ཁྲོ་རྒན་ལ་འོས་བསྡུའི་རྒྱལ་ཁ་ཐོབ་ཡོད་པས་ར་སྤྲོད་ཀྱི་དུས་ཚོད་སྤྲོད་རོགས།

ཨ་ནུ་ཐང་བསོད་ནམས།
   

ཁྲོ་རྒན་གྱི་ཁྲིམས་རྩོད་པ་གསུམ་གྱིས་ཁྲོ་རྒན་ལ་འོས་བསྡུའི་རྒྱལ་ཁ་ཐོབ་ཡོད་པས་ཁོ་ཚོར་ར་སྤྲོད་བྱེད་པའི་དུས་ཚོད་སྤྲོད་རོགས་བརྗོད་འདུག

དེ་རིང་ཆུ་ཚོད ༡༣ གྱི་སྔོན་དུ་ཁྲོ་རྒན་གྱི་ཁྲིམས་རྩོད་པ་སྐུ་ཞབས་སྐད་གྲགས་ཅན(Rudy Giuliani)ཡིས་ང་ཚོ་ནི་ཁྲིམས་མཐུན་གྱི་ཁྲོ་རྒན་དང་། ཁོའི་སྲིད་འཛིན་ལས་འགུལ་ཁང་གི་སྐུ་ཚབ་པ་ཡིན། ང་ཚོས་བདུན་ཕྲག་གཉིས་ཀྱི་ནང་དུ་དཔང་རྟགས་འཚོལ་བསྡུ་བྱས་ཡོད་བའི་ནང་དོན་ཁྱབ་བསྒྲགས་བྱེད་རྒྱུ་ཡིན་ཞིང་། ངས་གཏམ་བཤད་བྱས་ཚར་བ་དང་མཉམ་དུ་ལྕམ་གསེས་སྒྲི་ནེས་ཕོའ་ཝལ་དང་། དེའི་རྗེས་སུ་རྗེན་ནར་ཨ་ལ་ཁི་སིས་གཏམ་བཤད་གནང་གི་རེད། ང་ཚོ་དང་ལྷན་དུ་ཁྲིམས་རྩོད་པ་རྗའ་ནེས་ཧྥར་དང་། ཝི་ཁི་ཊོ་ར་ཁྲན་གཟས་སོགས་ཁྲིམས་རྩོད་པ་མང་པོས་ལས་ཀ་བྱེད་ཀྱི་ཡོད་ལ། ངས་བསམ་ན་ང་ཚོ་ནི་ཁྲིམས་རྩོད་པ་གཙོ་བོ་ཚོ་རེད། *ཚང་མ་ཅུང་བགད་མོ་བགད་སོང་།

 

ང་ཚོས་དཔང་རྟགས་འཚོལ་བསྡུ་བྱེད་དགོས་དོན་ནི་ཕན་གསའ་ཝེས་ནས་ཡའི( Pennsylvania)མངའ་སྡེ་ཡི་ནང་དུ་ཁྲོ་རྒན་གྱིས་ཤོར་སྟངས་མེད་ཀྱང་། ཤོར་ཡོད་པས་དེ་དོན་ལ་ཞིབ་འཇུག་བྱས་བ་ཡིན། ཞིབ་འཇུག་བྱེད་སྐབས་གནད་དོན་དེ་ཚོད་དཔག་ཙམ་མིན་པར། ཁོ་ཚོས་མགོ་སྐོར་བཏང་འདུག་པ་མ་ཟད། མགོ་སྐོར་བཏང་མཁན་ནི་མངའ་སྡེ་དེ་ཙམ་མིན་པར་མངའ་སྡེ་གཞན་པའི་ནང་དུ་ཡོད་པ་དང་། ཧྥེ་ལ་སྒྲོ་ཧྥི་ཡའི་ནང་དུ་ཡང་མགོ་སྐོར་བཏང་འདུག་ལ།  ང་ཚོས་མགོ་སྐོར་གཏོང་རྒྱུ་དམིགས་ས་ནི་གྲོང་ཁྱེར་ཆེན་པོ་རྣམས་ཡིན་ཡང་། གྲོང་ཁྱེར་ཆེན་པོ་རྣམས་མང་གཙོ་ཚོགས་པས་བཟུང་ཡོད། ཁོ་ཚོས་འདས་བའི་ལོ ༦༠ རིང་དུ་མགོ་སྐོར་བཏང་འདུག་ལ། དེ་ལྟར་བཏང་ཐུབ་དགོས་དོན་ནི་ཁོ་ཚོ་ལ་ཉེན་རྟོག་པ་དང་། ཐ་ན་ཁྲིམས་དཔོན་གྱི་ནང་དུ་ཁོ་ཚོར་གྲོགས་པོ་ཡོད་པས་རེད།

 

ཞིབ་ཕྲར་བཤད་ན་ཕན་གསའ་ཝེས་ནེས་ཡའི་མངའ་སྡེའི་ནང་དུ་ད་ལྟ་བྷར་སྒྲན་གྱིས་འོས་ཤོག་ ༦༩ ༡༤༠  ལྷག་ལས་ཁྲོམ་ལ་མང་བ་ཐོབ་ཡོད་ལ། དོན་དངོས་འདི་ནི་བྷར་སྒྲན་ལ་ཐོབ་པ་མ་རེད། རྫུན་མ་རེད། སྦྲགས་ཁང་རྒྱུད་ནས་ཡོང་བའི་ཁྲིམས་མཐུན་མིན་པའི་འོས་ཤོག་དྲུག་འབུམ་དགུ་ཁྲི་ལྷག་འབྱོར་ཡོད། དེ་ལ་ལྟ་རྟོག་བྱེད་མཁན་མེད་པར་ཁོ་ཚོས་ཁ་ཕྱེ་ནས་རྩིས་འདུག་པས། གནད་དོན་དེ་ནི་ཁྲིམས་འགལ་རེད། (ཨ་རིའི་རྩ་ཁྲིམས་སུ་འོས་ཤོག་བརྩི་མཁན་དང་། ལྟ་རྟོག་བྱེད་མཁན་མང་གཙོ་དང་སྤྱི་མཐུན་ཚོགས་པ་གཉིས་ཀྱི་མི་དགོས་ཤིང་། དེ་ལྟར་མེད་པར་འོས་ཤོག་ཁ་ཕྱེ་བ་ཡིན་ན་རྩིས་མེད་ཡིན་པ་རེད།) འོས་ཤོག་ལ་ལྟ་རྟོག་བྱེད་མཁན་ཡོང་དུ་མ་བཅུག་པར་ཕུད་མཁན་ནི་ཡར་རྒྱས་ཕྱིན་པའི་རྒྱལ་ཁབ་ཚོའི་ནང་དུ་བྱུང་མྱོང་མེད། འོན་ཀྱང་། ཨ་རིའི་ནང་དུ་བྱུང་ཡོད་པས་ངོས་ལེན་བྱེད་ཐབས་མེད། ལྟ་རྟོག་བྱེད་མཁན་མེད་ཚེ་འོས་ཤོག་གི་ཁ་སྒྱུར་བྱ་རྒྱུ་ནི་ལས་སླ་བོ་རེད། ངས་ཁྱེད་ཚོར་སྟོན་ཆོག  དཔེར་ན་ཡིག་ལྐོག་གི་ཁ་ཕྱེ་ནས་མར་གཡུག་ཅིང་ནང་ལོག་བརྗེ་སྤོ་བྱས་བ་འདི་ལྟར་རེད།

 

ངས་དཔང་མི་ཀུན་གྱི་མིང་དག་མང་ཚོགས་སུ་བཀྲམ་ན་རུང་ཞིང་། གལ་ཏེ་བཀྲམ་པ་ཡིན་ན་མི་ཚོས་ཁོ་ཚོ་དང་ཁོ་ཚོའི་ལས་ཀའི་བདེ་འཇགས་ལ་གནོད་པ་བྱེད་པ་མ་ཟད། ཉེ་སྔོན་ང་ཚོའི་ཁྲིམས་རྩོད་པ་ཁག་ཅིག་ལ་དམར་གསོད་བྱེད་རྒྱུའི་འཇིགས་སྐུལ་བྱས་པས། ད་ལྟ་ང་ཚོས་ཁྲིམས་རྩོད་པ་ཁག་ཅིག་སྐྲག་ནས་ལས་ཀ་བྱེད་ཐུབ་ཀྱི་མེད། འདི་ནི་ལུང་པ་འདི་རུ་ཡོང་བའི་ཧ་ཅང་གི་སྐྱི་གཡའ་བའི་གནས་སྟངས་ཤིག་ཡིན་ཡང་། བུ་མོ་ཞིག་གིས་ང་ལ་ཁོ་མོའི་མིང་བཏོན་ན་ཆོག་པའི་ཆོག་མཆན་སྤྲད་པས་དཔེ་མཚོན་གྱི་ཆེད་དུ་མོས་མིང་སྨྲ་རྒྱུ་ཡིན། མོ་ནི་(Michigan)མངའ་སྡེ་ནས་ཡིན་ཞིང་། མིང་ལ་རྗ་གསེས་ཆེ་ཁི་ཟེར། མོས་ང་ཚོའི་དཔོན་པོ་ཡིས་ང་དང་ལྷན་དུ་མི་དུ་མ་ཞིག་ལ། འོས་བསྡུ་ཡི་སྐབས་སུ་མགོ་སྐོར་ཅི་ལྟར་བཏང་སྟངས་བསླབས་པ་མ་ཟད། ཁོས་ང་ཚོར་འོས་ཤོག་བླུགས་མཁན་ཚོས་འོས་ཤོག་བླུགས་སྐབས་སུ་ལག་ཁྱེར་སྟོན་ཟེར་ནས་སྐད་ཆ་མ་འདྲི་རོགས་ཟེར་ནས་བཀའ་བཏང་སོང་། རྒྱུ་མཚན་ནི། འོས་ཤོག་བླུགས་མཁན་གྱི་ནང་དུ་ཁྲིམས་འགལ་གྱིས་ཨ་རིའི་ནང་དུ་འདུག་མཁན་དང་། ཨ་རིའི་མི་སེར་མཁན། མི་གཅིག་གིས་འོས་ཤོག་ཡང་ཡང་བླུགས་རྒྱུའི་ཆེད་དུ་རེད། ངས་མི་གཅིག་གིས་འོས་ཤོག་གཉིས་རེ་བླུགས་པ་མཐོང་སོང་ཞེས་བརྗོད་འདུག

 

མངའ་སྡེ་ཁག་ཅིག་ཏུ་འོས་ཤོག་བླུགས་སྐབས་སུ་སྤྱི་མཐུན་ཚོགས་པའི་འོས་ཤོག་ལྟ་མཁན་ཡོང་མ་བཅུག་པ་དང་། ལྟ་མཁན་མེད་སྐབས་སུ་རྩིས་པ་མ་ཟད། ཐ་ན་ཁག་ཅིག་ལ་སྤྱི་མཐུན་ཚོགས་པའི་ལྟ་མཁན་ལྟ་ཅི། མང་གཙོ་ཚོགས་པའི་འོས་ཤོག་གི་ལྟ་མཁན་ཡང་ཡོང་བཅུག་མི་འདུག དེར་བརྟེན། ལྟ་མཁན་མེད་པའི་འོས་ཤོག་ཀུན་རྩ་ཁྲིམས་ལྟར་ན་རྩིས་མེད་ཡིན་པས། རྩིས་མེད་དུ་བཏང་དགོས་ཡོད། འོན་ཀྱང་། ཁོ་ཚོས་ད་དུང་བཏང་མེད།

གཞན་ཡང་ཁོས་མུ་མཐུད་དུ་འོས་བསྡུའི་འཕྲུལ་ཆས་(Dominion)གྱི་ནང་དུ་ལས་ཀ་བྱེད་མཁན་གསུམ་དཔང་བོ་རུ་ཐོན་ནས་ཁོ་གསུམ་གྱིས་བརྗོད་གསལ་ལྟར་ན། སྤྱི་མཐུན་ཚོགས་པའི་ལྟ་རྟོགས་བྱེད་མཁན་ཚོ་ཁྱིམ་ལ་ལོག་རྗེས་ཀྱི་ཟླ ༡༡ ཚེས ༤ ཉིན་གྱི་ཞོགས་ཀ་ཆུ་ཚོད ༤ ཙམ་ལ་བྷར་སྒྲན་གྱི་འོས་ཤོག་ཁོ་ན་འཁུར་ནས་ཡོང་ཞིང་། འོས་ཤོག་གཅིག་འོས་བསྡུ་འཕྲུལ་ཆས་ཀྱི་ཤེལ་སྒོའི་གློག་དཔར་གྱི་ངོས་སུ་ཐེངས་གསུམ་བཞི་རེ་བསྟན་ནས་ནང་དུ་བཅུག་སྟེ་གྲངས་ཁ་བརྩིས་ཚུལ་བཤད་འདུག སྐབས་དེར་འོས་ཤོག་བརྩི་མཁན་གཉིས་དང་། འོས་བསྡུ་འཕྲུལ་ཆས་ཀྱི་ལས་བྱེད་གཅིག་མ་གཏོགས་ཐ་ན་མང་གཙོ་ཚོགས་པའི་འོས་ཤོག་ལ་ལྟ་མཁན་ཡང་འདུག་བཅུག་མི་འདུག རྒྱུ་མཚན་ནི། ཁོ་ཚོ་ཐ་ན་མང་གཙོ་ཚོགས་པའི་འོས་ཤོག་ལ་ལྟ་མཁན་ལ་ཡང་ཡིད་ཆེས་མེད།

 

འོས་བསྡུ་ཡི་མཚན་མོར་འབྱོར་བའི་འོས་ཤོག་མང་པོ་ས་ཡིག་དང་། ཁ་བྱང་སོགས་གསལ་བོ་མེད་པ་མ་ཟད། ཐ་ན་མང་པོ་ལ་ཡིག་ལྐོག་ཀྱང་མེད། རྒྱུ་མཚན་ནི། ཁོ་ཚོས་དེ་དག་ལས་མང་པོ་ཞིག་གློ་བུར་དུ་གྲ་བསྒྲིགས་བྱས་བས་ཡིག་ལྐོག་གི་ནང་དུ་བཅུག་རྒྱུའི་ཁོམ་པ་མ་བྱུང་བས་རེད།

 

ཁྱེད་ཚོས་གསར་ཁང་ཚོས་ང་ཚོ་ལ་དཔང་རྟགས་མི་འདུག་ཟེར་ནས་ལབ་ཀྱི་ཡོད་ཀྱང་། དེ་ནི་བདེན་པ་མིན་ཞིང་། ང་ཚོ་ལ་འོས་བསྡུ་དྲང་མོ་བྱས་མ་སོང་བརྗོད་ནས་དཔང་བོ་བྱས་ཏེ་གནས་ཚུལ་སྤྲོད་མཁན་གྱི་མི ༢༢༠ ཡི་ཡིག་ཆ་ཡོད། ཡིག་ཆ་དེ་དག་ནི་ད་ལྟ་ངས་བསྟན་བཞིན་པའི་ངའི་ལག་ནས་ཡོད་པ་འདི་རེད་ལ། ད་དུང་ཡང་ཉིན་རེར་དཔང་མི་བརྒྱ་ཕྲག་དུ་མ་ཐོན་བཞིན་ཡོད། འོན་ཀྱང་། ང་ཚོས་དེ་དག་འཚོལ་བསྡུ་བྱེད་ཀྱི་ཡོད་པས་དུས་ཚོད་དགོས་ངེས་རེད། ད་ལྟ་ང་ཚོར་ཡོད་པའི་དཔང་མིའི་གསལ་བཤད་ཀྱི་ཡིག་ཆ་འདི་དག་ནི་ང་ཚོས་བདུན་ཕྲག་གཉིས་ཀྱི་རིང་དུ་བསྡུས་བ་ཡིན། མ་གཞི་འདི་འདྲའི་དཔང་བོ་མང་པོ་ཕྱི་རོལ་ཏུ་དེ་ཙམ་བསྒྲགས་འདོད་མེད་ཀྱང་ཁྱེད་ཚོས་ང་ཚོ་ལ་དཔང་བོ་མི་འདུག་ལབ་ཅིང་། ཨ་རིའི་མི་མང་ལ་མགོ་སྐོར་བཏང་བས། ང་ཚོས་དེ་གསལ་བཤད་ཀྱི་ཆེད་དུ་བསྒྲགས་པ་ཡིན།

 

ཝེ་རྗེ་ནེས་ཡའི་མངའ་སྡེ་ལ་ང་ཚོས་ཁྲིམས་རྩོད་བྱེད་དགོས་ཤིང་། གཅིག་བྱས་ན་ཨ་རེས་ཟོན་ན་ལ་ཡང་ཁྲིམས་རྩོད་བྱེད་དགོས། མང་གཙོ་ཚོགས་པས་སྣེ་ཁྲིད་པའི་མངའ་སྡེ་ཡི་ནང་དུ་འོས་ཤོག་ལྷག་མ་བླུགས་པ་དང་། འོས་ཤོག་གཅིག་ཡང་ཡང་འཕངས་བ། འོས་ཤོག་བླུགས་པའི་གྲངས་འབོར་ཐོ་འགོད་བྱས་བའི་མི་ལས་མང་བའི་གནས་ཚུལ་བྱུང་ཡོད་པ་མ་ཟད། བྱུང་ས་ནི་མངའ་སྡེ་གཅིག་མིན་པ་ཚང་མ་གཅིག་མཚུངས་སུ་བྱུང་འདུག་པས། དེ་དོན་རྩད་གཅོད་ནན་པོ་བྱེད་ཀྱི་ཡིན། རྒྱུ་མཚན་ནི། འདི་ལྟར་བྱུང་བ་ནི་རྩད་ཞིབ་པ་ཞིག་གི་ངོས་ནས་བལྟས་ན། ལྟས་དབང་གིས་མིན་པར་འཆར་གཞི་བསྒྲིགས་པ་ཞིག་ཡིན་པས་ཡིན་ལ། འདི་ལྟར་ཨ་རིའི་ནང་དུ་བྱུང་བཅུག་པ་ཡིན་ན། བསམ་ཡུལ་ལས་འདས་བ་ཞིག་རེད། ང་ཁོང་ཁྲོ་ཟ་བཞིན་ཡོད།

 

གཞན་ཡང་། ཁོང་གིས་ང་ཚོས་ཁྲིམས་བཏུག་མང་པོ་བྱས་མེད་ཀྱང་(Michigan)མངའ་སྡེའི་ནང་དུ་ཁྲིམས་ཀྱི་རྒྱལ་ཁ་ཐོབ་ཡོད། འོན་ཀྱང་། ང་ཚོ་ལ་ཁྲིམས་རྩོད་པ་རེག་རྒྱུ་ཁག་པོ་འདུག རྒྱུ་མཚན་ནི། མི་ཚོས་ཁྲིམས་རྩོད་པ་དང་། ཁོ་ཚོའི་ནང་མི་ལ་དམར་གསོད་བྱེད་རྒྱུའི་འཇིགས་སྐུལ་བཏང་བས་རེད། ཡིན་ཡང་། ང་ཚོ་ཁྲིམས་ཁང་ལ་སོང་ནས་ད་ལྟའི་གནས་སྟངས་འདི་ལ་འགྱུར་བ་གཏོང་རྒྱུ་ཡིན།

ངས་བསམ་ན། ཁྲོ་རྒན་ལ(Pennsylvania)ཡི་ནང་དུ་འོས་ཤོག་འབུམ་གཉིས་ཀྱི་རྒྱལ་ཁ་ཐོབ་ཡོད་ལ། (Michigan)གྱི་ནང་དུ་འོས་ཤོག་ཁྲི་ལྔ་ཡི་མང་བ་ཐོབ་ཡོད། འོན་ཀྱང་། མང་གཙོ་ཚོགས་པས་མགོ་སྐོར་བཏང་ཞིང། བཀག་འགོག་བྱས་ཡོད་པས་དེ་དག་སྣང་མེད་དུ་གཏན་ནས་བཏང་མི་རུང་ལ། རྒྱལ་ཞེན་ཅན་གྱི་ཨ་རི་བ་རྣམས་ཀྱིས་སྣང་མེད་དུ་གཏོང་མི་རུང་།

མི་གསུམ་གྱིས་བདེན་དཔང་བྱས་ཏེ་བརྗོད་གསལ་ལྟར་ན། རླངས་འཁོར་ཆེ་བ་ཞིག་གི་ནང་དུ་འོས་ཤོག་འཁུར་ནས་ཡོང་ཞིང་། ཁོ་ཚོས་དང་པོ་དེ་ནི་ཁ་ལག་རེད་སྙམ་ཡང་། རྗེས་སུ་ཚང་མ་བྷར་སྒྲན་གྱི་འོས་ཤོག་རེད། འོས་ཤོག་ལ་ལྟ་རྟོགས་མཁན་ཚོ་ཁྱིམ་ལ་ལོག་རྗེས་སུ་རྩིས་ཡོད། གནས་ཚུལ་དེ(Michigan) དང་(Pennsylvania)མངའ་སྡེ་གཉིས་སུ་བྱུང་ཡོད། ཝེས་གསི་ཁང་གསལ་མངའ་སྡེ་ཡི་ནང་དུ་ཁྲིམས་མཐུན་གྱི་འོས་ཤོག་རྩིས་བ་ཡིན་ན། ཁྲོ་རྒན་ལ་ཐོབ་ཡོད། འདི་གཅིག་བུས་ཁྲོ་རྒན་ལ་འོས་ཤོག་གི་རྒྱལ་ཁ་ཐོབ་ཡོད།

 

དེ་བཞིན་(Arizona)་དང་མཱ་གསེ་ཁོ། ཝེས་རྗེ་ནེས་ཡ་བཅས་ནས་ཁྲིམས་འགལ་གྱི་འོས་བསྡུ་བྱས་བའི་གནས་ཚུལ་སླེབས་འདུག་པ་མ་ཟད། མངའ་སྡེ་དེ་དག་ལས་མི་ཚོས་འོས་བསྡུ་ཡི་སྐབས་སུ་མགོ་སྐོར་བཏང་སོང་ལབ་ནས་དཔང་བོ་ཉིན་རེ་བཞིན་མང་དུ་ཐོན་གྱི་ཡོད་པས། ང་ཚོས་ད་ལྟ་དཔང་བོ་ཀུན་འཚོལ་བསྡུ་བྱེད་ཀྱི་ཡོད། གཅིག་བྱས་ན་མངའ་སྡེ་དེ་དག་གི་ནང་དུ་ཁྲིམས་གཏུག་བྱེད་ངེས་ཡིན་ཞིང་། དེ་གཅིག་པུ་ཡི་འོས་ཤོག་གི་ཁ་ཕྱོགས་ཁྲོ་རྒན་ལ་བསྒྱུར་ཐུབ་ཡོད།

 

མང་གཙོ་ཚོགས་པའི་(Wisconsin)དང་།  (Goergia) (Pennsylvania) (Michigan, Nevada) (Arizona)མངའ་སྡེ་སོགས་ཀྱི་ནང་དུ།  སྤྱི་མཐུན་ཚོགས་པའི་འོས་ཤོག་ལྟ་མཁན་རྣམས་ཡོང་མི་བཅུག་པའི་ཐབས་ལམ་འདི་དག་གཅིག་མཚུངས་ཀྱིས་བེད་སྤྱོད་བཏང་ཡོད་པ་མ་ཟད། ཁོ་ཚོས་ཐབས་ལམ་འདི་ཨ་ལ་སི་ཁཱ་སོགས་ཀྱི་ནང་དུ་བེད་སྤྱོད་བཏང་ཞིང་། རྒྱལ་ཁ་ཐོབ་པའི་འཆར་གཞི་བསྒྲིགས་པའི་དོགས་པ་ཡོད། རྒྱུ་མཚན་ནི། ད་ལྟ་ང་ཚོས་མཐོང་གསལ་ལྟར་འོས་བསྡུ་ཡི་རྗེས་ཀྱི་ཉིན་འགའ་ཡི་ནང་དུ་འོས་ཤོག་གི་ཁ་བསྒྱུར་ཏེ་བྷར་སྒྲན་ལ་ཐོབ་བཅུག་ཡོད། གནས་ཚུལ་འདི་མང་གཙོ་ཚོགས་པའི་མཐོ་རིམ་མི་སྣ་དང་འབྲེལ་བ་ཡོད་ལ། ཧེས་ལི་རིས་ཀྱིས་བྷར་སྒྲན་ལ་འོས་ཤོག་ཤོར་ཡང་། ངོས་ལེན་བྱེད་མི་དགོས་ལབ་ཡོད་པས་ཁོ་ཚོས་སྔོན་ནས་མགོ་སྐོར་བཏང་རྒྱུའི་འཆར་གཞི་བསྒྲིགས་ཡོད་པ་གསལ་བོ་རེད། བྟར་སྒྲན་གྱིས་དེ་ཤེས་ནས་འོས་བསྡུ་ཡི་ལས་འགུལ་ཤུགས་ཆེར་མ་སྤེལ་བ་ཡིན་སྲིད་ལ། མདོ་དོན་ཁོ་ཚོས་འཆར་གཞི་འདི་བསྒྲིགས་ཡོད་པ་གསལ་བོ་རེད། འདི་ཚོས་བྱེད་སྟངས་ནི་ཞབས་འདྲེན་རེད།

 

ང་ཚོས་དམར་བོའི་རྒྱལ་ཁབ(Venezuela)ལ་ཡི་འཕྲུལ་ཆས་བེད་སྤྱོད་བཏང་ནས་འོས་ཤོག་རྩི་བཅུག་ཚེ་ཚེ་ང་ཚོའི་རྒྱལ་ཁབ་ཀྱང་དེ་ལྟར་འགྱུར་ངེས་ལ། ང་ཚོས་དེ་ལྟར་འགྱུར་བར་ངོས་ལེན་བྱེད་ཐབས་མེད། ཨ་རིས་མི་མང་གིས་ཁྲོ་རྒན་སྲིད་འཛིན་དུ་བདམས་པ་ལས་བྷར་སྒྲན་བདམ་མེད། འོན་ཀྱང་། ཁྱེད་ཚོས་ང་ཚོ་ལ་ཆུ་ཚོད་སྤྲད་ནས་གནས་སྟངས་འདི་ར་སྤྲོད་གནང་རྒྱུའི་གོ་སྐབས་སྤྲོད་རོགས་ཟེར་ནས། ཁྲོ་རྒན་གྱི་ཁྲིམས་རྩོད་མ་ལྕམ་གསེས་སྒྲི་ནེས་ཕོའ་ཝལ་ལ་གནས་ཚུལ་ངོ་སྤྲོད་ཀྱི་གཏམ་བཤད་གནང་བཅུག་སོང་།

                         ཁྲིམས་རྩོད་མ་ལྕམ་གསེས་སྒྲི་ནེས་ཕོའ་ཝལ་གྱི་གཏམ་བཤད་མདོ་བསྡུས།

ཁྲིམས་རྩོད་པ་མ་ལྕམ་གསེས་སྒྲི་ནེས་ཕོའ་ཝལ་(Sidney Powell ) གྱིས་ད་ལྟ་ང་ཚོས་གདོང་ལེན་བྱེད་བཞིན་པ་ནི་ཝེན་ནེས་ཟོན་ཝེས་ལ་དང་ཁོས་བྷ། གཅིག་བྱས་ན་རྒྱ་ནག་བཅས་ནས་ཡོང་བའི་གུང་ཁྲན་ཏང་གི་སྒོར་མོ་དང་། འོས་བསྡུ་འཕྲུལ་ཆས(Dominion)དང་མཉན་ཆས་(Smartmatic)རྒྱུད་ནས་ཡོང་ཞིང་། དེ་དག་གིས་ང་ཚོའི་འོས་ལ་ཐེ་གཏོགས་བྱས་འདུག འཕྲུལ་ཆས་དེ་ནི་དང་པོ(Venezuela)རྒྱལ་ཁབ་ཀྱི་སྲིད་འཛིན་ཧོས་རྒོ་ཤ་ཝ་ལ་རོགས་པ་བྱེད་ཆེད་དུ་བཟོས་ཤིང་། རྗེས་སུ་ཁོ་ལ་(referendum)མ་ཡོང་བར་དུ་རྒྱལ་ཁ་ཁོ་ན་ཐོབ་ནས་ཡོང་ཡོད་པའི་དཔང་མི་ཚད་ལྡན་ཞིག་ང་ཚོ་ལ་ཡོད། ཁོ་ནི་འོས་བསྡུ་འཕྲུལ་ཆས་དེ་ལ་ཧ་ཅང་གི་ཆ་རྒྱུས་ཡོད་པ་མ་ཟད། ཁོ་དེ་སྔོན་ཝེན་ནེས་གསི་ཝེ་ལ་ཡི་སྲིད་འཛིན་ཧོས་རྒོ་ཤ་ཝའི་མདུན་དུ་འཕྲུལ་ཆས་དེས་འོས་ཤོག་ཁ་བསྒྱུར་བྱེད་ཐུབ་མིན་ལ་ཚོད་ལྟ་བྱེད་དུ་ཕྱིན་འདུག ཁོས་བྲིས་བའི་སྙན་ཞུ་ལས་ཨ་རིའི་ནང་དུ་ཁྲོ་རྒན་ཐོབ་ལ་ཉེ་སྐབས་སུ་མངའ་སྡེ་མང་པོའི་ནང་དུ་འོས་ཤོག་བརྩི་མཚམས་བཞག་པའི་གནས་སྟངས་བྱུང་སྐབས། ཁོས་རང་ལ་ཉམས་མྱོང་ཡོད་པ་བཞིན་མགོ་སྐོར་བཏང་གི་ཡོད་པ་གསལ་བོ་ཚོར་ཡོད། རྒྱུ་མཚན་ནི། དེ་ནི་མཉེས་ཆས་དེས་མགོ་སྐོར་གཏོང་ཐབས་གཅིག་ཡིན་པས་རེད།

མཉན་ཆས་དེ་ལ་འགྱུར་བ་གཏོང་སྐབས་སུ་དྲ་རྒྱ་དང་། བྱང་བུ་སོགས་རྒྱུད་ནས་གཏོང་ཐུབ་ལ། ལྷག་པར་དུ་དེ་ལ་དམིགས་བསལ་གྱི་ཁྱད་ཆོས་ཤིག་ཡོད་པ་ནི། འོས་ཤོག་ཁ་སྒྱུར་བྱ་རྒྱུ་དེ་རེད། Smartmatic མཉན་ཆས་དེ་ནི་(Dominion)འོས་བསྡུ་འཕྲུལ་ཆས་ཁོ་ན་རུ་བེད་སྤྱོད་གཏོང་རྒྱུ་ཡིན་ན་ཡང་། སྐབས་དེར་འོས་བསྡུ་འཕྲུལ་ཆས་དུ་མའི་ནང་དུ་བེད་སྤྱོད་བཏང་འདུག་ལ། གཅིག་བྱས་ན་མཉན་ཆས་དེ་ང་ཚོའི་རྒྱལ་ཡོངས་ཀྱི་གང་སར་བེད་སྤྱོད་བཏང་ཡོད་པ་དང་། ཁྲོ་རྒན་གྱི་འོས་ཤོག་ཁག་ཅིག་བྷར་སྒྲན་ལ་སྤྲད་འདུག ཁྲོ་རྒན་ལ་འོས་ཤོག་ཧ་ཅང་མང་པོ་འབྱོར་བས་ཁོ་ཚོས་རྒྱུན་ལྡན་ལྟར་སྟངས་འཛིན་བྱེད་མ་ཐུབ་པས། འཕྲུལ་ཆས་ཀྱི་སྒོ་བརྒྱབ་ནས་རྩི་མཚམས་འཇོག་དགོས་བྱུང་ཡོད། དེ་ལ་བརྟེན་ནས་འོས་ཤོག་མང་པོ་ལྟག་སྒོ་ནས་འཁུར་ནས་ཡོང་ཞིང་། འོས་ཤོག་མང་པོར་བྷར་སྒྲན་གྱི་མིང་ལས་ས་ཡིག་ཚད་ལྡན་མེད་པ་མ་ཟད། འོས་ཤོག་ཁག་ཅིག་གི་ངོས་སུ་དྲ་རྟགས་མ་གཏོགས་ཅི་ཡང་མེད་པས། ཁོ་ཚོས་དྲ་རྟགས་ཡོད་པའི་འོས་ཤོག་འོས་བསྡུ་འཕྲུལ་ཆས་ཀྱི་ངོས་སུ་ཡང་ཡང་བསྟན་ཞིང་། དྲ་རྟགས་ཡོད་པའི་འོས་ཤོག་གཅིག་གིས་འོས་ཤོག་མང་བོ་འཕེན་ཐུབ་པ་བཟོས་འདུག་ཚུལ་ངོས་སུ་མཐོང་མཁན་དཔང་མི་དུ་མ་ང་ཚོ་ལ་ཡོད། 

འོས་བསྡུ་འཕྲུལ་ཆས་རྒྲོ་མས་ནོན་(Dominion)གྱི་བརྟན་གཞི་མཚན་གཅིག་ལ་གནས་དུ་མར་སྤོས་བས་ད་ལྟ་གང་དུ་ཡོད་མེད་ང་ཚོས་རྙེད་ཀྱི་མེད་ལ། ཊོ་རན་ཁྲོ་རུ་ཡོད་པའི་རྒྲོ་མས་ནོན་གྱིས་སྐུ་ཞབས George Soros ཡི་དབྱིན་ཇིའི་མི་གཉིས་པ་མཱ་ལ་ཁི་སི་བྷི་རོན་དང་མཉམ་ལས་བྱས་ཡོད། ཁོ་ནི་འཕྲུལ་ཆས་དེའི་འགན་འཛིན་ལྷན་ཚོགས་ཀྱི་འཆར་གཞི་བསྒྲིགས་མཁན་གྱི་ཁོངས་ཡིན། ཁི་ལེ་ཊོན་ཐེབས་རྩ་ཚོགས་པ་དང་། ང་ཚོའི་རྒྱལ་ཁབ་ཀྱི་གནད་ཡོད་ཀྱི་མི་སྣ་མང་པོ་འོས་བསྡུ་འཕྲུལ་ཆས་དེའི་ནང་དུ་མཉམ་ཞུགས་བྱས་ཡོད།


དཔང་མི་ཞིག་གིས་བརྗོད་གསལ་དུ(Smartmatic)ཕྱི་རྒྱལ་གྱི་མཉན་ཆས་འདིས་ཨ་རིའི་འོས་བསྡུ་ལ་གནོད་སྐྱོན་བཏང་ཞིང་། བདེ་འཇགས་ལ་གནོད་པ་བཏང་ཡོད་པ་མ་ཟད། འདི་ལ་རྙོག་གླེང་སྐབས་སུ་མིང་བསྒྱུར་ནས་མུ་མཐུད་དུ་འོས་བསྡུ་ལ་བེད་སྤྱོདགཏོང་བཞིན་ཡོད། (Smartmatic)ནི་དེ་སྔོན་གྱི་སི་ཁོ་ཡའི་མཉན་ཆས་ཡིན་ལ། དེས་ཨ་རིའི་ནང་དུ་འོས་ཤོག་རྩི་བའི་ཚོང་བྱེད་ཀྱི་ཡོད། མ་ཟད་དེས་ཕྱི་ལོ་ ༢༠༠༤ ལོར་ཨ་རིའི་སྲིད་འཛིན་འོས་བསྡུ་ཡི་སྐབས་སུ་མི་ས་ཡ ༡༢༥ འོས་ཤོག་རྩིས་ཡོད། (Smartmatic)ཡི་སྣེ་ཁྲིད་པ་ཝེན་ནེས་གསི་ཝེས་ལ་ཚོང་པ(Antonio Mugica)ཡིས་མཉེས་ཆས་འདི་ཡི་ནང་དུ་མཉམ་ཞུགས་བྱས་པ་ཕྱི་རོལ་ཏུ་བསྒྲགས་མེད། གཅིག་བྱས་ན་འདི་ནི་ང་ཚོའི་ཨ་རིའི་དགྲ་བོའི་ཝེན་ནེས་གསི་ཝེས་ལ་ཡི་སྲིད་འཛིན་དང་འབྲེལ་བ་ཡོད་ལ། དེས་ཝེན་ནེས་གསི་ཝེས་ལའི་སྲིད་འཛིན་(Maduro)ལ་རོགས་པ་བྱས་ཡོད། གཅིག་བྱས་ན་འདི་ནི་ཝེན་ནེས་གསི་ཝེས་ལའི་གཞུང་དང་འབྲེལ་བ་ཡོད་ངེས་བས་ང་ཚོའི་བདེ་འཇགས་ལ་གནོད་ཚུལ་ཨ་རིའི་སྤྱི་འཐུས་ཁེ་རན་ལེན་བྷི་མི་ལོས་ནན་གྱིས ༢༠༠༦ ལོར་བྲིས་འདུག དེར་བརྟེན། ང་ཚོས་དེ་ལ་ཞིབ་བཤེར་བྱེད་དགོས་ཤིང་། ད་ལྟའི་བར་དུ་མི་བྱེད་དགོས་དོན་ཅི་ཡིན་ནམ།

 

མཉན་ཆས་དེའི་འགན་འཛིན་ལྷན་ཚོགས་ཀྱི་ཁོངས་སུ་ཡོད་པའི་ཨེན་ཊི་ཧྥ་(Antifa)ཡི་དབུ་ཁྲིད་ཨེ་ར་ཁི་ཁོས་མཱ་ཡིས་ཁོའི་སྤྱི་ཚོགས་ཀྱི་དྲ་རྒྱའི་ཐོག་ཏུ་རང་གི་རྗེས་འབྲང་བ་རྣམས་ལ་”སེམས་ཁྲལ་བྱེད་མི་དགོས། འོས་བསྡུ་སྐབས་སུ་ཁྲོ་རྒན་ལ་འོས་ཤོག་མི་ཐོབ་ཅིང་། ཁོས་འོས་ཤོག་ལ་འགྱུར་བ་བཏང་རྒྱུ་ཁ་ཐེག་བྱེད་དགོས་”ལབ་པ་མ་ཟད། ཧཧ་་་་་་   ཞེས་བྲིས་ཡོད།

 

འོས་བསྡུ་འཕྲུལ་ཆས(Dominion)ལྟ་བུ་ཡིན་ཡང་། གྲོང་བརྡལ ༢༠༠༠ ལྷག་དང་། མངའ་སྡེ ༣༠ ནང་དུ་བེད་སྤྱོད་བཏང་ཡོད་ལ། ཁོ་ཚོས་འོས་གྲངས་ཅི་ཙམ་ཁ་བསྒྱུར་བྱས་བ་གསལ་བོར་བཤད་དཀའ་ཡང་། དེའི་སྐོར་ལ་ཆེད་མཁས་བ་གསུམ་གྱིས་བརྗོད་གསལ་ལྟར་ན། འཕྲུལ་ཆས་དེ་ལ་ལས་སླ་བོས་འགྱུར་བ་བཏང་ཐུབ་ཅིང་། ཁྱེད་རང་གི་གྲངས་ཁ་གང་ཞིག་བསྒྲིགས་འདོད་ན། དེ་ལྟར་ལམ་སང་བསྒྲིགས་ཐུབ་ཚུལ་བརྗོད་བྱུང་། ཁོ་ཚོས་བེད་སྤྱོད་བཏང་ས་ནི་རྩོད་གཞི་ཅན་གྱི་མངའ་སྡེ་ཙམ་མིན་པ། ཨ་རིིའི་མངའ་སྡེ་ཡོངས་སུ་གཅིག་བྱས་ན་བེད་སྤྱོད་བཏང་འདུག་ལ། དེ་ལྟར་བཏང་བའི་གནས་ཚུལ་ང་ཚོས་ད་ལོ་ཤེས་བ་ཡིན། རྒྱུ་མཚན་ནི། ཁྲོ་རྒན་ལ་རྩོད་གཞི་ཅན་གྱི་མངའ་སྡེ་ཡི་ནང་དུ་འོས་ཤོག་བླུགས་མཁན་མང་དྲགས་པས། ང་ཚོས་རྩི་མཚམས་བཞག་ཅིང་། ལྐོག་ནས་འོས་ཤོག་ནང་འཇུག་བྱེད་དགོས་བྱུང་བས་རེད།

 

ང་ཚོ་ལ་དཔང་མི་ཡོད་པ་བཞིན་དྲ་རྒྱའི་རྣམ་པ ( 6 Digital number) ཡང་ཡང་བེད་སྤྱོད་བཏང་ཞིང་། མ་མཐའ་ཡང་མངའ་སྡེ་གཉིས་ཀྱི་ནང་དུ་འོས་ཤོག ༣༤༡ ༥༤༢ བྷར་སྒྲན་ལ་སྤྲད་ཅིང་། ཁྲོ་རྒན་ལ་འོས་ཤོག ༡༠༠ ༠༡༢ སྤྲད་འདུག་པ་མ་ཟད། སྐར་མ ༢༠ ནང་དུ་གྲངས་ཁ་དེ་ཡང་ཡང་སྤྲད་འདུག་པས་དེ་ལ་རྒྱུ་མཚན་ལྡན་པའི་འགྲེལ་བཤད་ཡང་དག་ཅིག་མེད། དེའི་སྐོར་གྱི་མཉན་ཆས་ཕབས་ལེན་བྱེད་རྒྱུ་ཡོད་ཅིང་བྱས་ནས་ལྟ་ཀློག་བྱེད་པའི་རེ་བ་ཡོད། གནས་ཚུལ་འདི་ལ་དོགས་པ་ཟ་དགོས་བ་ཡོད་ཀྱང་། དེ་ལྟར་དོགས་སློང་གནང་མཁན་དེ་ཙམ་བྱུང་མེད་པས་ཡིད་སྐྱོ་བ་ཞིག་རེད།

 

མཉན་ཆས་དེ་དང་འཕྲུལ་ཆས་དེ་བེད་སྤྱོད་བཏང་མཁན་ལ་དམིགས་བསལ་གྱིས་མགོ་སྐོར་གཏོང་སྟངས་ཀྱི་སྦྱོང་བ་སྤྲད་ཡོད་པ་དང་། དཔེར་ན། འོས་ཤོག་སྦས་སྐུང་བྱེད་སྟངས། འོས་ཤོག་ཁྲོ་རྒན་ནས་བྷར་སྒྲན་ལ་སྤྲོད་སྟངས། ཁྲོ་རྒན་གྱི་འོས་ཤོག་ང་ཚོས་རང་གི་གློག་ཀླད་ཀྱི་ནང་ནས་གསུབ་ནས་གད་སྙིགས་སུ་གཡུག་པ་བཞིན་གཡུག་སྟངས་སོགས་བསླབ་པའི་དཔང་མི་ང་ཚོར་ཡོད། དེའི་གནས་ཚུལ་རྒྱས་བ་ང་ཚོས་བརྙན་ལམ་དུ་དྲ་རྒྱར་བཀོད་ཡོད་པ་མ་ཟད། དེས་འོས་ཤོག་ས་ཡ་མང་པོ་ཁ་བསྒྱུར་བྱེད་ཐུབ་ཁར། ཁག་ཅིག་རང་བཞིན་གྱིས་བསྒྱུར་ཐུབ་ཀྱི་ཡོད།

འོས་བསྡུའི་འཕྲུལ་ཆས་དང་མཉན་ཆས་ཀྱིས་མགོ་སྐོར་བཏང་ཡོད་པ་ཐེ་ཚོམ་མེད་ཅིང་། ཁོ་ཚོས་མགོ་སྐོར་བཏང་ཆེད་དུ་ཝེན་ནེས་གསི་ཝེས་ལ་དང་ཨར་རྗན་ཊི་ན་སོགས་ལྷོ་ཨ་རིའི་ནང་དུ་བེད་སྤྱོད་བཏང་བ་མ་ཟད། རུལ་སུངས་ཀྱི་དཔོན་པོ་ཚོས་རང་ཉིད་ཀྱི་དབང་ཆ་སྲུང་ཆེད་དུ་དངུལ་གྱི་འགྲོ་སོང་ཅི་ལྟར་བཏང་དགོས་ཀྱང་། བཏང་ནས་འཕྲུལ་ཆས་དེ་ཉོ་རྒྱུ་རེད།

 

ཧ་ལས་དགོས་བ་ཞིག་དང་ཁོང་ཁྲོ་ལངས་དགོས་བ་ཞིག་ལ་ཁྲིམས་འགལ་གྱི་ལས་རིགས་འདིའི་ནང་དུ་ང་ཚོའི་རྒྱལ་ཁབ་ཀྱི་མི་མང་པོ་ཞུགས་ཡོད་པས། ང་ཚོས་དེ་དག་གིས་ང་ཚོའི་རྒྱལ་ཁབ་ཁྱེར་དུ་འཇུག་གི་མིན། ཨ་རིའི་རྒྱལ་ཞེན་པ་རྣམས་ས་གནས་དང་མངའ་སྡེ། སྲིད་གཞུང་གི་ཆེས་མཐོའི་དཔོན་རིགས་རྣམས་རུལ་སུངས་སུ་གྱུར་བར་ཁོང་ཁྲོ་ཟ་ནས་ཡོད་ལ། ང་ཚོས་དེ་དག་གི་ལག་ནས་ང་ཚོའི་རྒྱལ་ཁབ་ཕྱིར་ལེན་རྒྱུ་ཡིན། ང་ཚོས་ཕྱིར་སྣུར་མེད་པར་སྙིང་སྟོབས་སྐྱེས་ནས་འདི་ཚོས་བཟོས་བའི་གད་སྙིགས་གཙང་བཟོ་བྱེད་ཀྱི་ཡིན། ཁྲོ་རྒན་ཡིན་ཡང་། འོས་ཤོག་ལས་རྒྱལ་ཁ་ཐོབ་ཡོད་པས། ང་ཚོས་དེ་ར་སྤྲོད་བྱས་ཤིང་། རང་དབང་གི་ཆེད་དུ་འོས་ཤོག་བླུགས་མཁན་ཚོའི་ཐོབ་ཐང་སླར་ཡང་སྐྱར་གསོ་བྱེད་རྒྱུ་ཡིན་བརྗོད་འདུག

 

གཞན་ཡང་དྲི་བ་དྲི་ལན་གྱི་སྐབས་སུ་ཁྲིམས་རྩོད་མ་ལྕམ་གསེས་སྒྲི་ནེས་ཕོའ་ཝལ་གྱིས”འཛམ་གླིང་གི་གོ་ལ་གཅིག་གྱུར་དང་། འཛམ་གླིང་གི་སྒེར་གཅོད་པ་རྣམས་ཀྱིས་ང་ཚོ་ལ་དཔུང་འཇུག་བྱས་ཡོད། ང་ཚོས་རྒྱབ་ཏུ་ལངས་མཁན་ནི་ཁྲོ་རྒན་ཡིན། ད་ལྟ་ང་ཚོ་ལ་དཔང་རྟགས་ཀུན་ཡོད་ཅིང་། ང་ཚོར་རྒྱལ་ཁ་ཐོབ་ངེས་”རེད། ཅེས་བརྗོད་འདུག

 

མཆན། གནས་ཚུལ་མ་ཁུངས། https://www.youtube.com/watch?v=gbpkNiDbucA&feature=youtu.be&fbclid=IwAR0NwjjyvofZ1T8-V0NuDVi66blKc5pVRV8rsrOCcyBHEkCXsQlMQZQgbhU