ཁྲོ་རྒན་གྱི་ཁྲིམས་རྩོད་པ་སྐུ་ཞབས་(Rudy Giuliani)ཡིས་ང་ཚོ་ལ་རྒྱལ་ཁ་ཐོབ་པའི་ལམ་ཁ་ཡོད་བརྗོོད་འདུག
ཨ་ནུ་ཐང་བསོད་ནམས།
ཁྲིམས་རྩོད་པ། (rudy giuliani)
ཁ་སང་ཟླ ༡༢ ཚེས ༦ ཉིན་ཁྲོ་རྒན་གྱི་ཁྲིམས་རྩོད་པ་(rudy giuliani)ཡིས་(Fox)གསར་ཁང་ལ་བརྙན་ཐུང་གི་དཔང་བོ་སླེབས་པའི་རྐྱེན་གྱིས། རྗོ་རྗེ་ཡའི་ནང་དུ་སྤྱི་འཐུས་ཚོས་མངའ་སྡེ་སྲིད་གཞུང་གི་ལག་ནས་དབང་ཆ་བླངས་ཏེ་ཐག་གཙོད་བྱེད་རྒྱུ་སང་ཉིན་ནས་ཕལ་ཆེར་གཏན་འཁེལ་གྱི་ཡོད་ཅིང་། མེས་ཆིས་ཁན་དང་ཨ་རེ་ཟོན་ཡང་། རིམ་བཞིན་རྗོ་རྗེ་ཡ་ཡི་རྗེས་སུ་འབྲང་རྒྱུར་ཐག་མི་རིང་བ་ཡོད་སྐོར་བརྗོད་འདུག
ཝེན་སི་ཁང་གསའ ( Wisconsin) ལ་ཁྲིམས་ལུགས་ཧ་ཅང་གི་དམ་པོ་ཡོད་པས།
འོས་ཤོག་གི་འགེངས་ཤོག་མེད་པ། འོས་ཤོག་འཕང་ན་ཁྲིམས་འགལ་ཡིན། ཁོ་ཚོས་འགེངས་ཤོག་མེད་པར་འོས་ཤོག་ཁྲི་ལྔ་ནས་དྲུག་འཕངས་ནས་བརྩིས་ཡོད་པས།
དེ་དག་མར་ལ་གཡུག་དགོས་བས། གལ་ཏེ་གཡུག་པ་ཡིན་ན། ཁྲོ་རྒན་ལ་འོས་ཤོག་ཐོབ་ཡོད། མ་ཟད་གནས་དེར་ཁོ་ཚོས་སྤྱི་མཐུན་ཚོགས་པའི་འོས་ཤོག་ལ་ལྟ་མཁན་མེད་ལ་བཏང་ནས་འོས་ཤོག་བརྩིས་འདུག་པ་དང་།
ཡུལ་དེར་ཨ་རིའི་མི་སེར་མིན་མཁན་དང་། དུས་ལས་ཡོལ་བའི་འོས་ཤོག་འཕེན་མཁན། མི་གཅིག་གིས་མིང་དུ་མ་བེད་སྤྱོད་བཏང་ནས་འོས་ཤོག་སོགས་འཕངས་ཡོད།
གནས་ཚུལ་དེ་མངའ་སྡེ་གཞན་ལ་ཡང་དེ་ལྟར་ལྟར་བྱུང་ཡོད་པས་ཝ་ཤིང་ཊོན་ནས་གང་ཟག་ཅིག་གིས་གོ་བསྒྲིགས་བྱས་འདུག
རྒྱུ་མཚན་ནི། ཁོ་ཚོས་ཐབས་ལམ་གཅིག་པ་བེད་སྤྱོད་བཏང་ཡོད་པས་ཡིན།
འོས་བསྡུ་དྲང་བོ་བྱས་མེད་པའི་དཔང་རྟགས་བརྙན།
ཁོ་ཚོས་མགོ་སྐོར་བཏང་ས་ནི་རུལ་སུངས་སུ་གྱུར་བའི་གྲོང་ཁྱེར་ཧྥེ་ལ་སྒྲོ་ཧྥེས་ཡ་དང་། ཕེ་ཚི་བྷིར་རྒི། སྒྲི་ཁྲོ་ཡས་དང་། ནོ་ཝོ་ཁེས། ཨ་ལན་ཊ་བཅས་རེད། ཡུལ་དེ་ཚོའི་ཁྲིམས་ཁང་ཡང་དྲང་བོ་མེད་པས་ཁོ་ཚོས་ས་གནས་དེ་དག་བདམས་ནས་འོས་བསྡུ་ཡི་མགོ་སྐོར་བཏང་འདུག འོན་ཀྱང་། དེ་དག་གོ་བསྒྲིགས་བྱེད་མཁན་སུ་ཡིན་ནམ་ཟེར་ནས་གསལ་བོར་བརྗོད་དགོས་ན། ངས་སུ་ཡིན་གསལ་བོ་ཤེས་ཀྱི་མེད། ཁོ་ཚོས་གོ་བསྒྲིགས་བྱེད་སྟངས་ལ་བལྟས་ན། འཆར་གཞི་ཧ་ཅང་གི་ཡག་པོ་བསྒྲིགས་ཡོད་པ་མངོན་འདུག དཔེར་ན། སྒྲིས་ཁྲོ་ཡས་ཀྱི་གྲོང་ཁྱེར་གྱི་ནང་དུ་ཞོགས་ཀ་ཆུ་ཚོད ༣:༣༠ སྟེང་། རླངས་འཁོར་གྱི་ནང་དུ་འོས་ཤོག་འབུམ་གཅིག་འཁུར་ནས་ཡོང་ཞིང་ཚང་མ་བྷར་སྒྲན་ལ་སྤྲད་ཡོད། ཆུ་ཚོད་གཅིག་མཚུངས་ཀྱི་སྟེང་དུ་སྤྱི་མཐུན་ཚོགས་པའི་འོས་ཤོག་ལ་ལྟ་མཁན་རྣམས་མེད་པ་ཨ་ལན་ཊ་རུ་འོས་ཤོག ༧༨ ༠༠༠ འཁུར་ནས་ཡོང་ཞིང་བྷར་སྒྲན་ལ་སྤྲད་ཡོད། འོས་ཤོག་དེ་ལས་ཁག་ཁག་ཅིག་ཐེངས་བདུན་བརྒྱད་ཙམ་ལ་ཡང་ཡང་བརྩིས་ཡོད་པས། འདི་དག་ལྟས་དབང་གིས་བྱུང་བ་རེད་ཟེར་ན་ཡིད་ཆེས་མེད།
གསར་འགོད་པས། ཁྱེད་ལ་རྩ་ཁྲིམས་ཀྱི་མདུན་དུ་ཡིག་ཐོག་ཏུ་བཀོད་པའི་དཔང་མི་དང་།
བརྙན་སོགས་ཡོད་ཀྱང་། གསར་ཁང་ཆེན་པོ་ཚོས་སྣང་མེད་དུ་བཏང་བ་དང་། དེ་རིང་ཞོགས་པར་(Wall
Street journey)ཡིས་””ཁྲོ་རྒན་གྱིས་རྗོ་རྗེ་ཡའི་ནང་དུ་གྲོས་ཚོགས་གོང་མའི་སྤྱི་འཐུས་ཀྱི་འོས་མི་གཉིས་ལ་རྒྱབ་སྐྱོར་བྱེད་ཞོར་དུ་དཔང་བོའི་རྒྱབ་སྐྱོར་མེད་པར་འོས་བསྡུ་རྫུན་མ་རེད་བརྗོད་ཀྱི་འདུག་”
ཟེར་ཞིང་། དཔང་རྟགས་ལ་རྗོ་རྗེ་ཡའི་བརྙན་ཐུང་སོགས་ཡོད་ཀྱང་། ཁོ་ཚོས་ཡོད་ཚད་བརྩིས་མེད་དུ་བཏང་ནས་དེ་ལྟར་བརྗོད་ཀྱི་ཡོད་པས།
དེ་ལ་ཁྱེད་ཀྱི་ལྟ་སྟངས་ག་རེ་ཡིན་ནམ་ཞེས་དྲིས་བར། ཁོས་དེ་དོན་ངས་གསལ་བོ་ཤེས་ན་བསམ་གྱི་ཡོད།
ངས་བལྟས་ན། ཁོ་ཚོ་ཕྱོགས་གཅིག་ནས་ཕྱོགས་ལྷུང་ཅན་དང་། རུལ་སུངས་ཅན། ལེ་ལོ་ཅན་བཅས་ཡིན་པས་ཡིན་པ་མ་ཟད།
ཁོ་ཚོའི་བྱ་སྤྱོད་ནི་བསམ་བློའི་ནང་ལ་འཁོར་མི་ཐུབ་པ་ཞིག་རེད། ང་ཚོ་ལ་དཔང་རྟགས་ཀྱི་རྗེས་སུ་དཔང་རྟགས་ཡོད་པས་ཁོ་ཚོས་དཔང་རྟགས་མི་འདུག་ཟེར་ན།
ག་རེ་ལབ་ཀྱི་ཡོད་བ་རེད་དམ། ང་ཚོས་ཁ་སང་རྗོ་རྗེ་ཡའི་ནང་དུ USB བྱང་བུ་འོས་བསྡུའི་ཀློག་ཀླད་ཀྱི་ནང་དུ་ཡང་ཡང་བཏད་པའི་བརྙན་ཐུང་བསྟན་ཡོད།
འོན་ཀྱང་། གསར་ཁང་ཆེན་པོ་ཚོས་དེ་སྟོན་གྱི་མི་འདུག ད་ལྟ་ང་ཚོ་ལ་མགོ་སྐོར་བཏང་སོང་ཟེར་ནས་མི་སྟོང་གཅིག་གིས་རྩ་ཁྲིམས་ཀྱི་མདུན་དུ་དམ་བཅའ་ནས་དཔང་བོ་ཐོན་ཡོད་པའི་ཡིག་ཆ་ཡོད།
( དེའི་དོན་ནི་མི་དེ་དག་གིས་ཁོ་ཚོས་སྐད་ཆ་བཤད་པ་ཀུན་བདེན་པ་མིན་ན། མགོ་སྐོར་བཏང་བས་བཙོན་ཁང་དུ་འགྲོ་རྒྱུ་ཁས་ལེན་བྱས་བའི་ཡིག་ཆ་རེད།)
འདི་ནི་རྒྱལ་ཡོངས་སུ་ཁྱབ་པའི་མགོ་སྐོར་ཚབས་ཆེན་བཏང་བའི་གནད་དོན་ཞིག་རེད།
འོས་ཤོག་རྫུན་མ་བྱས་ཡོད་པའི་དཔང་མི།
ཕན་གས་ཝེས་ནས་ཡའི་མངའ་སྡེ་རུ་སྤྱི་འཐུས་ཚོས་རྩ་ཁྲིམས་ལ་རང་འགྲེལ་གྱིས་འོས་འདེམས་པ་བསྐོས་འདུག་པས། ང་ཚོ་དབུས་ཨ་རིའི་གཞུང་གི་ཆེས་མཐོའི་ཁྲིམས་ཁང་ལ་འགྲོ་དགོས་ཡོད། ཁོ་ཚོས་འོས་འདེམ་པ་བསྐོས་ཆོག་ཀྱང་། ཁོ་ཚོ་ཨ་རིའི་རྩ་ཁྲིམས་དང་ངེས་བར་དུ་བསྟུན་དགོས་ཡོད། ཁོ་ཚོ་རུལ་སུངས་སུ་གྱུར་ཡོད་མེད་དང་བདེན་མིན་ཆེས་མཐོའི་ཁྲིམས་ཁང་ནས་ཐག་གཅོད་དགོས་ཡོད།
ང་ཚོ་ལ་རྒྱལ་ཁ་ཐོབ་པའི་ལམ་ཁ་ཡོད། མངའ་སྡེའི་སྤྱི་འཐུས་ཚོས་ང་ཚོ་ལ་ཉན་གྱི་འདུག
འོན་ཀྱང་། ཁྱེད་རང་མ་ཐེ་བའི་གསར་ཁང་རེ་ཟུང་ཞིག་རེད་མ་གཏོགས། མང་པོས་ང་ཚོ་ལ་ཉན་ནས་གནས་ཚུལ་སྤེལ་གྱི་མི་འདུག་པས་མི་མང་པོས་ང་ཚོ་དེ་ཙམ་ཐོས་ཀྱི་མེད།
ང་ཚོ་ལ་གཅར་འདྲི་བྱེད་མཁན་ཉུང་ཉུང་ལས་མེད། ལྷག་པར་དུ་སྤྱི་ཚོགས་ཀྱི་དྲ་རྒྱའི་དམ་དྲག་བྱེད་སྟངས་དང་།
དཔང་རྟགས་ཀྱི་བརྙན་ཐུང་སླེབས་སྐབས་སུ་ཁོ་ཚོས་བཀག་འགོག་བྱེད་པ་ནི་ཧ་ལས་དགོས་བ་ཞིག་རེད།
ང་ཚོས་མིག་མདུན་ནས་འོས་ཤོག་བརྐུས་ནས་འགྲོ་བཞིན་འདུག
འོས་ཤོག་རྫུན་མ་བྱས་ཡོད་པའི་དཔང་མི།
ང་ཚོས་ཉེ་ཆར་བརྙན་ལམ་ནས་མཐོང་བའི་མི་བཞིས་འོས་ཤོག་བརྐུས་བའི་དཔང་རྟགས་དངོས་སུ་ཡོད་ཀྱང་། ཨ་རིའི་དབུས་གཞུང་གི་ཞིབ་འཇུག་ཉེན་རྟོག་པ FBI ཡིས་མི་བཞི་བོ་དེ་ལ་སྐད་ཆ་ཙམ་ཡང་དྲིས་མི་འདུག ངས་དེ་དོན་ཤེས་ཀྱི་མི་འདུག་བཅས་བརྗོད་འདུག