རྩོམ། ཡུ་ཅེ།
འགྱུར། སད་མི།
ཉེ་ཆར། ཨ་རིའི་རྒྱལ་སྲིད་སྤྱི་ཁྱབ་ཁང་སྲིད་ཇུས་འཆར་འགོད་ལས་ཁང་གིས་ཤོག་གྲངས 72 ཅན་གྱི་སྙན་ཐོ་ཞིག་བཏོན་ཡོད། མགོ་བརྗོད་དུ << རྒྱ་ནག་འགྲན་རྒོལ་གྱི་གནད་འགག >> ཅེས་བཏགས། ནང་དོན་ཁ་གཏད་ས་གཙོ་བོ་ནི་ཨ་རིས་ཅི་ལྟར་བྱས་ཏེ། རྒྱ་ནག་གི་འཇིགས་སྐུལ་ཉིན་ལྟར་ཆེ་རུ་འགྲོ་བཞིན་པར་གདོང་ལེན་བྱ་ཐབས་སྐོར་རེད།
སྙན་ཐོ་འདི་ནས་རྒྱ་ནག་དམར་ཤོག་གིས་གྲངས་ཉུང་མི་རིགས་ཀྱི་ཆོས་ལུགས་དད་མོས་ཅི་ལྟར་བཙན་གནོན་དང་དབང་སྒྱུར་བྱེད་མིན་ཆེད་དུ་འགྲེལ་བརྗོད་བྱས་ཡོད།
རྒྱ་ནག་གུང་ཁྲན་་འདིས 1948 ལོར་བཏོན་པའི << འཛམ་གླིང་གི་འགྲོ་བ་མིའི་ཐོབ་ཐང་བསྒྲགས་གཏམ
>> རྩ་དོན་ལ་རྒྱབ་འགལ་ཚབས་ཆེན་བྱས་ཏེ། བོད་འདི་ཉིད 1950 ནས་དམག་གིས་བཙན་བཟུང་བྱས་པ་དང་།
ཤར་ཏུར་ཁི་སི་ཐན་ལའང་ཡུ་གུར་ཁ་ཆེ་བ་ཁྲི་སྟོང་མང་པོར་གདུག་རྩུབ་ཆེ་བའི < རྒྱལ་གཅེས་སློབ་གསོ
> ལས་འགུལ་སྤེལ། ལྷོ་སོག་བ་གཉའ་གནོན་བྱས་པ། ད་དུང་ཡེ་ཤུ་བ་ཁྲི་བདུན་བརྒྱ་ཙམ་ལ་གནོད་འཚེ་བཏང་ཡོད།
སྙན་ཐོ་འདི་ནས་བོད་ཀྱི་གནས་བབ་ཐད་ཁ་ཕྱོགས་གསར་པ་བཟུང་བ་སྟེ། དམག་གིས་བཙན་བཟུང་བྱས་ས་ཁུལ་ཟེར་གཏན་ལ་ཕབ་པ་རེད།
འདས་པའི་མི་ལོ་སུམ་ཅུའི་རིང་། ཨ་རིས་རྒྱ་ནག་ལ་བསྟུན་མཁས་རིང་ལུགས་སྲིད་ཇུས་ལག་བསྟར་བྱས་ལ།
བོད་འདི་རྒྱ་ནག་གི་ཆ་ཤས་ཡིན་པར་ཁས་ལེན་བྱས། རིང་པོ་ཞིག་ནས་ལྷ་སར་དོན་གཅོད་ལས་ཁུངས་འཛུགས་ཐབས་ཀྱང་བྱས་ཡོད།
དེ་ལྟར་བོད་དང་ཉེ་བར་བཅར་སྟབས། བོད་པ་ཚོའི་གཞི་རྩའི་འགྲོ་བ་མིའི་ཐོབ་ཐང་གི་འགན་སྲུང་ལས་དོན་སྔར་ལས་མང་བ་བསྒྲུབ་ཐུབ་རབས་ཁ་མཛེས་བཤད།
ལས་སྟངས་བཤད་སྟངས་འདི་རིགས་ནི་རང་གཞན་གཉིས་ཀ་མགོ་སྐོར་བཏང་བ་ཙམ་རེད། གལ་ཏེ་དོན་གཅོད་ལས་ཁུངས་བཙུགས་པ་ཡིན་ན།
བོད་འདི་ཉིད་རྒྱ་ནག་ལ་དབང་བར་ངོས་འཛིན་བྱས་པ་མཚོན་གི་རེད། སྟབས་ཡག་པ་ཞིག་ལ། ཨ་རྒྱའི་འབྲེལ་བ་མྱུར་བར་ཇེ་སྡུག་ལ་སོང་དུས།
ཨ་རིས་ཧེ་སུ་ཐོན ( Houston ) དུ་བཙུགས་པའི་རྒྱ་ནག་གི་གསང་མྱུལ་ལྟེ་གནས་འབབ་ཚུགས་སུ་གྱུར་བའི་དོན་གཅོད་ལས་ཁུངས་སྒོ་བརྒྱབ་པ་རེད།
རྒྱ་ནག་གིས་འཕྲལ་མར་འཁོན་ལེན་བསློགས་ཏེ་རྒྱ་ནག་ཁྲན་ཏུར་བཙུགས་པའི་ཨ་རིའི་དོན་གཅོད་ལས་ཁུངས་སྒོ་བརྒྱབ།
( རྒྱ་ནག་གིས་ཁྲན་ཏུའུ་ཨ་རི་དོན་གཅོད་ལས་ཁུངས་ཀྱིས་བོད་སྐོར་ཚོར་བ་རྣོ་བའི་གནས་ཚུལ་དག་བསྡུ་རུབ་བྱས་ཡོད་པར་སྐྱོན་བརྗོད་བྱས།
) ཨ་རིས་ལྷ་སར་དོན་གཅོད་ལས་ཁུངས་འཛུགས་རྒྱུའི་འཆར་གཞི་འདི་ལྟར་ལྦུ་བ་བཞིན་ཡལ་བ་རེད།
ཨ་རིའི་རྒྱལ་སྲིད་སྤྱི་ཁྱབ་ཁང་སྲིད་ཇུས་འཆར་འགོད་ལས་ཁང་གི་སྙན་ཐོ་འདི་ནི།
དེ་སྔོན << གྲང་དམག་ཡབ་ཆེན >> ཇོར་ཅེ་ཁ་ནན（George
F. Kennan）གྱི་འཕྲིན་རིང་ལྟ་བུ་རེད། &mdash སྐབས་དེའི་ཏར་འཕྲིན་དེས་ཨ་རི་དང་སུའུ་ལན་འབྲེལ་བ་ལ་ཚད་ཐིག་བཀོད་པ་རེད།
ད་ཐེངས་ཀྱི་སྙན་ཐོ་འདིས་ཨ་རི་དང་རྒྱ་ནག་གི་འབྲེལ་བར་ཚད་ཐིག་བཀོད་པ་རེད། ཁྲོ་རྒན་སྲིད་གཞུང་དང་ཕུན་ཕེ་ཨོས་གཙོ་ཁྲིད་བྱས་པའི་རྒྱལ་སྲིད་སྤྱི་ཁྱབ་ཁང་འདི་པས་ད་གཟོད་གཞི་ནས
(Henry Alfred Kissinger ) མི་ལོ་བཞི་བཅུའི་རིང་རྒྱ་ཞེན་དང་རྒྱ་མཐུན་བྱས་པའི་སྲིད་ཇུས་ཚོད་འཛིན་བྱས་ཡོད།
ཨ་རིའི་གཞུང་འབྲེལ་སྙན་ཐོའི་ནང་དུ་བོད་འདི་ནི << དམག་གིས་བཙན་བཟུང་བྱས་པའི་ས་ཁུལ
>> ཞེས་འགྲེལ་བརྗོད་བྱས་ཡོད། ཡང་གཅིག་བཤད་ན། བོད་ནི་རྒྱ་ནག་གི་ཆ་ཤས་མ་རེད་ཅེས་དངོས་སུ་ཁྱབ་བསྒྲགས་བྱས་པ་རེད་ལ།
ཨ་རིས་ཚད་རིམ་ངེས་ཅན་ཞིག་གི་སྒོ་ནས་བོད་མིའི་རང་བཙན་རྩོད་ལེན་གྱི་འབད་བརྩོན་དང་རེ་འདུན་ལ་རྒྱབ་སྐྱོར་བྱས་པ་ཡང་རེད།
ཨ་རིས་བོད་དོན་ཐད་འཛིན་པའི་སྲིད་ཇུས་ཁུག་དཀྱུས་ཆེན་པོ་བྱས་ཟིན་ལ།
འདིའི་རྒྱབ་ལྗོངས་ཆེ་ཤོས་ནི་ཨ་རིས་རྒྱ་ནག་ལ་འཛིན་པའི་སྲིད་ཇུས་འགྱུར་བ་ཆེན་པོ་སོང་བས་ཡིན་པ་བརྗོད་མ་དགོས་པ་རེད།
འདི་སྐོར་དབུས་བོད་མིའི་སྒྲིག་འཛུགས་ཀྱི་རྒྱ་ཡིག་དྲ་བར་བཀོད་དོན། ཨ་རིའི་དུས་ཚོད་ཀྱི་ཟླ་བ
11 པའི་ཚེས 20 ཉིན། དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་དངོས་སུ་ཕོ་བྲང་དཀར་པོར་གདན་དྲངས་པ་འདི་ནི།
ལོ་རྒྱུས་རང་བཞིན་གྱི་རླབས་ཆེའི་བྱ་སྤྱོད་ཅིག་རེད་ལ། འདས་པའི་མོ་ལོ 60 ནང་བཙན་བྱོལ་བོད་གཞུང་གི་དབུ་ཁྲིད་ཐེངས་དང་པོར་ཕོ་བྲང་དཀར་པོ་རུ་གདན་དྲངས་པ་རེད།
ཟླ་བ་གཅིག་གི་སྔོན་དུ། བློ་བཟང་སེང་གེ་བོད་མིའི་དབུ་ཁྲིད་ཀྱི་ངོ་བོའི་སྒང་ནས་དངོས་སུ་ཨ་རིའི་རྒྱལ་སྲིད་སྤྱི་ཁྱབ་ཁང་དུ་མགྲོན་འབོད་གནང་སྟེ།
རྒྱལ་སྟོན་བློན་ཆེན་ལས་རོགས་དང་བོད་ཀྱི་གནད་དོན་འབྲེལ་མཐུད་པ（Robert
A. Destro）མཇལ་འཕྲད་བྱེད་མཁན་ཐོག་མ་དེ་ཡིན།
བཙན་བྱོལ་བོད་གཞུང་གི་གཞུང་འབྲེལ་དྲ་བ་འདི་ནས་དཔྱད་བརྗོད་སྤེལ་དོན།
འདས་པའི་མོ་ལོ 60 རིང་ལ། དབུས་བོད་མིའི་སྒྲིག་འཛུགས་ཀྱི་དབུ་ཁྲིད་ཨ་རིའི་རྒྱལ་སྲིད་སྤྱི་ཁྱབ་ཁང་དང་ཕོ་བྲང་དཀར་པོར་བསྐྱོད་རྒྱུར་གནང་བ་ཐོབ་མེད།
འདིའི་རྒྱུ་མཚན་ནི་ཨ་རིའི་སྲིད་གཞུང་གིས་བཙན་བྱོལ་བོད་གཞུང་ངོས་ལེན་གནང་གི་མེད་པས་རེད།
2011 ལོར་བློ་བཟང་སེང་གེ་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་འགན་འཁུར་བླངས་པ་ནས་འདས་ལོ་བཅུའི་རིང་།
ཕོ་བྲང་དཀར་པོའི་དབུ་ཁྲིད་དང་ཡོངས་གྲགས་མིན་པའི་སྒོ་ནས་མཇལ་མོལ་ཚོགས་འདུ་ཐེངས་བཅུ་གྲངས་བྱས་ཡོད།
འདི་ལྟ་བུའི་གཞུང་འབྲེལ་མིན་པ་དང་གསང་བའི་རྣམ་འགྱུར་གྱི་ཚོགས་འདུའི་མཚོན་དོན་ནི། ཨ་ཕྱོགས་ནས་རྒྱ་ནག་དམར་ཤོག་ཁྲོ་ལང་དོགས་སེམས་འཛིན་བྱས་པ་རེད་ལ།
བོད་ཀྱི་གནད་དོན་རྐྱེན་པས་རྒྱ་ནག་གུང་ཁྲན་དང་མདུང་རྩེ་ཁ་སྤྲོད་བྱེད་འདོད་མེད་པས་རེད།
ད་ཆ། ཨ་རིས་རང་འགུལ་སྒོ་ནས་མི་དམངས་ཀྱིས་བདམས་པའི་བཙན་བྱོལ་བོད་གཞུང་དབུ་ཁྲིད་ཕོ་བྲང་དཀར་པོ་དང་རྒྱལ་སྲིད་སྤྱི་ཁྱབ་ཁང་དུ་མགྲོན་བོས་པ་རེད། (གལ་ཏེ་ཨ་ཕྱོགས་ནས་རང་འགུལ་སྒོ་ནས་་མགྲོན་འབོད་བྱས་མེད་ན། བོད་མིས་ཅི་ཙམ་འབད་བརྩོན་བྱས་ཀྱང་གྲུབ་འབྲས་ཐོན་དཀའ ) འདིས་ནི་ཨ་རིས་དངོས་སུ་དབུས་བོད་མིའི་སྒྲིག་འཛུགས་ཀྱིས་ལག་ལེན་བསྟར་བཞིན་པའི་དམངས་གཙོ་དང་ཆབ་སྲིད་དབུ་ཁྲིད་ངོས་ལེན་བྱས་པ་རེད། ད་རེས་སྔོན་ཚུད་བྱུང་མྱོང་མེད་པའི་ཕོ་བྲང་དཀར་པོའི་དབུ་ཁྲིད་དང་ཚོགས་འདུ་འཚོགས་ཐུབ་པ་དེས། གཅིག་བྱས་ན། དབུས་བོད་མིའི་སྒྲིག་འཛུགས་ཀྱི་དབུ་ཁྲིད་དང་ཨ་རིའི་དབུ་ཁྲིད་དབར་གྱི་མཇལ་འཕྲད་ཐད་དགའ་འོས་པའི་རྨང་བཏིང་པ་ཡིན་ལ། མ་འོངས་ལོ་ཤས་ནང་དེ་ལས་ཚད་ལྡན་ཅན་དུ་འགྱུར་རྒྱུ་རེད། དགོད་བྲོ་བ་ཞིག་ལ། རྒྱ་ནག་གིས་འདི་ཐད་དོན་དངོས་རང་བཞིན་གྱི་ཡ་ལན་བྱས་མེད། (རྒྱ་ནག་གི་ལག་ཏུ། ཨ་རིར་ཡ་ལན་ཕོག་པའི་ལག་ཆ་མང་པོ་མེད།) དོན་དུ་རྒྱ་ནག་ནི་ཤོག་གུའི་སྟག་མོ་མཚོན་པ་རེད་ལ། ཅི་སྟེ་ཨ་ཕྱོགས་ནས་དཔའ་ངར་མཐའ་ལ་གཏུག་ན། རྒྱ་ནག་ཉམ་ཞན་ནུས་མེད་སྒོ་ནས་ཕྱི་བཤོལ་བྱེད་པ་ལས་མེད།
ཨ་རིའི་སྲིད་གཞུང་འགོ་ཁྲིད་བློ་བཟང་སེང་གེ་ཐུག་འཕྲད་བྱས་པ་འདི། དེ་སྔོན་ཨ་རིའི་སྲིད་འཛིན་ན་རིམ་དུ་མས་ཏཱ་ལའི་བླ་མ་མཇལ་འཕྲད་བྱས་པ་ལས་ཀྱང་དོན་སྙིང་ཆེ། གཅིག བོད་མིའི་ངོས་ནས་བལྟས་ན། བློ་བཟང་སེང་གེ་དང་ཏཱ་ལའི་བླ་མ་གཉིས་གླེང་ན། ཏཱ་ལའི་བླ་མའི་རྒྱལ་སྤྱིའི་ཤུགས་རྐྱེན་དང་བོད་མིའི་སེམས་ནང་གི་གོ་གནས་བློ་བཟང་སེང་གེ་ལས་མཐོ་བ་ཡོད། འོ་ནའང་། ཏཱ་ལའི་བླ་མས་དེ་སྔོན་ཆབ་སྲིད་ལས་དོན་ལས་ཕྱིར་འཐེན་བྱས་པ་ཁྱབ་བསྒྲགས་སྤེལ་ཏེ། ཆབ་སྲིད་ཀྱི་འགན་འཁུར་རྒྱུ་མིན་པ་དང་། ཆོས་ལུགས་དབུ་ཁྲིད་ཀྱི་ལས་དོན་ཐད་ཤུགས་འབུད་རྒྱུར་ཞལ་བཞེས་པ་རེད། ཏཱ་ལའི་བླ་མས 2011.3.10 ཡོངས་བསྒྲགས་གཏམ་བཤད་སྐབས་གསུང་དོན། ‘འཚོག་ལ་ཉེ་བའི་སྐབས་བཅུ་བཞི་པའི་བོད་མི་དམངས་སྤྱི་འཐུས་ཚོགས་མི་ཡོངས་ལ་ཡི་གེ་བཏང་སྟེ། བཙན་བྱོལ་བོད་མིའི་བཅའ་ཁྲིམས་དང་འབྲེལ་ཡོད་རྩ་ཁྲིམས་ལ་འགྱུར་བ་བཏང་ནས། ཏཱ་ལའི་བླ་མའི་མིང་ཐོག་གི་ཆབ་སྲིད་འགན་དབང་ཡོངས་སུ་རྫོགས་པ་གདན་ཐོབ་བཀའ་བློན་ཁྲི་པར་འབུལ་རྒྱུར་གཏན་འཁེལ་བ་ཡིན།’ མ་འོངས་རྒྱལ་སྤྱིའི་སྤྱི་ཚོགས་ཁྲོད་དུ་བཙན་བྱོལ་བོད་གཞུང་སྐུ་ཚབ་བྱེད་པོ་ཏཱ་ལའི་བླ་མ་མིན་པར། དེ་ནི། བཙན་བྱོལ་བོད་མི་ཁྲི་ཚོ་བཅུ་གྲངས་དག་གིས་བདམས་ཐོན་བྱས་པ་དང་འགན་དབང་སྤྲད་པའི་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་ཡིན། ད་སྔ། ཏཱ་ལའི་བླ་མ་རྒྱལ་སྤྱིའི་སྤྱི་ཚོགས་སུ་ཐོབ་པའི་གུས་བཀུར་དག་ནི། རྣམ་པ་གཞན་ཞིག་ནས་བལྟས་ན་རང་སྟེང་ནས ( 卡裡斯馬 Charismatic authority ) ལྟ་བུའི་འཐེན་ཤུགས་དང་ཆོས་ལུགས་གོ་ཐོབ་ཡོད་པས་རེད་ལ། འབད་བརྩོན་དུ་མ་བྱས་པའི་ཉེར་ལེན་ལས་བོད་བརྒྱུད་ནང་བསྟན་འདི་ཉིད་རྒྱལ་སྤྱི་རང་བཞིན་གྱི་ཆོས་ལུགས་སུ་འཕེལ་རྒྱས་སོང་ཡོད། འོ་ན། ད་ཆ་བློ་བཟང་སེང་གེར་ཐོབ་པའི་གུས་བཀུར་དག་ནི། ཨ་རི་དང་རྒྱལ་སྤྱིའི་སྤྱི་ཚོགས་ཀྱིས་བཙན་བྱོལ་བོད་མིའི་སྤྱི་ཚོགས་ཀྱི་དམངས་གཙོ་འཕེལ་འགྱུར་ལ་གདེང་འཇོག་དང་བཙན་བྱོལ་བོད་གཞུང་ལ་གདེང་འཇོག་གསལ་སྟོན་བྱས་པ་བཅས་རེད།
གཉིས་ན། ཨ་རིའི་ཕྱོགས་ནས་བལྟས་ན། སྲིད་འཛིན་རང་ཉིད་དངོས་སུ་བཅར་བའམ་ལྟོས་འཇོག་སྒོ་ནས་གོ་གནས་ཅུང་དམའ་བའི་དཔོན་རིགས་མདུན་དུ་ཐོན་ཏེ་བཙན་བྱོལ་བོད་མི་ཐུག་འཕྲད་བྱས་པ་དེ།
སྐབས་རེ་གོ་ས་མཐོ་དམའ་དང་དོན་དངོས་ཕན་ནུས་གོ་ལྡོག་ཡོད་པས་ཡིན། དེ་སྔོན། ཨ་རིའི་སྲིད་འཛིན་ན་རིམ་དུ་མས་ཏཱ་ལའི་བླ་མར་མཇལ་འཕྲད་བྱས་པ་རེད།
མང་ངོས་སུ་རྣམ་འགྱུར་དང་གུས་ཚུལ་གཤིས་ཀ་ལྡན་ཡོད། ཐ་ན། ཁོག་ན་གསལ་ཡང་ཁ་ནས་མ་ཐོན་པའི་འགྲོ་བ་མིའི་ཐོབ་ཐང་སྤྱད་ནས་ཕྱི་འབྲེལ་གཤོམ་པ་ཡང་རེད།
དཔེར་ན ཨོ་སྦ་མས་ཕོ་བྲང་དཀར་པོའི་ས་ཁྲ་དབྱིབས་ཅན་ནང་དུ་ཏཱ་ལའི་བླ་མ་མཇལ་འཕྲད་བཀོད་སྒྲིག་བྱས་མོད།
ཕོ་བྲང་དཀར་པོའི་གད་སྙིགས་དབོར་སའི་སྒོ་ཆུང་ནས་ཏཱ་ལའི་བླ་མ་འཛུལ་ཐོན་བྱ་རུ་བཅུག འདི་ལྟ་བུའི་བྱེད་སྟངས་ཡིས་རྒྱ་ནག་གུང་ཁྲན་ལ་ངོ་བསྲུངས་ནས་ཏཱ་ལའི་བླ་མའི་ངོ་གནོངས་བློས་བཏང་བྱས་པ་རེད།
ཏཱ་ལའི་བླ་མས་བོད་མི་ལ་ལ་དག་དཀའ་སྡུག་མྱངས་པའི་གནས་སྟངས་ཨོ་སྦ་མར་ཐད་ཀར་བཤད་མོད། ཨོ་སྦ་མས་འདི་སྐོར་དུས་ནམ་ཡང་ཞི་ཅིན་ཕིང་ལ་སྐད་ཆ་དང་སྐྱོན་བརྗོད་བྱེད་མྱོང་མེད།
འོ་ན། འདི་ལྟ་བུའི་འཆར་ཅན་གྱི་ཐུག་འཕྲད་ལ་དོན་དམ་པའི་རིན་ཐང་ཅི་ཙམ་ཡོད། དེ་སྔོན་ཧེ་ལ་རེན
(Hillary) ཕྱིར་དྲན་གྱི་སྐད་ཆ་ཞིག་ལས་དྲང་གཏམ་བཤད་དོན། མོས་ཏཱ་ལའི་བླ་མ་མཇལ་འདུན་ལང་བ་དེ་ནི།
ཁེ་ལིང་ཏུན་གྱི་ཚུལ་མིན་འཁྲིག་སྤྱོད་གནས་ཚུལ་ལས་མོ་རང་གི་སེམས་ཁམས་ལ་རྨ་ཁ་ཆེན་པོ་བཟོས་སྟབས།
མོས་ཏཱ་ལའི་བླ་མ་ནི་མི་སེམས་བདེ་བར་འབེབས་པའི་སེམས་ཀྱི་སྨན་པར་བཟུང་སྟེ། ཏཱ་ལའི་བླ་མའི་དྲུང་ནས་མི་ཚེའི་དཔྱོད་ཤེས་བརྙེད་པའི་རེ་འདུན་བཅངས་པ་རེད།
འདི་ལྟ་བུའི་མཇལ་འཕྲད་ནི། ཕྱོགས་གཉིས་ཀའི་གླེང་གཞི་ནང་པའི་སེམས་ངལ་གསོ་ཐབས་སྐོར་ཁོ་ན་ཙམ་རེད།
འདིས་བོད་ཀྱི་གནད་དོན་སེལ་བར་ནུས་པ་ཆེན་པོ་ཐོན་མི་ཐུབ། མ་གཞི་ཁྲོ་རྒན་སྲིད་གཞུང་གི་དུས་ཡུན་ནང་།
ཁྲོ་རྒན་རང་ཉིད་ཏཱ་ལའི་བླ་མ་མཇལ་འཕྲད་བྱུ་རྒྱུར་བཀོད་སྒྲིག་བྱས་མེད་ནའང་། ཁྲོ་རྒན་རང་ངོས་ནས་བོད་ཀྱི་གནད་དོན་གཙིགས་འཛིན་བྱས་མེད་པ་མཚོན་མི་ཐུབ།
དེ་ནི་ཁྲོ་རྒན་སྲིད་གཞུང་གི་དགོངས་པ་ནི། དེ་སྔའི་ལམ་སྲོལ་ལྟ་བུའི་འགྲོ་མིའི་ཐོབ་ཐང་སྤྱད་ནས་ཕྱི་འབྲེལ་གཤོམ་པའི་འགྲོ་སྟངས་དེ་དུས་ཚོད་ཡོལ་ཟིན་པ་མཐོང་བས།
ངེས་པར་དུ་ལག་ཐབས་གསར་པ་ཡོད་པའི་སྒོ་ནས་འགག་རྙིང་བརྟོལ་དགོས་དྲན་པ་རེད། དེས་ན། ཁྲོ་རྒན་སྲིད་གཞུང་གིས་ཆེས་ཆེར་དོན་སྙིང་ལྡན་པའི་ཕྱི་འབྲེལ་ལམ་ཁ་སྐུལ་འདེད་བྱས་པ་རེད།
མ་གཞི་བློ་བཟང་སེང་གེས་ཐུག་འཕྲད་བྱས་པའི་ཕོ་བྲང་དཀར་པོ་དང་རྒྱལ་སྲིད་སྤྱི་ཁྱབ་ཁང་གི་མགོ་ཁྲིད་དེ་དག་བཀའ་ཤག་ནང་མའི་རིམ་པར་བསྙོབས་མེད་ལ།
དེ་ལས་ཀྱང་། དེ་སྔོན་ཏཱ་ལའི་བླ་མས་མཇལ་འཕྲད་བྱས་པའི་སྲིད་འཛིན་གོ་གནས་དང་རྒྱང་ཐག་ངེས་ཅན་ཡོད་ནའང་།
མཇལ་འཕྲད་བྱེད་མཁན་ནི་ཆེད་དུ་བོད་ཀྱི་ལས་དོན་སྐོར་འགན་འཁུར་མཁན་འགོ་ཁྲིད་ཡིན་དུས། ཕྱོགས་གཉིས་ཀས་ཞིབ་ཕྲའི་ལས་དོན་སྣ་མང་སྐོར་ལ་སྐད་ཆ་བྱ་ཆོག་པས།
དམིགས་འབེན་དག་ལ་ཕན་འབྲས་ཐོན་གི་རེད།
གལ་ཏེ། ཨ་རིའི་སྲིད་གཞུང་གིས་བོད་འདི་ཉིད་རྒྱ་ནག་གུང་ཁྲན་དམག་གིས་བཙན་བཟུང་བྱས་པར་བདེན་དོན་རི་བོ་ཙམ་དུ་ལྟ་བཞིན་ཡོད་པས་མི་ཚད།
ཕྱི་འབྲེལ་སྲིད་ཇུས་ཀྱི་གཞི་རྟེན་དུ་འཇོག་གི་ཡོད་ན། དེས་ན། ཨ་རིའི་སྲིད་གཞུང་གིས་ཏན་ཏན་བོད་མི་ཚོས་རྒྱ་ནག་གུང་ཁྲན་གྱི་བཙན་བཟུང་ལ་འགོག་རྒོལ་སླད་དུ་སྔར་ལས་མང་བའི་དངུལ་དངོས་རོགས་པ་བྱ་དགོས་ངེས་རེད་ལ།
བོད་པ་ཚོར་གང་མགྱོགས་རང་དབང་དང་རང་བཙན་འཐོབ་པར་འཇུག་དགོས་སོ།
རྩོམ་པ་པོའི་རྒྱབ་ལྗོངས།
ཡུ་ཅེ། མྱི་ཁུངས། སོག་པོ། རྒྱ་ནག་པེ་ཅིང་དུ་སློབ་སྦྱོང་བྱས། 2012 ལོར་ཨ་རིར་གནས་སྡོད་བྱས།
ལོ་རྒྱུས་རིག་པ་བ། འགྲོ་མིའི་ཐོབ་ཐང་སྲུང་སྐྱོབ་པ། བོད་སྐོར་རྩོམ་ཡིག << སི་རི་ཡ་དང་བོད་ཀྱི་དམར་གསོད།
>> << བོད་ཀྱི་སྦིར་ལིང་གྱང་མགོ་རྟིང་སློག་པ>> སོགས་སྣ་མང་སྤེལ་ཡོད།