ཨ་ནུ་ཐང་བསོད་ནམས།
འཛམ་གླིང་ཐོག་གི་མང་གཙོའི་རྒྱལ་ཁབ་མང་ཤོས་ཀྱིས་འགོ་ཁྲིད་འོས་འདེམས་ཀྱི་སྐབས་སུ་འོས་ཤོག་བླུགས་མཁན་མི་གྲངས་མང་ཉུང་ལ་བརྟེན་ནས་འགོ་ཁྲིད་ཐག་གཅོད་བྱེད་ཀྱི་ཡོད་ཀྱང་།
ཨ་རིའི་སྲིད་འཛིན་དང་གྲོས་ཚོགས་ཀྱི་སྤྱི་འཐུས་གདམ་སྟངས་ནི་ཕྱི་ཚུལ་གྱི་མི་གྲངས་མང་ཉུང་གཙོ་བོར་འཛིན་པ་མ་ཡིན་པར། དམིགས་བསལ་ཁྱད་ཆོས་ཅན་གྱི་མང་གཙོའི་ལམ་ལུགས་ཤིག་ཡོད་པ་རེད།
འོན་ཀྱང་། ཨ་རིའི་གྲོས་ཚོགས་འོག་མ་ལྟ་བུར་མཚོན་ན། མངའ་སྡེའི་མི་གྲངས་མང་ཉུང་ལ་བརྟེན་ནས་མངའ་སྡེ་སོ་སོར་ཨ་རིའི་གྲོས་ཚོགས་འོག་མའི་འཐུས་མིའི་ཞབས་སྟེགས་བགོ་འགྲེམས་ཀྱི་ལམ་སྲོལ་ཞིག་ཡོད་ཀྱང་།
སྲིད་འཛིན་འདེམ་སྟངས་ནི་དེ་ལས་འགྲེལ་བཤད་མི་འདྲ་བ་ཞིག་རེད།
ཨ་རིའི་སྲིད་འཛིན་འོས་བསྡུའི་བྱ་རིམ་ནང་ ( ELECTORS ) ཞེས་པའི་འོས་འགན་ལྷན་ཚོགས་ཤིག་ཡོད་པས།
ལྷན་ཚོགས་དེས་ཨ་རིའི་རྒྱལ་ཡོངས་སྲིད་འཛིན་འོས་བསྡུའི་གྲུབ་འབྲས་དེ་སྲིད་འཛིན་སུ་ལ་ཐོབ་མིན་གྱི་ཆེས་ཐ་མའི་ཐག་གཅོད་དེ་གནང་གི་ཡོད་པ་རེད།
འོན་ཀྱང་། མང་གཙོའི་རྒྱལ་ཁབ་གཞན་པ་ལྟར་སྤྱིར་ཨ་མི་རི་ཀའི་དབུས་འོས་བསྡུ་ལས་ཁུངས་ཤིག་
༡༩༧༤ ལོར་བཙུགས་ཤིང་དེ་ལ་རྒྱུན་ལས་དྲུག་ཡོད། ཁོ་ཚོ་ནི་རང་དབང་ཅན་གྱི་ཚོགས་པ་ཞིག་ཡིན་པ་མ་ཟད།
ཚོགས་མི་ ༣༣༩ ཡོད་ལ། ཡིག་ཚང་དེའི་ ༢༠༡༧ ལོའི་ཡོང་འབབ་ལ་ཆ་མཚོན་ན་ཨ་སྒོར་ས་ཡ་ ༧༩ ལྷག་རེད་འདུག
རྒྱུན་ལས་དྲུག་ནི་ཨ་རིའི་ལས་ཐོག་སྲིད་འཛིན་དང་གྲོས་ཚོགས་གཉིས་ཀའམ། ལྷག་པར་དུ་གཙོ་བོ་གྲོས་ཚོགས་གོང་མས་ངེས་བར་དུ་མོས་མཐུན་ཡོད་པའི་ཐོག་ནས་བསྐོ་བཞག་བྱེད་དགོས།
ཁོ་ཚོའི་ལས་ཡུན་ནི་ལོ་དྲུག་ཡིན་པའི་ཐོག་ལོ་གཉིས་རེའི་མཚམས་སུ་དེའི་མི་སྣ་ཁག་ཅིག་བརྗེ་སྤོ་རྒྱབ་བཞིན་འདུག
སྐབས་བབ་ལས་དུས་རྫོགས་ཀྱང་། ཡང་བསྐྱར་ལངས་ཆོག་པ་མ་ཟད། ལས་ཀ་བྱེད་འདོད་མེད་ན་དགོངས་པ་ག་དུས་ཞུས་ཀྱང་ཞུ་ཆོག་ཆོག་ཡིན།
འོན་ཀྱང་། རྒྱུན་ལས་དྲུག་ནས་གསུམ་ལས་མང་བ་ཆབ་སྲིད་ཚོགས་པ་གཅིག་གི་མི་ཁུངས་ཡིན་མི་ཆོག་པ་རེད།
ཁོ་ཚོའི་ལས་འགན་གཙོ་བོ་ནི་ཁྲིམས་ལུགས་ལྟར་འོས་ཤོག་དྲང་བདེན་ཡོང་མིན་དང་། འོས་ཤོག་འཕེན་མཁན་ལ་ཐོ་འགོད་བྱེད་རྒྱུ།
ཕྱི་རྒྱལ་ནས་ཡོང་བའི་ཞལ་འདེབས་ལྟ་རྟོགས་བྱ་རྒྱུ། སྲིད་འཛིན་གྱི་འོས་མིའི་འགྲོ་སོང་ཚང་མ་གསལ་པོ་བཟོ་རྒྱུ་སོགས་ཡིན།
ཡིན་ན་ཡང་། ༡༩༩༠ ལོའི་སྲིད་འཛིན་ཁི་ལིས་ཊོན་ཀྱི་སྐབས་ནས་འོས་བསྡུ་ལས་ཁུངས་ཀྱི་ནང་དུ་ཆབ་སྲིད་ཚོགས་པའི་འཐེན་འཁྱེར་བྱུང་འགོ་བཙུགས་ཤིང་།
ལྷག་པར་དུ་འདས་པའི་ལོ་འགའི་རིང་ཆབ་སྲིད་ཚོགས་པ་གཉིས་ཀྱིས་འཐེན་འཁྱེར་གྱིས་དབང་གིས་རྒྱུན་ལས་ཁག་ཅིག་གཅིག་རྗེས་གཉིས་མཐུད་དུ་དགོོངས་བ་ཞུས་ཏེ།
ལས་མི་ཡིས་མ་འདང་པས་དབང་གིས་ཕྱག་ལས་ཡག་པོ་གནང་མི་ཐུབ་པའི་དཀའ་ངལ་འཕྲད་ཡོད། འོན་ཀྱང་།
༢༠༢༠/༥ པའི་ནང་དུ་རྒྱུན་ལས་ཚང་མ་བདམས་ཐུབ་ཡོད་པས་ད་ལྟ་མུ་མཐུད་དུ་ཕྱག་ལས་གནང་གི་ཡོད།
མངའ་སྡེ་སོ་སོའི་ནང་ཡོད་པའི་དབུས་འོས་བསྡུ་ལས་ཁུངས་ཀྱི་ཡན་ལག་དེ་ཚོས། འོས་ཤོག་འཕེན་མཁན་རྣམས་ལ་སྟངས་འཛིན་དང་།
ཁྲིམས་ལུགས་ལྟར་ལྟ་རྟོགས་དྲང་པོ་བྱེད་དགོས་ཀྱང་། དེ་ལྟར་བྱེད་མ་ཐུབ་པས། ད་ལོའི་སྲིད་འཛིན་གྱི་འོས་བསྡུ་ཡི་སྐབས་སུ་རྩོད་རྙོག་ཆེན་པོ་འདི་བྱུང་བཞིན་ཡོད།
དཔེར་ན། ཕན་གསེ་ཝེས་ནེས་ཡ་དང་། རྗོ་རྗེ་ཡའི་མངའ་སྡེའི་ལྟ་བུའི་ནང་དུ་ཁོ་ཚོས་ལྟ་རྟོགས་གཏན་ནས་བྱེད་མ་ཐུབ་པས་འོས་བསྡུ་ཡི་ཁྲིམས་ལུགས་ལ།
ལས་བྱེད་ཚོས་བརྩི་སྲུང་བྱེད་ཀྱི་མི་འདུག་ཅེས། མི་མང་པོས་དཔང་པོ་བྱེད་ཀྱི་ཡོད། འོན་ཀྱང་།
འོས་བསྡུ་ལས་ཁུངས་ཀྱིས་དེ་དག་ངོས་ལེན་ཡག་པོ་བྱེད་ཀྱི་མེད་པ་མ་ཟད། དེ་ལྟར་བརྗོད་པ་ཡིན་ན།
ཁོ་ཚོའི་ལས་བྱེད་དང་། དང་བླངས་ཀྱི་ལས་ཀ་བྱེད་མཁན་ཚོའི་བདེ་འཇགས་ལ་གནོད་ཚུལ་ཕྱིར་བསྒྲགས་བྱས་ཡོད།
སྲིད་འཛིན་གྱི་འོས་བསྡུའི་བྱ་རིམ་ནང་ ( ELECTORS ) ཞེས་པའི་འོས་འགན་ལྷན་ཚོགས་དེར་མི་གྲངས་
༥༣༨ ཡོད་ཅིང་། འཐུས་མི་དེ་དག་ནི་གོང་འཁོད་ལྟར་དབུས་དང་ཡན་ལག་གི་འོས་བསྡུ་ལས་ཁུངས་དེ་དག་དང་འབྲེལ་བ་མེད་པ་ཡིན།
འཐུས་མི་དེ་རྣམས་ནི་མངའ་སྡེ་སོ་སོའི་ནང་གི་མངའ་སྡེ་གྲོས་ཚོགས་ནས་འདེམ་བསྐོ་གནང་གི་ཡོད།
འོས་འགན་བཞེས་མཁན་གྱི་འཐུས་མི་དེ་ཚོས་མངའ་སྡེ་སོ་སོའི་ནང་། སྲིད་འཛིན་འོས་མི་སུ་ལ་འོས་ཤོག་འཕངས་པའི་འོས་གྲངས་མང་ཉུང་ལ་བརྟེན་ནས་(
ELECTORAL college votes ) ཞེས་པ་འོས་ཐོབ་སྐར་གྲངས་སྤྲོད་པ་དང་འོས་ཐོབ་ལག་ཁྱེར་ཞིག་ཀྱང་གནང་གི་ཡོད་པ་རེད།
འོན་ཀྱང་། གལ་ཏེ་འོས་བསྡུ་ཡི་རྒྱུད་རིམ་ནང་ལ་དྲང་བདེན་དང་ཕྱི་གསལ་ནང་གསལ་མ་བྱུང་པ་ཡིན་ན།
འོས་འགན་ལྷན་ཚོགས་ལ་ལག་ཁྱེར་དེ་སྤྲོད་མིན་གྱི་དབང་ཚད་ཡོད་པས། འོས་ཤོག་གི་གྲངས་ཀ་མང་བ་ཐོབ་མཁན་ལ་འོས་ཐོབ་ཀྱི་སྐར་གྲངས་མ་སྤྲད་ནའང་ཆོག་པ་ཡིན།
དེར་བརྟེན་ཁྲོ་རྒན་གྱི་ཁྲིམས་རྩོད་པས་ད་ལོའི་སྲིད་འཛིན་འོས་བསྡུ་འདི་དྲང་བདེན་མ་བྱུང་བས་འོས་ཐོབ་ཀྱི་ལག་ཁྱེར་དེ།
ཨ་རིའི་རྩ་ཁྲིམས་ལེའུ་གཉིས་པའི་ནང་ཚན་དང་པོ་དང་གཉིས་པའི་དགོངས་དོན་སྲུང་སྐྱོབ་བྱ་ཆེད་དུ་ཇོ་བྷར་སྒྲན་ལ་མ་སྤྲོད་རོགས་ཟེར་ནས་ཁྲིམས་རྩོད་བྱེད་ཀྱི་ཡོད་པ་རེད།
མངའ་སྡེ་སོ་སོའི་མངའ་སྡེ་གྲོས་ཚོགས་ལ་ཆ་མཚོན་ན། ཨ་རིའི་རྒྱལ་ཁབ་དང་པོ་བཙུགས་སའི་ཕེན་སེཝེ་ནི་ཡ་མངའ་སྡེའི་གྲོགས་ཚོགས་གོང་མའི་ནང་ལ་སྤྱི་འཐུས་
༥༠ དང་། གྲོས་ཚོགས་འོག་མར་སྤྱི་འཐུས་ ༢༠༣ ཡོད། མངའ་སྡེ་མི་གྲངས་ཆེས་མང་ཤོས། ཁཱ་ལིས་ཧྥུ་ནེས་ཡར་མངའ་སྡེ་གྲོས་ཚོགས་གོང་མར་སྤྱི་འཐུས་
༤༠ དང་། གྲོས་ཚོགས་འོག་མར་སྤྱི་འཐུས་ ༨༠ ཡོད། ནེའུ་ཡོག་མངའ་སྡེ་གྲོས་ཚོགས་གོང་མར་སྤྱི་འཐུས་
༦༣ དང་། གྲོས་ཚོགས་འོག་མར་སྤྱི་འཐུས་ ༡༥༠ ཡོད། མངའ་སྡེ་མི་གྲངས་ཉུང་བའི་གྲས་
Alaska ལྟ་བུར་ཆ་མཚོན་ན། མངའ་སྡེའི་གྲོས་ཚོགས་གོང་མར་སྤྱི་འཐུས་ ༢༠ དང་། གྲོས་ཚོགས་འོག་མར་སྤྱི་འཐུས་
༤༠ ཡོད་པ། དེ་མཚུངས་མངའ་སྡེ་གཞན་དག་ལའང་མི་གྲངས་མང་ཉུང་ལྟ་བུས་མངའ་སྡེ་གྲོས་ཚོགས་ཀྱི་གྲུབ་ཆ་འཐུས་སྒོ་ཚང་བ་ཡོད་པ་རེད་འདུག
འོས་འགན་ལྷན་ཚོགས་དེའི་འཐུས་མི་གདམ་མཁན་ནི། མངའ་སྡེ་སོ་སོའི་གྲོས་ཚོགས་ཡིན་པ་ལྟར། འོས་འགན་ལྷན་ཚོགས་དེའི་མི་འགྲོའི་ཆ་རྐྱེན་ལའང་གཞུང་ཞབས་ལས་བྱེད་དང་སྤྱི་འཐུས་ལས་ཐོག་སོགས་མི་སྣ་ཡོད་མི་ཆོག་པ་ཡིན།
མི་འགྲོའི་ཡོང་ཁུངས་དེ་མངའ་སྡེ་སོ་སོའི་ཆབ་སྲིད་ཚོགས་པ་སོ་སོ་ཆགས་ཀྱི་འདུག དཔེར་ན།
ནིའུ་ཡོག་མངའ་སྡེ་ལྟ་བུར་མཚོན་ན། སྲིད་དོན་པ་ཕྱོགས་སོ་སོར་འོས་འགན་ལྷན་ཚོགས་ཀྱི་འཐུས་མི་
༢༩ རེ་ཕན་ཚུན་གྲངས་ཀ་འདྲ་མཉམ་གྱི་ཚུལ་དུ་ཡོད་པས། སྲིད་འཛིན་འོས་བསྡུའི་ཐ་མའི་ཐག་གཅོད་བྱེད་པའི་སྐབས་སུ་མི་སྣ་
༢༩ ཅན་གྱི་འོས་འགན་ལྷན་ཚོགས་གཅིག་རྩིས་ལེན་པ་དང་ལྷན་ཚོགས་གཅིག་རྩིས་སྤྲོད་བྱེ་པོ་ཡིན་པས།
ཡིག་ཐོག་ཏུ་ཕན་ཚུན་ངོས་ལེན་གྱིས་མཚན་རྟགས་སྐྱོན་དགོས་ཀྱི་ཡོད་པ་རེད།
མི་གྲངས་མང་བའི་ནིའུ་ཡོག་མངའ་སྡེ་ལ་འོས་ཐོབ་སྐར་གྲངས་༢༩ ཡོད་ཅིང་། མི་གྲངས་ཆེས་མང་བའི་མངའ་སྡེ་ཆེ་ཤོས་ཁཱ་ལིས་ཧྥོན་ནེས་ཡ་ལ་འོས་སྐར་གྲངས་
༥༥ ཡོད་པ་ནས། མི་གྲངས་ཆེས་ཉུང་བའི་མངའ་སྡེ་ཆུང་བ་ཝཱཡོ་མིང་ Wyoming ལྟ་བུ་ལ་འོས་ཐོབ་སྐར་གྲངས ༣ ལས་མེད་པ་རེད། དེར་བརྟེན།
འོས་བསྡུའི་ཐ་མའི་གྲུབ་འབྲས་ཐག་གཅོད་སྐབས་སུ་འོས་ཐོབ་ཀྱི་སྐར་གྲངས་རྩི་སྟངས་དེ་ནི།
ཨ་རིའི་མེས་པོ་གོང་མ་ཚོས་སྲིད་དོན་རིག་པའི་ཚན་རིག་དང་བསྟུན་གང་ཐུབ་ཀྱིས་དྲང་བདེན་བྱས་ནས་བསྒྲིགས་ཡོད་ལ།
བྱེད་དགོས་དོན་ནི་མངའ་སྡེ་ཆེན་པོ་དང་། གྲོང་ཁྱེར་ཆེན་པོ་ཚོས་ཆུང་ཆུང་ཚོའི་ཐོབ་ཐང་མི་འཕྲོག་རྒྱུའི་ཆེད་དུ་རེད།
གལ་ཏེ། མི་འབོར་མང་བ་ཙམ་ལ་བརྟེན་ནས་རྒྱལ་ཁ་སྤྲོད་པ་ཡིན་ན། ནེའུ་ཡོག་དང་། ཁཱ་ལིས་ཧྥི་ནེས་ཡ་ལྟ་བུའི་གྲོང་ཁྱེར་ཆེན་པོ་དང་།
མངའ་སྡེ་ཆེན་པོ་དེ་ཚོས་ཨ་རིའི་དབང་ཆ་ཚང་མ་འཛིན་རྒྱུ་དང་། ཁོ་ཚོས་ཨ་རིའི་ཆབ་སྲིད་པ་ཡོངས་ལ་སྟངས་འཛིན་བྱེད་ཐུབ་པས་གྲངས་ཉུང་གི་མངའ་སྡེ་ཚོའི་ངག་ལ་ཉན་མཁན་མེད་པ་ནུས་མེད་དུ་འགྱུར་ངེས་ཡིན་པས།
དེ་ལ་གྲངས་མང་གི་མང་གཙོའི་སྒེར་གཅོད་ཟེར་གྱི་ཡོད། དེར་བརྟེན། ཨ་རིའི་མངའ་སྡེ་ཡོངས་སུ་འོས་འགན་ལྷན་ཚོགས་ཀྱི་མི་གྲངས་སམ་སྐར་གྲངས་རྣམས་ཕྱོགས་གཅིག་ཏུ་སྡོམ་ན་འོས་ཐོབ་སྐར་གྲངས་
༥༣༥ ཡོད་པ་དང་། ཨ་རིའི་རྒྱལ་ས་ཝཱ་ཤིན་ཏྲོན་ DC ལ་དམིགས་བསལ་བའི་ཚུལ་གྱི་འོས་ཐོབ་སྐར་གྲངས་
༣ བཅས། ཨ་རིའི་རྒྱལ་ཡོངས་ཁྱོན་ཡོངས་སུ་འོས་ཐོབ་སྐར་གྲངས་ ༥༣༨ ཡོད་པ་རེད།
གྲངས་མང་གི་མང་གཙོའི་སྒེར་གཅོད་ཀྱི་གནས་ཚུལ་དེ་ཨ་རིའི་རླབས་ཆེན་གྱི་མེས་པོ་གོང་མ་ཚོས་གསལ་པོ་རྟོགས་ནས་མངའ་སྡེ་ཀུན་ལ་དབྱིན་སྐད་དུ་བསྡུས་མིང་ལ་
ELECTORAL COLLEGE ཞེས་པའི་འོས་ཐོབ་སྐར་གྲངས་རྩི་བའི་ཐོབ་ཐང་དེ་སྤྲད་ཡོད། གལ་སྲིད་བོད་པ་རྣམས་བོད་ནང་དུ་མང་གཙོ་ཉམས་ལེན་བྱ་རྒྱུའི་ཉི་མ་གཅིག་ཤར་བ་ཡིན་ན།
གྲངས་ཀ་ཉུང་བའི་སྡེ་ཚན་རྣམས་ཀྱི་ཐོབ་ཐང་སྲུང་སྐྱོབ་བྱ་ཆེད་དུ། ཨ་རིའི་འོས་བསྡུའི་གནད་དོན་འདི་ལས་མིག་དཔེ་ཆེན་པོ་ལེན་རྒྱུ་ཡོད་པ་རེད།
མངའ་སྡེ་ཁག་ལ་འོས་ཐོབ་ཀྱི་སྐར་གྲངས་སྤྲོད་པའི་ལམ་ལུགས་དེ་རྒྱུན་རིང་ཕྱིན་ཡང་ ༡༩༦༢ ལོ་ནས་བཟུང་།
མངའ་སྡེ་ཚོའི་འོས་ཐོབ་ཀྱི་སྐར་གྲངས་ལ་མི་འབོར་འཕེལ་འགྲིབ་དང་བསྟུན་ནས་འགྱུར་བ་སོང་མེད་པས།
མངའ་སྡེ་ཁག་ཅིག་གི་འོས་ཐོབ་སྐར་གྲངས་དེ་མངའ་སྡེ་དེའི་མི་འབོར་མང་ཉུང་དང་མཐུན་གྱི་མེད་སྐོར་གླེང་བཞིན་ཡོད་ལ།
དེར་བརྟེན། ཨ་རིའི་མང་གཙོ་ཚོགས་པའི་མི་མང་པོས་སྐར་གྲངས་དེ་དྲང་པོ་ཆགས་ཀྱི་མེད་པས་དེ་ལ་འགྱུར་བ་གཏོང་དགོས་ཟེར།
དེའི་རྒྱུ་མཚན་ནི། མང་གཙོ་ཚོགས་པ་ལ་གྱོང་གུད་ཆེན་པོ་ཕོག་གི་ཡོད་པས་རྐྱེན་གྱིས་རེད།
ཁོ་ཚོས་མི་ལོ་ ༧༠ ཙམ་གྱི་སྔོན་དུ་ནེའུ་ཡོག་མངའ་སྡེ་ལ་འོས་ཐོབ་ཀྱི་སྐར་གྲངས་མང་ཤོས་ཡིན་ཡང་།
མི་འབོར་ལ་འགྱུར་བ་ཕྱིན་པས་དབང་གིས་དེའི་རྗེས་སུ་ཁཱ་ལའི་ཧྥི་ནེས་ཡ་མངའ་སྡེའི་སྐར་གྲངས་མང་ཤོས་སུ་གྱུར་ཡོད་ཟེར།
ཡང་ཁག་གཅིག་གིས། མི་ལོ་བཅུ་རེའི་རྗེས་སུ་འོས་ཐོབ་སྐར་གྲངས་ལ་འགྱུར་བ་བཏོང་དགོས་ཀྱི་འདུག་ལབ་ཀྱི་ཡོད་པ་རེད།
དཔེར་ན། གྲོས་ཚོགས་གོང་མའི་སྤྱི་འཐུས་ལས་ཐོག་མང་གཙོ་ཚོགས་པའི་ལྕམ་ཨེལི་གཟེ་བྷེཌ་
Elizabeth Warren ནས། འོས་ཐོབ་ཀྱི་སྐར་གྲངས་ཚང་མ་མེད་པ་བཟོས་དགོས་ཟེར། གསུང་བཤད་ཉན་མཁན་མང་ཚོགས་ཀྱིས་ཀྱང་དགའ་བསུའི་ཐལ་མོ་བརྡབ་ཀྱིན་འདུག
ལྷག་པར་དུ་མོ་རང་ད་ལོར་སྲིད་འཛིན་གྱི་འོས་མི་ལ་ལངས་པའི་སྐབས་སུ་འོས་ཐོབ་ཀྱི་སྐར་གྲངས་མེད་པ་བཟོ་དགོས།
ཞེས་དྲིལ་བསྒྲགས་ཤུགས་ཆེར་གནང་ཡོད། རྒྱུ་མཚན་ནི། མང་གཙོ་ཚོགས་པས་སྟངས་འཛིན་བྱེད་ས་གཙོ་བོ་ནེའུ་ཡོག་དང་།
ཁཱ་ལིས་ཧྥོ་ནེས་ཡ་མངའ་སྡེ་སོགས་གྲོང་ཁྱེར་ཆེ་ཁག་རྣམས་ཡིན་པས། གལ་ཏེ་འོས་ཐོབ་སྐར་གྲངས་མེད་པ་བཟོས་ནས་མི་འབོར་མང་ཉུང་ལ་བརྟེན་ནས་འོས་བསྡུའི་རྒྱལ་ཁ་སྤྲོད་པའི་ལམ་ལུགས་དེ་བཟོ་ཐུབ་ན།
སྤྱི་མཐུན་ཚོགས་པས་མང་གཙོ་ཚོགས་པའི་འགྲན་ཡ་ཡོང་གི་མེད་པ་ཁོང་ཚོས་ཤེས་ཀྱི་ཡོད་པས་དབང་གིས་རེད།
དཔེར་ན། མང་གཙོ་ཚོགས་པ་ལ་དབང་ཆེ་བའི་མངའ་སྡེ་ཆེན་པོ་ཁཱ་ལིས་ཧྥི་ནེས་ཡ (California)
ལ་ཨ་རིའི་རྒྱལ་ཡོངས་གྲོས་ཚོགས་འོས་མའི་སྤྱི་འཐུས་ཀྱི་ས་མིག་ ༥༣ དང་། སྲིད་འཛིན་འགྲན་བསྡུ་ལ་འོས་ཐོབ་ཀྱི་སྐར་གྲངས
༥༥ ཡོད། ནེའུ་ཡོག་ལ་རྒྱལ་ཡོངས་གྲོས་ཚོགས་འོག་མའི་སྤྱི་འཐུས་ཀྱི་ས་མིག་ ༢༧ དང་། སྲིད་འཛིན་འགྲན་བསྡུར་གྱི་འོས་ཐོབ་སྐར་གྲངས
༢༩ ཡོད་པས། མངའ་སྡེ་ཆུང་ཆུང་མི་གཟུའུ་རིའི་ Missouri དང་། མེརཱི་ལེནཌི་ Maryland ལྟ་བུ་དང་བསྡུར་ན་ཁོ་ཚོ་ལ་འོས་ཐོབ་ཀྱི་སྐར་གྲངས་དང་།
སྤྱི་འཐུས་ཀྱི་ས་མིག་ལྡབ་བཅུ་ཕྲག་དུ་མའི་མང་བ་ཡོད། འོན་ཀྱང་། མང་གཙོ་ཚོགས་པ་ད་དུང་ཡང་དེས་ཡིད་ཀྱི་ཚིམས་ཀྱི་མེད་པ་མ་ཟད།
མི་མང་ཤོས་ཀྱིས་དབང་སྒྱུར་བྱེད་དགོས་ཚུལ་བརྗོད་ནས། མངའ་སྡེ་ཆུང་ཆུང་ཚོའི་སྐར་གྲངས་རྩ་མེད་གཏོང་དགོས་ཟེར་གྱི་ཡོད་པ་རེད།
འོས་ཐོབ་ཀྱི་སྐར་གྲངས་ལ་བལྟས་ན་མངའ་སྡེ་ཆུང་ཆུང་ཚོ་སྙིང་རྗེ་བསམ་པ་འདྲ་ཞིག་འདུག མངའ་སྡེ་ཆེ་བར་འོས་ཐོབ་སྐར་གྲངས་
༥༥ ཅན་དང་། ༣༦ ཅན། ༢༩ ཅན་སོགས་ཡོད་ཅིང་། ཆུང་བར་འོས་ཐོབ་སྐར་གྲངས་ ༣ ལས་མེད་པ་མང་པོ་ཡོད་པས།
ཨ་རིའི་ས་ཁྲའི་ངོས་སུ་བལྟས་ན། སྲིད་འཛིན་འདེམ་པའི་སྐབས་སུ་སྤྱི་མཐུན་ཚོགས་པ་ལ་མངའ་སྡེའི་གྲངས་ཀ་མང་བ་ཐོབ་ཀྱི་ཡོད་ཀྱང་།
མངའ་སྡེ་ཆུང་ཆུང་དེ་ཚོ་ལ་མངའ་སྡེའི་འོས་ཐོབ་ཀྱི་སྐར་གྲངས་ཉུང་བའི་དབང་གིས་རྒྱལ་ཁ་ལས་སླ་པོར་ཐོབ་ཀྱི་མེད་པ་རེད།
 |
| ཨ་རིའི་སྲིད་འཛིན་དང་པོ། (George Washington) |
ཨ་རིའི་རྒྱལ་ཁབ་འཛུགས་མཁན་གྱི་གཙོ་བོ་ཇོར་ཇི་ཝཱཤིན་ཏྲོན་
George Washington མཆོག་ནས། ཨ་རི་ནི་གྷི་རིས་སིའི་མང་གཙོ་ལྟར་མ་ཡིན་ཞིང་། རྩ་ཁྲིམས་ལ་གུས་བཀུར་བྱེད་མཁན་གྱི་སྤྱི་མཐུན་རྒྱལ་ཁབ་ཅིག་ཡིན་གསུངས་པ་ལྟར།
རྩ་ཁྲིམས་མེད་ན། གྲངས་མང་གིས་སྒེར་གཅོད་བྱེད་པའི་མང་གཙོ་ཞིག་ཆགས་སྲིད་པས། དེང་རབས་ཀྱི་མང་གཙོ་ནི་རྩ་ཁྲིམས་སམ།
དབྱིན་སྐད་དུ་ཀོན་སི་ཏིཋུཤོན་ constitution གྱིས་དབང་སྒྱུར་པའི་མང་གཙོ་ཞིག་ཡིན་དགོས།
དེ་ལྟར་མིན་ན། མང་གཙོ་སྒེར་གཅོད་པ་དང་། གཅིག་སྡུད་རིང་ལུགས་པར་འགྱུར་བས། ཨ་རིའི་མེས་པོ་གོང་མ་ཚོས།
ཨ་རི་ལ་དེ་ལྟར་མི་ཡོང་བའི་ཆེད་དུ་མངའ་སྡེ་རེ་རེ་ལ་རང་གི་ཐོབ་ཐང་གི་འོས་ཐོབ་སྐར་གྲངས་དང་།
སྤྱི་འཐུས་ཀྱི་ས་མིག་སྤྲད་ནས་ཨ་རི་ལ་རྩ་ཁྲིམས་ཀྱིས་འདྲ་མཉམ་ཐོག་ནས་དབང་སྒྱུར་བྱེད་དུ་བཅུག་ཡོད།
ཨ་རིའི་སྲིད་འཛིན་གྱི་འོས་བསྡུའི་འགྲན་བསྡུར་བྱེད་པའི་སྐབས་སུ།
མངའ་སྡེ་མང་པོ་ཞིག་མང་གཙོ་ཚོགས་པ་དང་། མང་པོ་ཞིག་སྤྱི་མཐུན་ཚོགས་པར་ཐོབ་པ་རྒྱུན་ལྡན་ལྟ་བུར་གྱུར་པའི་མངའ་སྡེ་དེ་དག་ལ་རྩོད་རྙོག་མེད་ལ།
དེ་ཚོས་སྲིད་འཛིན་སུ་ལ་ཐོབ་མིན་གྱི་ཐག་གཅོད་བྱེད་ཀྱི་མེད། སྲིད་འཛིན་སུ་ལ་ཐོབ་མིན་གྱི་ཐག་གཅོད་བྱེད་མཁན་གཙོ་བོ་ནི་ཐོབ་ཤོར་རྩོད་གཞི་ཆེ་བའི་མངའ་སྡེ་བཅུ་གསུམ་ཙམ་ཡིན་ལ།
དེ་ཚོ་ཡང་། དུས་དང་བསྟུན་ནས་འགྱུར་བ་འགྲོ་བཞིན་ཡོད། དཔེར་ན། དེ་སྔོན་ཡིན་ན་ནེའུ་ཡོག་མངའ་སྡེ་ཡང་མཚམས་རེ་འོས་ཐོབ་རྩོད་གཞི་ཅན་གྱི་མངའ་སྡེ་རུ་གྱུར་མྱོང་ཡོད་པ་རེད།
འོན་ཀྱང་། དེང་སྐབས་ཡོངས་གྲགས་ཀྱིས་འོས་ཐོབ་རྩོད་གཞི་ཆེ་བའི་མངའ་སྡེ་ནི་ཨེ་རི་གཟོུ་ན་
Arizona, ཁེལོ་རཱེཌོ་ Colorado, ཧྥུལོ་རཱིཌ་ Florida, ཇཱོར་ཇིཡ་ Georgia, མཱེ་ཡའིན་
Maine, མི་ཤིའི་གྷཱན་ Michigan, ནོརཐི་ཁེརོ་ལཡི་ནཱ་ North Carolina, ཨུ་ཧཱཡོ་
Ohio, ཕེནསིལ་(v)ཝེནིཡ་ Pennsylvania, ཏྲེག་སིསི་ Texas, ཝིསི་ཁཱན་སིན་ Wisconsin བཅས་ཡིན་པ་རེད།
འདི་ཚོས་མིང་ལ་དབྱིན་སྐད་དུ་སིཝིང་སིཏཌཚི་ swing states ཞེས་པ་ཁ་ཕྱོགས་སྒྱུར་བའི་ནུས་པ་ཡོད་པའི་མངའ་སྡེ་ཟེར་གྱི་ཡོད་པ་རེད།
རྒྱུ་མཚན་ནི། མངའ་སྡེ་འདི་དག་མཚམས་རེར་སྤྱི་མཐུན་ཚོགས་པ་ལ་ཐོབ། མཚམས་རེ་རེར་མང་གཙོ་ཚོགས་པར་ཐོབ་པའི་དབང་གིས་སུ་ལ་ཐོབ་མིན་དེ་ངེས་གཏན་མེད་པས་དབང་གིས་ཡིན་པ་རེད།
ད་ལྟ་ཨ་རིའི་མི་འབོར་མང་ཤོས་ཀྱིས་མང་གཙོ་ཚོགས་པ་ལ་རྒྱབ་སྐྱོར་བྱེད་ཀྱི་ཡོད་ལ།
མངའ་སྡེ་མང་ཤོས་ཀྱིས་སྤྱི་མཐུན་ཚོགས་པར་རྒྱབ་སྐྱོར་བྱེད་ཀྱི་ཡོད། དེར་བརྟེན། སྤྱི་མཐུན་ཚོགས་པས་དུས་ཡུན་རིང་པོར་ཡང་ཡང་ཨ་རིའི་གྲོས་ཚོགས་གོང་འོག་གཉིས་སྟངས་འཛིན་བྱེད་ཐུབ་ཡོད།
ལྷག་པར་དུ་ཨོ་བྷ་མའི་སྐབས་སུ་གྲོས་ཚོགས་གོང་འོག་གཉིས་ཀ་སྤྱི་མཐུན་ཚོགས་པས་སྟངས་འཛིན་རྒྱུན་རིང་དུ་བྱས་ཡོད་པ་མ་ཟད།
ཁྲོ་རྒན་གྱི་སྐབས་སུ་ཡང་། གྲོས་ཚོགས་གོང་མ་སྤྱི་མཐུན་ཚོགས་པས་ཉར་ཐུབ་ཡོད། དེར་བརྟེན།
མང་གཙོ་ཚོགས་པའི་མི་མང་པོ་མངའ་སྡེ་ལ་འོས་ཐོབ་ཀྱི་གྲངས་ཀ་སྤྲོད་པའི་འོས་བསྡུའི་ལམ་སྲོལ་དེ་ལ་ཞེན་པ་ལོག་ཡོད།
དཔེར་ན། ཐེངས་འདིའི་ཨ་རིའི་སྲིད་འཛིན་འོས་བསྡུ་ལ་ཆ་མཚོན་ན། མང་གཙོ་ཚོགས་པའི་མི་མང་པོས་ཁྲོ་རྒན་སྲིད་འཛིན་གྱི་གོ་གནས་ནས་ཕམ་པར་གཏོང་དགོས་པ་མ་ཟད།
མངའ་སྡེ་ཚོའི་འོས་ཐོབ་ཀྱི་སྐར་གྲངས་རྩི་བའི་ལམ་སྲོལ་རྩ་གཏོར་གཏོང་དགོས་ཟེར། འོན་ཀྱང་།
སྤྱི་མཐུན་ཚོགས་པས། གལ་སྲིད་ཁྱོད་ཚོས་དེ་ལྟར་བྱས་ན། ཨ་རི་ནི་ཨ་རིའི་སྲོལ་རྒྱུན་གྱི་མང་གཙོའི་ལམ་ལུགས་ལྡན་པའི་ཨ་རི་བ་མིན་པར་འགྱུར་འགྲོ་ལ།
མི་མང་ཤོས་ཀྱིས་གང་འདོད་དུ་དབང་ཆ་སྒེར་གཅོད་བྱེད་པའི་སྤྱི་ཚོགས་ལམ་ལུགས་སུ་འགྱུར་འགྲོ་བས།
མ་འོངས་པའི་ཨ་རི་ནི་རིམ་བཞིན་གུང་ཁྲན་ཏང་ངམ། འཇར་མན་ན་ཙིའི་ལམ་ལུགས་ཅན་དུ་འགྱུར་འགྲོ་ངེས་རེད།
ཅེས་བརྗོད་ཀྱི་ཡོད།
སྲིད་འཛིན་འོས་མི་ཇོ་བྷར་སྒྲན་གྱིས་ཀྱང་། སྲིད་འཛིན་གྱི་འོས་བསྡུ་ཡི་སྐབས་སུ་མངའ་སྡེ་ཚོའི་འོས་ཐོབ་ཀྱི་སྐར་གྲངས་མེད་པར་གཏོང་རྒྱུ་ཡིན་མིན་དང་།
ཨ་རིའི་ཆེས་མཐོའི་ཁྲིམས་ཁང་ལ་ཚོགས་མི་མང་དུ་བཏང་དགོས་མིན་སོགས་ཀྱི་སྐོར་ལ་འགྲེལ་བཤད་གསལ་པོ་གང་ཡང་རྒྱབ་མེད།
གསར་འགོད་པ་རེ་ཟུང་དང་སྲིད་འཛིན་གྱི་བགྲོ་གླེང་དང་པོའི་སྐབས་སུ་སྲིད་འཛིན་ལས་ཐོག་པ་
Trump ཡིས། ཇོ་བྷར་སྒྲན་ལ་དེ་དོན་དྲི་བ་བཏང་ཡང་། ཇོ་བྷར་སྒྲན་གྱིས་དེ་ལ་དྲི་ལན་བཏབ་མེད།
ཇོ་བྷ་སྒྲན་གྱིས་ཤོད་རྒྱུར། གནད་དོན་དེའི་གནས་སྟངས་དང་ཨ་རིའི་མི་མང་གི་སེམས་ཁམས་ལ་བརྟེན་ནས་ཐག་གཅོད་བྱེད་ཀྱི་ཡིན་ལབ་ཡོད།
མང་གཙོ་ཚོགས་པའི་གསར་ཁང་ཆེ་ཁག་ཚོས་ཀྱང་བྷར་སྒྲན་སྲུང་སྐྱོབ་བྱས་ནས་དེ་དོན་ལ་དྲི་བ་ནན་པོ་དྲིས་ནས་གཙིར་བཅུག་གི་མེད།
དེ་ནི་གསར་འགོད་པ་ཁོ་རང་ཚོ་མང་གཙོ་ཚོགས་པའི་ཚོགས་མིའི་ཆ་ཤས་ཤིག་ཡིན་པས་རྒྱུ་མཚན་ལ་ཐུག་འདུག
ཨ་རིའི་རྩ་ཁྲིམས་ལ་འགྱུར་བ་གཏོང་དགོས་ན། སྲིད་འཛིན་དང་། གྲོས་ཚོགས་གོང་མ་གཉིས་ཀས་མོས་མཐུན་བྱེད་དགོས་པས།
གལ་སྲིད་མང་གཙོ་ཚོགས་པས་རྩ་ཁྲིམས་ལ་འགྱུར་བ་གཏོང་བ་དང་མངའ་སྡེ་ཚོའི་འོས་ཐོབ་ཀྱི་སྐར་གྲངས་མེད་པ་བཟོ་དགོས་ཚེ།
གྲོས་ཚོགས་གོང་མའི་ཆོག་མཆན་ངེས་བར་དུ་ཐོབ་དགོས་ཡོད། དེར་བརྟེན། ད་ལྟ་མང་གཙོ་ཚོགས་པ་དང་སྤྱི་མཐུན་ཚོགས་པ་གཉིས་ཀས་རྗོ་རྗེ་ཡའི་མངའ་སྡེའི་ནང་གྲོས་ཚོགས་གོང་མའི་སྤྱི་འཐུས་ཀྱི་ཞབས་སྟེགས་ལ་སུ་ཐོབ་ཀྱི་འགྲན་རྩོད་བྱེད་བཞིན་ཡོད།
གལ་ཏེ་མངའ་སྡེ་དེའི་ཞབས་སྟེགས་གཉིས་ཀ་མང་གཙོ་ཚོགས་པ་ལ་ཐོབ་པ་ཡིན་ན། སྲིད་འཛིན་དང་།
གྲོས་ཚོགས་གོང་འོག་གཉིས་ཀའི་དབང་ཚད་མང་གཙོ་ཚོགས་པ་ལ་ཐོབ་རྒྱུ་ཡིན་པས། མང་གཙོ་ཚོགས་པས་ཨ་རིའི་རྩ་ཁྲིམས་ལ་འགྱུར་བ་གཏོང་བ།
མངའ་སྡེ་གསར་པ་བཟོ་བ། འོས་ཐོབ་སྐར་གྲངས་ལ་འགྱུར་གཏོང་བའམ་སྐར་གྲངས་མེད་པར་གཏོང་བ་སོགས་བྱེད་ཐུབ་ངེས་ཡིན་པ་རེད།
མང་གཙོ་ཚོགས་པས། ཨ་རི་དེ་གང་འཚམས་ཀྱིས་སྤྱི་ཚོགས་རིང་ལུགས་ལ་བཅོས་སྒྱུར་གཏོང་རྒྱུའི་འདོད་རྔམ་བྱེད་བཞིན་ཡོད།
འོན་ཀྱང་། སྤྱི་མཐུན་ཚོགས་པས་སྤྱི་ཚོགས་རིང་ལུགས་ནི། མི་རྣམས་གཞན་རྟེན་དང་ལས་ལོ་ཅན་དུ་སྒྱུར་བྱེད་ཡིན་པ་མ་ཟད།
མི་འཇོན་ཐང་ཅན་དང་། ལས་ཀ་ལ་དགའ་མཁན་ཚོའི་ནུས་པ་དང་རང་དབང་འཕྲོག་བྱེད་ཡིན་པས། འཇོན་ཐང་ཅན་དང་ནུས་པ་ཅན་མེད་ཚེ།
མི་མང་ལ་ལས་ཀ་སྤྲོད་མཁན་དང་ལས་དོན་སྒྲུབ་མཁན་མེད་པས། མི་རྣམས་དབུལ་ཕོངས་དང་བླུན་པོར་འགྱུར་ངེས་རེད།
རྒྱུ་མཚན་ནི། སྤྱི་ཚོགས་རིང་ལུགས་ཀྱི་རྒྱལ་ཁབ་ཚོའི་ལོ་རྒྱུས་ཀྱིས་གསལ་བཤད་བྱས་ཡོད་པས།
ལམ་ལུགས་དེ་ནི་ཨ་རིའི་རྒྱལ་ཁབ་ཉམས་རྒུད་དུ་འགྲོ་བྱེད་ཀྱི་རྩ་བ་ཡིན་པ། ཨ་རིའི་མེས་པོ་གོང་མ་ཚོས་དེ་སྔ་ནས་གནད་དོན་དེ་གསལ་པོ་རྟོགས་ཡོད་པ་དང་།
ལམ་ལུགས་དེ་ལག་ལེན་དུ་བསྟར་མེད་པས་དབང་གིས་སྤྱི་མཐུན་ཚོགས་པས་དེ་ལ་ངོས་ལེན་བྱེད་ཀྱི་མེད་པ་རེད།
ཨ་རིའི་མངའ་སྡེ་ཆེ་ཆུང་ལ་མ་ལྟོས་པར་མངའ་སྡེ་རེ་རེ་ལ་རྒྱལ་ཡོངས་གྲོས་ཚོགས་གོང་མའི་འཐུས་མིའི་ཞབས་སྟེགས་གཉིས་རེ་ཡོད།
དེར་བརྟེན། མངའ་སྡེ་ ༥༠ ཡིས་གྲུབ་པའི་རྒྱལ་ཡོངས་གྲོས་ཚོགས་གོང་མའི་འཐུས་མི་ ༡༠༠ ཡོད་པ་རེད།
ཞབས་སྟེགས་དེ་དག་རག་ཐབས་སུ་ཕྱོགས་གཉིས་ཀས་འབད་བརྩོན་བྱེད་ཀྱིན་ཡོད་ལ། སྤྱི་འཐུས་ཀྱི་དུས་ཡུན་ནི་ལོ་དྲུག་རེ་དང་།
ལོ་གཉིས་རེའི་མཚམས་སུ་གྲོས་ཚོགས་གོང་མའི་སྤྱི་འཐུས་གསུམ་ཆ་གཅིག་ཙམ་འཕོ་འགྱུར་འགྲོ་གི་ཡོད།
འོན་ཀྱང་། འོས་ཤོག་ཡང་བསྐྱར་ཐོབ་ཅིང་། སྤྱི་འཐུས་ལངས་འདོད་ཡོད་ན། འཐུས་མི་སོ་སོ་མ་ཤི་བར་དུ་ཡང་ནས་ཡང་དུ་ལངས་ཆོག་གི་ཡོད་པ་རེད།
ད་ལྟའི་ཆར་འགྲན་བསྡུར་དེའི་ནང་སྤྱི་མཐུན་ཚོགས་པ་ལ་རྒྱལ་ཡོངས་གྲོས་ཚོགས་གོང་མའི་སྤྱི་འཐུས་
༥༠ དང་། མང་གཙོ་ཚོགས་པ་ལ་གྲོས་ཚོགས་གོང་མའི་སྤྱི་འཐུས ༤༨ ཀྱི་ཞབས་སྟེགས་ཐོབ་ཟིན་པ་ཡིན།
ད་ལྟ་སྤྱི་མཐུན་ཚོགས་པར་རྒྱལ་ཁ་ཐོབ་ཡོད་ཀྱང་། ད་དུང་འགྲན་རྩོད་ཡོངས་སུ་ཚར་མེད། ལོ་རྗེས་མ།
༢༠༢༡/༡/༡༥ ཉིན། རྗོ་རྗེ་ཡ་མངའ་སྡེའི་ནང་དུ་རྒྱལ་ཡོངས་གྲོས་ཚོགས་གོང་མའི་སྤྱི་འཐུས་གཉིས་གདམ་རྒྱུ་བསྡད་ཡོད་པས།
གལ་སྲིད་ཞབས་སྟེགས་གཉིས་ཀ་སྤྱི་མཐུན་ཚོགས་པར་ཐོབ་པ་ཡིན་ན། སྤྱི་མཐུན་ཚོགས་པར་གྲོས་ཚོགས་གོང་མ་ཐོབ་ཀྱི་ཡོད།
གལ་སྲིད་མ་ཐོབ་ན་མང་གཙོ་ཚོགས་པ་དང་འཐུས་མིའི་གྲངས་ཀ་འདྲ་མཉམ་ཅན་དུ་གྱུར་ཅིང་། དེའི་སྒང་ལ་གྲོས་ཚོགས་གོང་མའི་དབུ་ཁྲིད་སྲིད་འཛིན་གཞོན་པ་མང་གཙོ་ཚོགས་པ་ཡིན་པའི་དབང་དུ་བཏང་ན།
རྒྱལ་ཡོངས་གྲོས་ཚོགས་གོང་མའི་དབང་ཆ་མང་གཙོ་ཚོགས་པ་ལ་བདག་གི་ཡོད་པ་རེད།
ཨ་རིའི་ཁྱོན་ཡོངས་སུ་འོས་ཐོབ་སྐར་གྲངས་ ༥༣༨ ཡོད་པ་ནས་སྲིད་འཛིན་ལ་རྒྱལ་ཁ་ཐོབ་པར་མ་མཐའ་ཡང་སྐར་གྲངས་
༢༧༠ ལོང་དགོས། གཞུང་འབྲེལ་གྱི་ཐག་གཅོད་བྱས་ཟིན་པ་ད་ལྟ་རྩོད་མེད་བྱས་ནས་འགྲོ་བཞིན་པ་ནི།
སྲིད་འཛིན་ཁྲོ་རྒན་གྱི་འོས་ཐོབ་སྐར་གྲངས་ནི་ ༢༣༢ དང་། སྲིད་འཛིན་འོས་མི་བྷར་སྒྲན་ལ་འོས་ཐོབ་སྐར་གྲངས་ནི་
༢༢༧ ཡིན་ཡང་། ད་དུང་འོས་ཀྱི་འགྲན་རྩོད་ཚར་མེད་ལ་འཇུག་འབྲས་ཀྱང་གཏན་འཁེལ་བྱས་མེད། ད་དུང་ཁྲིམས་རྩོད་འགྲོ་བཞིན་ཡོད་ཅིང་།
ཁྲིམས་ཐོག་ནས་གཏན་ཁེལ་ཟིན་པའི་ཨ་རིའི་འོས་བསྡུའི་ཉིན་མོའི་དུས་ཚོད་ལྟར་རྩོད་མེད་ཁྲིམས་མཐུན་གྱི་འོས་ཤོག་རྩིས་པ་ཡིན་ན་སྲིད་འཛིན་ལས་ཐོག་ཁྲོ་རྒན་ལ་སྲིད་འཛིན་གྱི་འོས་ཐོབ་འདུག འོན་ཀྱང་། ད་ལྟ་རྩོད་རྙོག་འགྲོ་བཞིན་པའི་མངའ་སྡེ་ལྔ་ཡི་འོས་ཐོབ་སྐར་གྲངས་དེ་ཇོ་བྷར་སྒྲན་ལ་སྤྲད་པ་ཡིན་ན་སྲིད་འཛིན་གྱི་འོས་དེ་ཇོ་བྷར་སྒྲན་ལ་ཐོབ་ཡོད།
དེར་བརྟེན་ཁྲོ་རྒན་གྱི་ཁྲིམས་རྩོད་པས་ཁྲིམས་རྩོད་རྒྱབ་བཞིན་པ་རེད་འདུག འོས་བསྡུ་ཡི་སྐབས་སུ་རྙོག་གླེང་ཤུགས་ཆེར་བྱུང་ནས།
འོས་འགན་ལྷན་ཚོགས་ཀྱི་འཐུས་མི་ཚོས་གོང་འཁོད་ལྟར་ཐག་གཅོད་བྱེད་མ་ཐུབ་ཚེ། ཆེས་ཐ་མའི་ཐག་གཅོད་དེ་ཨ་རིའི་རྒྱལ་ཡོངས་གྲོས་ཚོགས་སམ་ཆེས་མཐོའི་ཁྲིམས་ཁང་གང་རུང་ནས་ཐག་གཅོད་བྱ་དགོས་ཀྱི་ཡོད་པ་རེད།
མཆན། རྩོམ་འདིའི་ནང་དོན་ཟུར་རྒྱན་གྲངས་ཐོ་ཁག་གཉིས་ཐུགས་སྣང་གནང་མཁན་ཚོའི་མཁྱེན་བདེ་བའི་ཆེད་ཟུར་འདོན་བྱས་ནས་སྤེལ་ཡོད།
ཟུར་རྒྱན་དང་པོ། འོས་འགན་ལྷན་ཚོགས་ ( ELECTORAL COLLEGE ) ཟེར་བའི་འོས་ཐོབ་སྐར་གྲངས་སྐོར།
༡ Alabama ཨེ་ལཱ་བྷ་མ་ - འོས་ཐོབ་སྐར་གྲངས ༩
༢ Alaska ཨ་ལཱ་སི་ཀཱ་ - འོས་ཐོབ་སྐར་གྲངས ༣
༣ Arizona ཨེ་རི་གཟོུ་ན་ - འོས་ཐོབ་སྐར་གྲངས ༡༡
༤ Arkansas ཨར་ཁཱན་ས་ - འོས་ཐོབ་སྐར་གྲངས ༦
༥ California ཁེལི་ཧྥོརནིཡ་ - འོས་ཐོབ་སྐར་གྲངས ༥༥
༦ Colorado ཁེལོ་རཱེཌོ - འོས་ཐོབ་སྐར་གྲངས ༩
༧ Connecticut ཁེནེ་ཋི་ཁཱད་ - འོས་ཐོབ་སྐར་གྲངས ༧
༨ Delaware ཌཱེལེ་ཝེའར - འོས་ཐོབ་སྐར་གྲངས ༣
༩ Wyoming ཝཱཡོ་མིང་ - འོས་ཐོབ་སྐར་གྲངས ༣
༡༠ Florida ཧྥུལོ་རཱིཌ་ - འོས་ཐོབ་སྐར་གྲངས ༢༩
༡༡ Georgia ཇཱོར་ཇིཡ་ - འོས་ཐོབ་སྐར་གྲངས ༡༦
༡༢ Hawaii ཧཱ་ཝཱའི་ - འོས་ཐོབ་སྐར་གྲངས ༤
༡༣ Idaho ཨཡི་ཌཱཧོ་ - འོས་ཐོབ་སྐར་གྲངས ༤
༡༤ Illinois ཨེལི་ནོཡི་ - འོས་ཐོབ་སྐར་གྲངས ༢༠
༡༥ Indiana ཨིན་ངྷིའི་ཡཱནཱ་ - འོས་ཐོབ་སྐར་གྲངས ༡༡
༡༦ Iowa ཨཱཡོཝཱ་ - འོས་ཐོབ་སྐར་གྲངས ༦
༡༧ Kansas ཁེན་སེསི་ - འོས་ཐོབ་སྐར་གྲངས ༦
༡༨ Kentucky ཁེན་ཋཀིའི་ - འོས་ཐོབ་སྐར་གྲངས ༨
༡༩ Louisiana ལུཝིསི་ཡེ་ནཱ - འོས་ཐོབ་སྐར་གྲངས ༨
༢༠ Maine མཱེ་ཡའིན་ - འོས་ཐོབ་སྐར་གྲངས ༤
༢༡ Maryland མེརཱི་ལེནཌི་ - འོས་ཐོབ་སྐར་གྲངས ༡༠
༢༢ Massachusetts མེསཱ་ཅུའུ་སིདཚི་ - འོས་ཐོབ་སྐར་གྲངས ༡༡
༢༣ Michigan མི་ཤིའི་གྷཱན་ - འོས་ཐོབ་སྐར་གྲངས ༡༦
༢༤ Minnesota མིནི་སཱོ་ཋཱ་ - འོས་ཐོབ་སྐར་གྲངས ༡༠
༢༥ Mississippi མིསི་སིཕཱིའི་ - འོས་ཐོབ་སྐར་གྲངས ༦
༢༦ Missouri མི་གཟུའུ་རིའི་ - འོས་ཐོབ་སྐར་གྲངས ༡༠
༢༧ Montana མཱན་ཋེ་ནཱ་ - འོས་ཐོབ་སྐར་གྲངས ༣
༢༨ Nebraska ནུབྷེརེ་སི་ཀཱ་ - འོས་ཐོབ་སྐར་གྲངས ༥
༢༩ Nevada ནུ(V)ཝཱེ་ཌཱ་ - འོས་ཐོབ་སྐར་གྲངས ༦
༣༠ New Hampshire ནིའུ་ཧཱམ་ཞིར་ - འོས་ཐོབ་སྐར་གྲངས ༤
༣༡ New Jersey ནིའུ་ཇཱིར་སིའི་ - འོས་ཐོབ་སྐར་གྲངས ༡༤
༣༢ New Mexico ནིའུ་མེཀསི་ཁོ་ - འོས་ཐོབ་སྐར་གྲངས ༥
༣༣ New York ནིའུ་ཡོརཁི་ - འོས་ཐོབ་སྐར་གྲངས ༢༩
༣༤ North Carolina ནོརཐི་ཁེརོ་ལཡི་ནཱ་ - འོས་ཐོབ་སྐར་གྲངས ༡༥
༣༥ North Dakota ནོརཐི་ཁོའུ་ཋཱ་ - འོས་ཐོབ་སྐར་གྲངས ༣
༣༦ Ohio ཨུ་ཧཱཡོ་ - འོས་ཐོབ་སྐར་གྲངས ༡༨
༣༧ Oklahoma ཨོ་ཁོལ་ཧཱའོ་མཱ་ - འོས་ཐོབ་སྐར་གྲངས ༧
༣༨ Oregon ཨོར་གྷཱན་ - འོས་ཐོབ་སྐར་གྲངས ༧
༣༩ Pennsylvania ཕེནསིལ་(v)ཝེནིཡ་ - འོས་ཐོབ་སྐར་གྲངས ༢༠
༤༠ Rhode Island རཱོཌི་ཨཡི་ལེནཌི་ - འོས་ཐོབ་སྐར་གྲངས ༤
༤༡ South Carolina སཱའོ་ཐི་ཁེརོ་ལཡི་ནཱ་ - འོས་ཐོབ་སྐར་གྲངས
༩
༤༢ South Dakota སཱའོ་ཐི་ཁོའུ་ཋཱ་ - འོས་ཐོབ་སྐར་གྲངས ༣
༤༣ Tennessee ཋུནུསིའི་ - འོས་ཐོབ་སྐར་གྲངས ༡༡
༤༤ Texas ཏྲེག་སིསི་ - འོས་ཐོབ་སྐར་གྲངས ༣༨
༤༥ Utah ཡུའུ་ཋཱ་ - འོས་ཐོབ་སྐར་གྲངས ༦
༤༦ Vermont (V) ཝོར་མཱན་ཋི་ - འོས་ཐོབ་སྐར་གྲངས ༣
༤༧ Virginia (v) ཝིརཇིན་ནིཡཱ་ - འོས་ཐོབ་སྐར་གྲངས ༡༣
༤༨ Washington ཝཱཤིང་ཋོན- འོས་ཐོབ་སྐར་གྲངས ༡༢
༤༩ West Virginia ཝེསིཋི་ཝིརཇིན་ནིཡཱ་ - འོས་ཐོབ་སྐར་གྲངས ༥
༥༠ Wisconsin ཝིསི་ཁཱན་སིན་ - འོས་ཐོབ་སྐར་གྲངས ༡༠
༥༡ (དམིཌ་བསལ) District of Columbia ཌེསི་ཋྲེཀ་ཋྲི་འུཧྥུ་ཁོ་ལུམ་བྷིཡ་ - འོས་ཐོབ་སྐར་གྲངས ༣
འོས་ཐོབ་སྐར་གྲངས་ཁྱོན་སྡོམ་ ༥༣༨ ཡོད།
ཟུར་རྒྱན་གཉིས་པ། ཨ་རིའི་མངའ་སྡེ་སོ་སོའི་མི་འབོར་མང་ཉུང་ལ་བརྟེན་ནས་གྲོས་ཚོགས་འོག་མའི་སྤྱི་འཐུས་ཡོང་སྟངས།
༡ Alabama གྲོས་ཚོགས་འོག་མའི་སྤྱི་འཐུས་ ༧
༢ Alaska གྲོས་ཚོགས་འོག་མའི་སྤྱི་འཐུས་ ༡
༣ Arizona གྲོས་ཚོགས་འོག་མའི་སྤྱི་འཐུས་ ༩
༤ Arkansas གྲོས་ཚོགས་འོག་མའི་སྤྱི་འཐུས་ ༤
༥ California གྲོས་ཚོགས་འོག་མའི་སྤྱི་འཐུས་ ༥༣
༦ Colorado གྲོས་ཚོགས་འོག་མའི་སྤྱི་འཐུས་ ༧
༧ Connecticut གྲོས་ཚོགས་འོག་མའི་སྤྱི་འཐུས་
༥
༨ Delaware གྲོས་ཚོགས་འོག་མའི་སྤྱི་འཐུས་ ༡
༩ Florida གྲོས་ཚོགས་འོག་མའི་སྤྱི་འཐུས་ ༢༧
༡༠ Georgia གྲོས་ཚོགས་འོག་མའི་སྤྱི་འཐུས་ ༡༤
༡༡ Hawaii གྲོས་ཚོགས་འོག་མའི་སྤྱི་འཐུས་ ༢
༡༢ Idaho གྲོས་ཚོགས་འོག་མའི་སྤྱི་འཐུས་
༢
༡༣ Illinois གྲོས་ཚོགས་འོག་མའི་སྤྱི་འཐུས་ ༡༨
༡༤ Indiana གྲོས་ཚོགས་འོག་མའི་སྤྱི་འཐུས་ ༩
༡༥ Iowa གྲོས་ཚོགས་འོག་མའི་སྤྱི་འཐུས་ ༤
༡༦ Kansas གྲོས་ཚོགས་འོག་མའི་སྤྱི་འཐུས་
༤
༡༧ Kentucky གྲོས་ཚོགས་འོག་མའི་སྤྱི་འཐུས་
༦
༡༨ Louisiana གྲོས་ཚོགས་འོག་མའི་སྤྱི་འཐུས་
༦
༡༩ Maine གྲོས་ཚོགས་འོག་མའི་སྤྱི་འཐུས་ ༢
༢༠ Maryland གྲོས་ཚོགས་འོག་མའི་སྤྱི་འཐུས་
༨
༢༡ Massachusetts གྲོས་ཚོགས་འོག་མའི་སྤྱི་འཐུས་
༩
༢༢ Michigan གྲོས་ཚོགས་འོག་མའི་སྤྱི་འཐུས་
༡༤
༢༣ Minnesota གྲོས་ཚོགས་འོག་མའི་སྤྱི་འཐུས་ ༨
༢༤ Mississippi གྲོས་ཚོགས་འོག་མའི་སྤྱི་འཐུས་ ༤
༢༥ Missouri གྲོས་ཚོགས་འོག་མའི་སྤྱི་འཐུས་ ༨
༢༦ Montana གྲོས་ཚོགས་འོག་མའི་སྤྱི་འཐུས་ ༡
༢༧ Nebraska གྲོས་ཚོགས་འོག་མའི་སྤྱི་འཐུས་ ༣
༢༨ Nevada གྲོས་ཚོགས་འོག་མའི་སྤྱི་འཐུས་ ༤
༢༩ New Hampshire གྲོས་ཚོགས་འོག་མའི་སྤྱི་འཐུས་
༢
༣༠ New Jersey གྲོས་ཚོགས་འོག་མའི་སྤྱི་འཐུས་ ༡༢
༣༡ New Mexico གྲོས་ཚོགས་འོག་མའི་སྤྱི་འཐུས་
༣
༣༢ New York གྲོས་ཚོགས་འོག་མའི་སྤྱི་འཐུས་ ༢༧
༣༣ North Carolina གྲོས་ཚོགས་འོག་མའི་སྤྱི་འཐུས་
༡༣
༣༤ North Dakota གྲོས་ཚོགས་འོག་མའི་སྤྱི་འཐུས་ ༡
༣༥ Ohio གྲོས་ཚོགས་འོག་མའི་སྤྱི་འཐུས་ ༡༦
༣༦ Oklahoma གྲོས་ཚོགས་འོག་མའི་སྤྱི་འཐུས་ ༥
༣༧ Oregon གྲོས་ཚོགས་འོག་མའི་སྤྱི་འཐུས་
༥
༣༨ Pennsylvania གྲོས་ཚོགས་འོག་མའི་སྤྱི་འཐུས་
༡༨
༣༩ Rhode Island གྲོས་ཚོགས་འོག་མའི་སྤྱི་འཐུས་
༢
༤༠ South Carolina གྲོས་ཚོགས་འོག་མའི་སྤྱི་འཐུས་
༧
༤༡ South Dakota གྲོས་ཚོགས་འོག་མའི་སྤྱི་འཐུས་
༡
༤༢ Tennessee གྲོས་ཚོགས་འོག་མའི་སྤྱི་འཐུས་ ༩
༤༣ Texas གྲོས་ཚོགས་འོག་མའི་སྤྱི་འཐུས་ ༣༦
༤༤ Utah གྲོས་ཚོགས་འོག་མའི་སྤྱི་འཐུས་ ༤
༤༥ Vermont གྲོས་ཚོགས་འོག་མའི་སྤྱི་འཐུས་
༡
༤༦ Virginia གྲོས་ཚོགས་འོག་མའི་སྤྱི་འཐུས་
༡༡
༤༧ Washington གྲོས་ཚོགས་འོག་མའི་སྤྱི་འཐུས་
༡༠
༤༨ West Virginia གྲོས་ཚོགས་འོག་མའི་སྤྱི་འཐུས་
༣
༤༩ Wisconsin གྲོས་ཚོགས་འོག་མའི་སྤྱི་འཐུས་ ༨
༥༠ Wyoming གྲོས་ཚོགས་འོག་མའི་སྤྱི་འཐུས་ ༡
ཁྱོན་བསྡོམས་འཐུས་མི་ ༤༣༥ ཡོད།
རྩོམ་ཡིག་འདི་འབྲི་བར་གསར་འགོད་པ་སྐུ་ཞབས་ཉག་རོང་བཙན་པོས་རོགས་པ་བྱས་ཤིང་ཞུ་དག་བཏང་རོགས་བྱས་བར་སྙིང་ཐག་པ་ནས་བཀའ་དྲིན་ཆེ།