྒྱ་ནག་གུང་ཁྲན་ཏང་གིས་ཁྱེད་ཚོའི་ཆབ་སྲིད་པ་དང་། བདེ་འཇགས་ལ་རྒོལ་ཞིང་ཁྱེེད་ཚོ་ལ་སྔར་མེད་པའི་འཇིགས་པ་ཆེན་པོ་ཡོད།
རྒྱ་ནག་གིས་ཁྱེད་ཚོའི་གསར་བཏོད་བྱས་བའི་བཟོ་ལས་ཀྱི་གསང་རྩལ་དང་། གསར་བཏོད་ཀྱི་ལག་རྩལ་རྐུ་བཞིན་ཡོད་པ་མ་ཟད།
རྐུ་སྟངས་ཀྱང་། དཔལ་འབྱོར་གྱི་ནུས་ཤུགས་ལ་བརྟེན་ནས་རྐུ་བཞིན་ཡོད། མེ་མདའ་དང་ལྕགས་འཁྲབ་འཁོར་ལོ་ལ་བརྟེན་པའི་རྐུ་སྟངས་དང་ཐ་དད་རེད།
རྒྱ་ནག་གུང་ཁྲན་གྱིས་སྤྱོད་སྟངས་ནི་ཉེས་མེད་ཀྱི་ཚོགས་སྡེ་ལ་ཉེས་བ་བཏང་ནས་འཁོན་ལན་སློག་གི་ཡོད་ལ།
སློག་ཐབས་ནི་ཆེ་ཁིའི་ཕཱ་རལ་རྒིའི་སྤྱི་ཁྱབ་ཀྱིས་ཐེ་ཝན་དང་ཉེ་བོ་བྱས་བས། རྒྱ་ནག་གིས་ཆེ་ཁིའི་རོལ་དབྱངས་རུ་ཁག་(Philadelphia
)རྒྱ་ནག་ཏུ་ཡོང་རྒྱུ་བརྩིས་མེད་དུ་བཏང་ནས་ཉེས་བ་བཅད་པ་བཞིན་རེད་ལ། ཧྲང་ཧེ་དང་། ཕཱ་རལ་རྒི་ཡི་མཚེ་མའི་གྲོང་ཁྱེར་གྱི་གན་རྒྱ་བརྩིས་མེད་དུ་བཏང་བ་བཞིན་རེད།
རྒྱ་ནག་གིས་དཔལ་འབྱོར་གྱི་སྟོབས་ཤུགས་བེད་སྤྱོད་བཏང་ནས་ཉེས་ཆད་གཅོད་ཀྱི་ཡོད་ལ།
ཆེ་ཁིའི་རྒྱ་ནག་གི་གཞུང་ཚབ་ཀྱིས་”ཆེ་ཁིའི་གྲོས་ཚོགས་གོང་མའི་ཚོགས་གཙོ་ལ་ཡི་གེ་བཏང་ཞིང་།
གལ་སྲིད་ཁྱེད་རང་ཐེ་ཝན་དུ་ལྟ་སྐོར་དུ་ཕྱིན་པ་ཡིན་ན། རྒྱ་ནག་གི་ནང་དུ་ཚོང་ལས་གཉེར་མཁན་གྱི་ཆེ་ཁིའི་ཁེ་གཉེར་ཁང་ཚོས་སྐྱིན་ཚབ་སྤྲོད་དགོས་བརྗོད་ཡོད།”
ཡི་གེ་དེ་ཆེ་ཁིའི་སྙིང་སྟོབས་ཅན་གྱི་གསར་འགོད་པས་ཕྱི་རོལ་ཏུ་བསྒྲགས་ཡོད་ལ། ཡི་གེ་དེ་ནི་ང་ཚོའི་རིན་ཐང་ལ་གནོད་བྱེད་རེད།
རྒྱ་ནག་གུང་ཁྲན་གྱིས་རྫུན་མ་བཤད་ཀྱི་ཡོད། དྲང་གཏམ་བཤད་མཁན་ཀུན། བཤད་པ་དང་མཉམ་དུ་མེད་པར་གྱུར་བཞིན་ཡོད།
ནད་ཡམས་ནི་ཝོས་ཧན་ནས་བྱུང་ཞིང་དེས་གནོད་སྐྱོན་ཚབས་ཆེན་བཏང་ཡོད། རྒྱུ་མཚན་ནི། རྒྱ་ནག་གུང་ཁྲན་ཏང་གིས་ནད་ཡམས་སྦས་སྐུང་བྱས་བས་རེད།
དེ་བཞིན་ཧོང་གོང་ལ་ཁས་ལེན་བྱས་བའི་རང་དབང་ཕྱིར་བསྡུ་བྱས་ཡོད་ལ། ལྷོ་རྒྱ་ནག་རྒྱ་མཚོར་སྟངས་འཛིན་བྱེད་ཐབས་བྱ་བཞིན་ཡོད།
མ་ཟད་ཡུ་གུར་བ་ས་ཡ་གཅིག་ངལ་རྩོལ་སྒྱུར་བཀོད་ར་བར་བཏང་ཡོད་པས། དེ་ནི་དུས་རབས་དུ་མའི་ནང་གི་འགྲོ་བ་མིའི་ཐོབ་ཐང་ལ་གྲིབ་ནག་ཕོགས་པའི་གནས་ཚུལ་གཅིག་རེད།
ཧོས་ཝལ་ལྟ་བུས་གསང་བའི་ཉེན་རྟོག་པ་བྱས་ནས་དུས་རྒྱུན་འགྲོ་སྤྱོད་ཀུན་ལ་སྟངས་འཛིན་བྱེད་ཀྱི་ཡོད།
གཅིག་བྱས་ན་རྒྱ་ནག་ལ་ཁ་གཏད་གཅོག་ནས་ཁོང་ཁྲོ་སློང་རྒྱུ་དཀའ་བས།
བཏང་སྙོམ་དུ་བཞག་ན་ལས་སླ་ཡང་། དེ་ལྟར་འཇོག་མི་ནུས་བ་ཁྱེད་ཚོས་ཤེས་ངེས་རེད། རྒྱ་ནག་གི་སྲིད་ཇུས་ནི་མར་ཁེ་སི་དང་ལེ་ནན་གྱི་ལྟ་གྲུབ་ལས་བྱུང་བའི་ཨུ་རུ་སུའི་མཐའ་འབྲེལ(Soviet
Union)བྱས་བ་ལས་ཡག་པ་མི་བྱེད། དེ་ལས་སྡུག་པ་བྱེད་ངེས་རེད། གུང་ཁྲན་གྱིས་ག་དུས་ཡིན་ཡང་སོ་སོ་དང་པོ་བྱེད་ཅིང་།
ང་ཚོ་ལྟ་བུ་རང་དབང་གི་སྤྱི་ཚོགས་ལ་ཧ་ཅང་གི་ཞེད་སྣང་བྱེད་ཀྱི་ཡོད།
དེ་ནི་གྲང་དམག་དང་པོ་དང་གཉིས་པའི་སྐད་ཆ་མ་རེད། རྒྱ་ནག་གུང་ཁྲན་གྱི་འཇིགས་པ་དང་།
དེ་ལ་ཁ་གཏད་གཅོད་རྒྱུ་ནི་ཧ་ཅང་གི་དཀའ་ངལ་དུ་གྱུར་ཡོད། རྒྱུ་མཚན་ནི། རྒྱ་ནག་ལ་དཔལ་འབྱོར་དང་།
ཆབ་སྲིད། སྤྱི་ཚོགས་ཀྱི་ནང་དུ་འཛུལ་ཚར་བས་ཡིན། དེ་ལྟར་ཨུ་རུ་སུ་རྙི་ལ་འཛུལ་ཐུབ་མེད།
པེ་ཅིང་ཡིན་ཡང་། ཉེ་བའི་ ནང་དུ་རང་ཉིད་ལ་འགྱུར་བ་གཏོང་འདོད་མེད།
བྷེལ་ལན་གྱི་གྱང་མ་འཐོར་བའི་སྔོན་དུ་ང་འཇར་མན་གྱི་(Bindlach)ནང་དམག་མི་ཡིན་ལ།
ང་ཚོས་གྱང་དེ་ལྟར་བདུན་གཅིག་གཉིས་ཀྱི་ནང་དུ་ཐོར་རྒྱུ་ཡིན་པ་ཤེས་རྟོགས་བྱུང་མེད། འོན་ཀྱང་།
བདུན་གཅིག་གཉིས་ཀྱི་ནང་དུ་གྱང་ཐོར་ནས་མི་རྣམས་རང་གི་གཉེན་ཉེ་ལ་ཐུག་ཐུབ་ཡོད་པས། རང་དབང་ལ་རྒྱལ་ཁ་ཐོབ་ཡོད།
སྐབས་འདི་ལ་ཡང་ང་ཚོར་རྒྱལ་ཁ་ཐོབ་ངེས་རེད། ཧཱ་ཝལ་གྱིས་གསུངས་བ་བཞིན་”ང་ཚོས་རྫུན་གཏམ་བཤད་ནས་འཚོ་མི་ཉན་ཞིང་།
བདེན་པ་བཤད་ནས་འཚོ་དགོས”གསུངས་བ་བཞིན་དེ་དོན་མངོན་འགྱུར་བྱུང་ངེས་རེད།
ཆབ་སྲིད་ཀྱི་དབུ་ཁྲིད་མང་པོ་ཞིག་གིས་ནུབ་ཕྱོགས་པའི་ནུས་བ་ཉམས་ཀྱི་ཡོད་ཚུལ་བརྗོད་ཀྱི་ཡོད་ཀྱང་།
ང་དེ་ལ་ཡིད་ཆེས་མེད། ང་ཚོ་ནི་ང་ཚོའི་ལས་དབང་གི་བདག་པོ་ཡིན། གཅིག་སྡུད་དང་རང་དབང་གཉིས་བསྡུར་བ་ཡིན་ན།
མི་ཚོས་རང་དབང་གདམ་པས། རང་དབང་གལ་ཆེན་འཛིན་པའི་ནུབ་ཕྱོགས་པའི་ལམ་ལུགས་ལ་རྒྱལ་ཁ་ཐོབ་རྒྱུ་ང་ལ་ཡིད་ཆེས་ཡོད།
གཏམ་བཟང་ཞིག་ཡོད་པ་ནི་རང་དབང་ལ་དགའ་མཁན་འཛམ་གླིང་གི་གང་སར་འཕེལ་བཞིན་ཡོད་ལ།
ང་གང་དུ་ཕྱིན་ཡང་། དེ་རུ་འཕེལ་བཞིན་ཡོད་པ་འཚོར་གྱི་ཡོད། ཨ་རིའི་ཆབ་སྲིད་ཚོགས་པ་གཉིས་གནད་དོན་གཅིག་གི་སྒང་ལ་མཐུན་རྒྱུ་དཀའ་ཡང་།
རྒྱ་ནག་གི་སྒང་ལ་མཐུན་ཁར། རྒྱ་ནག་མི་མང་དང་། རྒྱ་ནག་གུང་ཁྲན་ཏང་གཉིས་ཐ་དད་ཡིན་པ་གཅིག་མཐུན་ཡིན།
ངས་ཆབ་སྲིད་ཚོགས་པ་གཉིས་ཀྱི་མི་དང་ཁ་བརྡ་བྱེད་སྐབས་སུ་ཚང་མས་རྒྱ་ནག་གི་ཉེན་ཁ་ཡོད་པའི་སྒང་ལ་ལྟ་སྟངས་གཅིག་མཐུན་དུ་འགྱུར་བཞིན་འདུག་ལ།
ཡོ་རོབ་ཏུ་ཡང་དེ་ལྟར་འགྱུར་བཞིན་ཡོད་ངེས་རེད། ནུབ་ཕྱོགས་པ་རྒྱལ་ཁ་ཐོབ་བཞིན་ཡོད། ནུབ་ཕྱོགས་པ་ཉམས་བཞིན་ཡོད་ཚུལ་བརྗོད་མཁན་ཡོད་ཀྱང་།
དེ་ནི་བདེན་པ་མིན་ཞིང་། དེ་ནི་ཁོ་ཚོའི་ཡང་མ་དག་པའི་ལྟ་སྟངས་ཙམ་རེད། ཉེ་ཆར་ལི་ཊོན་གྱི་ལྷན་འཛོམས་ཀྱི་ཉམས་ཞིབ་བཅས་ལས།
ཡོ་རོབ་ཀྱི་དབུ་ཁྲིད་མང་པོས་རང་དབང་ལ་དགའ་བོ་བྱེད་ཀྱི་ཡོད་པ་ཤེས་ཡོད། ཡིན་ཡང་། ང་ཚོས་ལས་དོན་དེ་སྒྲུབ་པ་ལ་དུས་ཚོད་དགོས་ངེས་རེད།
དེ་འགྲུབ་པ་ལ་ཕཱ་རལ་རྒི་དང་ཕོ་ལན་ཊི། ཕོ་ཆོས་རྒ་སོགས་ཐེ་བའི་ང་ཚོ་ཚང་མས་མཉམ་འབྲེལ་བྱས་ནས་སྒྲུབ་དགོས་ཡོད།
ང་ཚོས་སྦ་གསང་མེད་པ་དཀའ་ངལ་གང་ཡོད་པ་རྣམས་ང་ཚོའི་མི་མང་ལ་བཤད་གལ་ཆེ་ཞིང་།
ཁོང་ཚོར་ང་ཚོའི་གདོང་ལ་སླེབས་ཛ་དྲག་གི་དཀའ་ངལ་དེ་ཤེས་སུ་བཅུག་དགོས། ང་ཚོས་རྒྱ་ནག་གི་འཇིགས་པ་འདི་ལ་གདོང་ལེན་བྱེད་མ་ཐུབ་པ་ཡིན་ན།
གྱོང་གུན་ཕོགས་མཁན་ནི་རང་དབང་གི་རྒྱལ་ཁབ་ཚོ་ཡིན་པ་ང་ཚོའི་རང་གི་མི་མང་ལ་ཤེས་སུ་འཇུག་དགོས།
ང་ཚོས་རྒྱ་ནག་གི་ཚོང་གི་མ་རྩ་འཇོག་མཁན་ཚོ་ལ་ག་འདྲ་བྱས་ནས། ཁ་གཏད་གཅོད་དགོས་མིན་དང་།
ཨ་རི་དང་ཡོ་རོབ། འཛམ་གླིང་གི་རྒྱལ་ཁབ་གཞན་དང་མཐུན་གྲོགས་སྒྲིག་ནས། རྒྱ་ནག་གི་འཇིགས་པ་འདི་ལ་ཁ་གཏད་ཅི་ལྟར་གཅོད་མིན་གྲོས་བསྡུར་བྱེད་དགོས།
ཁྱེད་ཚོ་ལ་མི་རབས་དུ་མ་ལ་གུང་ཁྲན་གྱི་མནར་གཅོད་མྱོང་བའི་ཉམས་མྱོང་ཡོད་པས། ང་ཚོས་ངེས་བར་དུ་མཉམ་ལས་བྱས་ཏེ་ཐམས་ཅད་ལ་གོ་རྟོགས་སྤེལ་དགོས།
ཁྱེད་ཚོས་རང་གི་རྒྱལ་ཁབ་ཀྱི་བདག་དབང་སྲུང་སྐྱོབ་ཀྱི་ཆེད་དུ ༡༩༦༨
ལོ་དང་། ༡༩༨༩ ལོ་རུ་(Charter 77)སྤེལ་ཞིང་། མང་གཙོའི་གསར་བརྗེ་ཡི་ལས་འགུལ་བ་བཞིན། ད་ལྟ་ཡང་སྔ་ལྟར་ཡར་ལ་ལངས་ནས་ལས་འགུལ་སྤེལ་རོགས་ཞེས་ངས་ཁེ་ཆེའི་སྤྱི་འཐུས་དང་།
སྐུ་ཚབ་ཀུན་ལ་རེ་བ་ཞུ་བཞིན་ཡོད། ཁྱེད་ཚོའི་རྒྱལ་ཁབ་ལ་ཡོ་རོབ་ཀྱི་རང་དབང་སྲུང་སྐྱོབ་བྱེད་པའི་གོ་སྐབས་ཡོད།
ཁྱེད་ཚོས་དེ་སྔ་དེ་དོན་གྱི་ཕྱག་ལས་མང་པོ་གནང་ཡོད་ལ། (Synopsis)གྱི་འཆར་གཞི་ལ་ལས་ཀ་བྱེད་མཁན་ཚོས།
རྒྱ་ནག་གི་ཉེན་ཁ་དང་། འཇིགས་པ་མང་པོ་མི་མང་ལ་གསལ་བཤད་བྱས་ཡོད། ཆེ་ཁིའི་གསར་འགོད་པ་ཡིན་ཡང་།
རྒྱ་ནག་གིས་གསར་ཁང་ཚོ་དང་། དུས་ཐུང་འཛིན་གྲྭ་བཅས་ལ་ཤུས་རྐྱེན་སྤྲད་ཅིང་། དེ་དག་རྒྱ་ནག་གིས་ཆབ་སྲིད་ཀྱི་ལག་ཆ་བྱས་བ་གསལ་བཤད་བྱས་ཡོད།
ཆེ་ཁིའི་གྲོས་ཚོགས་གོང་མ་ཡིན་ཡང་། ཧོང་གོང་དང་དམིགས་བསལ་གྱི་གན་རྒྱ་བཞག་པ་དེ་བརྩིས་མེད་དུ་བཏང་ནས་ཧོང་གོང་ལ་རྒྱ་ནག་གིས་དྲག་གནོན་བྱས་བར་ངོ་རྒོལ་བྱས་ཡོད།
ཉེ་ཆར་ང་ལ་ཐུག་མཁན་གྱི་ཆེ་ཁིའི་སྲིད་བློན་བྷ་བྷི་ཤིས་ཀྱིས་རྒྱལ་སྤྱིའི་སྟེང་གི་རྒྱ་ནག་གི་ལས་འཆར་ཕཱ་རལ་རྒིའི
5G གཙང་སེལ་གྱི་ལས་འགུལ་སྤེལ་གྱི་ཡོད། ཕཱ་རལ་རྒིའི་སྤྱི་ཆབ Hrib ཡིས་ཀྱང་ཧཱ་ཝལ་གྱི་ཕྱག་ལས་རྒྱུན་མཐུད་དུ་གནང་ནས་བོད་དོན་ལ་རྒྱབ་སྐྱོར་བྱེད་ཀྱི་ཡོད།
ཁྱེད་ཚོའི་གྲོས་ཚོགས་གོང་མའི་གཙོ་ཚོགས་ཐེ་ཝན་དུ་ཕྱིན་ནས་ཚོགས་གཙོ་སྔོན་མའི་ཐུགས་རེ་བསྐངས་ཡོད།
ང་ཚོ་ཨ་རི་ག་དུས་ཡིན་ཡང་ང་ཚོ་དང་མཉམ་དུ་རང་དབང་གི་ཆེད་དུ་འཐབ་རྩོད་བྱེད་མཁན་གྱི་སྤུན་ཟླ་ཕོ་མོ་ཀུན་དང་ལྷན་དུ་ཡོད།
ང་ཚོས་ཉེ་ཆར་ཡོ་རོབ་མནའ་མཐུན་གྱིས་ཕུལ་བའི་ཨ་རི་དང་ཡོ་རོབ་གཉིས་མཉམ་འབྲེལ་གྱིས་རྒྱ་ནག་ལ་འགྲན་པའི་འཆར་གཞི་ལ་ངོས་ལེན་བྱས་ཡོད།
ང་ཚོས་རྒྱ་ནག་གིས་མཉམ་འབྲེལ་རྒྱལ་ཚོགས་ལོག་སྤྱོད་མི་རྒྱུའི་ཆེད་དུ་མཐུན་གྲོགས་ཚོ་དང་ལྷན་དུ་རྒྱལ་ཚོགས་ལ་ལྟ་རྟོགས་བྱེད་ཀྱི་ཡོད།
ང་ཚོས་ནེ་ཊོ NATO ཡིས་ད་ལྟའི་འཇིགས་པ་འདི་ལ་ཁ་གཏད་ཐུབ་རྒྱུར་འཆར་གཞི་གསར་སྒྲིག་བྱེད་ཀྱི་ཡོད།
(ནེ་ཊོན་ནི་ཨ་རིིས་སྣེ་ཁྲིད་པའི་ནུབ་ཕྱོགས་ཀྱི་རྒྱལ་ཁབ ༣༠ ཡིན) ང་ཚོས་རྒྱ་ནག་གི་དྲ་རྒྱའི་འཇིགས་པ་ལས་སྐྱོབ་ཆེད་དུ་ཨ་སྒོར་ཐེར་འབུམ་གཅིག་བཏང་ཏེ།
ཁྱེད་ཚོ་དང་མཉམ་ལས་ཀྱིས་སོ་སོའི་རྒྱལ་ཁབ་ཀྱི་བདེ་འཇགས་སྒོར་མོ་ཁ་ཤས་ལ་མི་བཙོང་མཁན་གྱི་རྒྱ་ནག་གི་འཕྲུལ་རབས་ལྔ་བ
5G ལ་ངོས་ལེན་མི་བྱེད་པའི་གཙང་མའི་རྒྱལ་ཁབ་ཚོ་དང་མཐུན་གྲོགས་འཛུགས་རྒྱུ་ཡིན། ང་ཚོས་རྒྱ་ནག་གི་འཕྲུལ་རབས་ལྔ་བ་ལ་ངོས་ལེན་མི་བྱེད་མཁན་ཚོ་དང་མཉམ་ལས་བྱེད་རྒྱུར་དགའ་ནས་སྒུག་ཡོད།
ངས་གོང་དུ་བརྗོད་པ་བཞིན་རྒྱ་ནག་གིས་ཆེ་ཁིའི་སྤྱི་ཁྱབ་ལ་ཉེས་བ་བཏང་ཆེད་དུ་ཆེ་ཁིའི་རོལ་དབྱངས་རུ་ཁག་
philharmonic Orchestra ལ་ཉེས་བ་བཏང་ཏེ་རྒྱ་ནག་ལ་ཡོང་མ་བཅུག་པས། དེའི་ཚབ་ཏུ་ཨ་རིའི་གཞུང་ཚབ་ཁང་དུ་རོལ་དབྱངས་དེ་ཚོགས་བཅུག་ཡོད་ལ།
ང་ཚོས་གང་མགྱོགས་ཀྱིས་རོལ་དབྱངས་མཐུན་ཚོགས་དེ་ཨ་རིའི་ནང་དུ་མགྲོན་འབོད་བྱེད་རྒྱུ་ཡིན་པས་དེ་ལམ་ལྷོང་ཡོང་ངེས་རེད།
ང་ཚོས་རྣམ་དཔྱོད་ཀྱི་རྒྱུ་རྫས་རྐུ་མཁན་དང་། འགྲོ་བ་མིའི་ཐོབ་ཐང་འཕྲོག་མཁན་གྱི་རྒྱ་གཞུང་གི་རྐུ་མ་ལ་ཁ་གཏད་དང་།
ཉེས་ཆད་གཅོད་ངེས་ཡིན། ལས་དོན་དེ་འགྲུབ་པ་ལ་ཨ་རི་ནི་སྲིད་འཛིན་ཁྲོ་རྒན་གྱི་འོག་ནས་འཕེལ་རྒྱས་སུ་འགྲོ་བཞིན་ཡོད།
ངས་ད་ནི་བཤད་མཚམས་འཇོག་གི་ཡིན། རྒྱུ་མཚན་ནི། ང་ལ་ཁྱེད་ཚོ་དང་ལྷན་དུ་ཁ་བརྡ་གལ་ཆེན་བྱེད་རྒྱུ་མང་པོ་ལྷག་ཡོད་པས་དེ་ལ་བཏང་རྒྱུའི་ཆུ་ཚོད་མང་པོ་འཇོག་གི་ཡིན།
དེ་རིང་ནི་ཁྱེད་ཚོར་རང་དབང་ཐོབ་ནས་ལོ ༣༠ ཕྱིན་པའི་ཉིན་མོ་ཡིན་པ་ཁྱེད་ཚོས་ཤེས་དགོས་ལ།
བཅིང་གྲོལ་གྱིས་ཁྱེད་ཚོ་ལ་བྱིན་རླབས་གནང་ཡོད་པས་ངས་མཐོང་གི་འདུག དེ་རིང་ཞོགས་པ་ང་ཚོང་དཔོན་གསར་བ་ཁག་ཅིག་དང་ཐུག་པ་ཡིན་ལ།
དེ་ཚོས་དེ་སྔོན་ཨུ་རུ་སུའི་གུང་ཁྲན Soviet Union གྱི་འོག་ནས་ཆེ་ཁི་དང་ཨ་རིའི་དཔལ་འབྱོར་ལ་ཕན་པའི་ལས་དོན་གཉེར་རྒྱུར་བསམ་བློ་ཙམ་ཡང་མི་ཐུབ་བརྗོད་བྱུང་།
གཅིག་བྱས་ན། དེ་ལས་ཀྱང་གལ་ཆེ་བ་ཞིག་ནི་རང་དབང་ལ་གུས་ཞབས་བྱས་བ་ཡིན་ན། འགྲོ་བ་མི་ཚོད་དཔགས་ལས་འདས་བའི་ཡར་རྒྱས་སུ་འགྲོ་བ་བསྟན་ཡོད།
ངས་ཡང་བསྐྱར་ཧཱ་ཝལ་གྱི་གསུངས་ཚིག་ལུང་འདྲེན་རྒྱུ་ཞིག་ལ་ཧཱ་ཝལ་གྱིས”འཛམ་གླིང་ལ་དོན་ཕན་ལྡན་པའི་འགྲོ་སྟངས་གསར་བ་གང་ཞིག་བཟོ་དགོས་ཀྱང་།
རང་དབང་དང་འགྲོ་བ་མིའི་ཐོབ་ཐང་གཞི་རྩར་བཟུང་ཞིང་། དེ་དང་ཟུང་འབྲེལ་གྱིས་བཟོ་དགོས་གསུངས་ཡོད།”
ངའི་ཆེ་ཁིའི་གྲོགས་པ་རྣམས་པ་ལགས། ཁྱེད་ཚོས་དེ་སེམས་ལ་བཟུང་། ངས་ཀྱང་དེ་སེམས་ལ་འཛིན་ངེས་ཡིན།
ང་ཚོས་འགྲོ་བ་མིའི་ཐོབ་ཐང་དང་། རང་དབང་གལ་ཆེན་དུ་ག་ཚོད་ཀྱིས་བཟུང་བ་དེ་སྲིད་དུ་ཨ་རི་ཁྱེད་ཚོ་དང་མཉམ་དུ་གཙོ་བོ་བྱས་ནས་ནམ་ཡང་ཡོད།
ལྷ་ཡིས་ཆེ་ཁི་བ་ལ་བྱིན་རླབས་སྩོལ་བ་ཤོག ལྷ་ཡིས་ཁྱེད་ཚོ་ལ་བྱིན་རླབས་སྩོལ་བ་ཤོག