ཕྱི་ལོ་༢༠༢༠་ལོར་རྒྱ་ནག་གཞུང་གིས་ཀྲུང་དབྱང་བོད་ཀྱི་ལས་དོན་བཞུགས་མོལ་ཚོགས་འདུ་ཐེངས་བདུན་པ་དང་ཞིང་ཆེན་ཏང་ཨུའི་བོད་འབྲེལ་ལས་དོན་ཚོགས་འདུའི་དགོངས་དོན་སྒྲོག་སྦྱོང་ལག་དེབ་ཞེས་པའི་རྒྱ་ནག་གི་གསང་རྒྱ་བྱེད་བཞིན་པའི་དེབ་ལས་ཚན་པ་ཞིག་བཏུས་ཏེ་འདིར་བཀོད་ཡོད།
ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་གཏིང་ཟབ་ཏུ་སྤེལ་དགོས།
ཞིང་ཆེན་བཞིའི་བོད་འབྲེལ་ཁུལ་དང་རྫོང་ནི་ཏཱ་ལའི་ཚོགས་ཁག་དང་ནུབ་ཕྱོགས་དགྲར་འཛིན་སྟོབས་ཤུགས་ཀྱིས་སིམ་འཛུལ་དང་གཏོར་བརླག་བྱེད་པར་བཀག་འགོག་བྱེད་པའི་ས་ཁུལ་གཙོ་བོ་ཡིན་ཞིང་།ཞིང་ཆེན་བཞིའི་བོད་འབྲེལ་ལས་དོན་བཟང་བོར་སྒྲུབ་པ་ནི།ཀྲུང་དབྱང་གིས་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ཀྱི་ཁྱོན་ཡོངས་དང་རྒྱལ་ཁབ་བདེ་འཇགས་ཀྱི་སྤྱི་ཡོངས་ལ་དམིགས་ནས་བཀོད་པའི་འཐབ་ཇུས་ཀྱི་བཀོད་སྒྲིག་ཡིན།
སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བོད་ཀྱི་ལས་དོན་ཐད་ངེས་པར་དུ་མེས་རྒྱལ་གཅིག་གྱུར་ལ་སྲུང་སྐྱོབ་དང་མི་རིགས་མཐུན་སྒྲིལ་ལ་ཤུགས་སྣོན་རྒྱུ་དེ་དམིགས་འཛུགས་ས་དང་ཤུགས་སྣོན་སར་བརྩི་རྒྱུ་རྒྱུན་འཁྱོངས་བྱེད་དགོས་པ་དང་།མང་ཚོགས་ལ་སློབ་གསོ་དང་ཁྲིད་སྟོན་བྱ་རྒྱུར་ཤུགས་བསྣན་ནས་མང་ཚོགས་སྐུལ་སློང་བྱས་ཏེ་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ནང་ཞུགས་ཏེ་བརྟན་ལྷིང་སྲུང་སྐྱོང་གི་མཁར་གྱང་འཛུགས་པར་བྱེད་དགོས་ཞེས་བསྟན་ཡོད།
ཝང་ཅན་ཅུན་གྱིས་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་རྒྱུན་མཐུད་ངང་གཏིང་ཟབ་ཏུ་སྤེལ་ནས་འཐབ་རྩོད་ཀྱི་རང་འགུལ་དབང་ཆ་དམ་པོར་འཛིན་དགོས་ཞེས་ནན་གྱིས་བསྟན་ཡོད།ང་ཚོས་ཏཱ་ལའི་ཚོགས་ཁག་དང་ཁོ་ཚོར་རྒྱབ་སྐྱོར་བྱེད་པའི་ཀྲུང་གོར་རྒོལ་བའི་རྒྱལ་སྤྱིའི་སྟོབས་ཤུགས་ལ་འཐབ་རྩོད་བྱེད་པ་དེ།མི་རིགས་དང༌།ཆོས་ལུགས།འགྲོ་བ་མིའི་ཐོབ་ཐང་བཅས་ཀྱི་གནད་དོན་མ་ཡིན་པར་རྒྱལ་ཁབ་གཅིག་གྱུར་དང་འབྲེལ་བ་ཡོད་པའི་ཆབ་སྲིད་ཀྱི་འཐབ་རྩོད་གལ་ཆེན་ཡིན་པས།ངེས་པར་དུ་དར་ཆ་གསལ་སྟོན་དང་མདུང་རྩེ་ཁ་སྤྲོད།རང་འགུལ་དམ་འཛིན།མི་སེམས་བརྩོན་ལེན།རྨང་རྩ་གཉིས་བརྟན་བཅས་ཀྱི་སྒོ་ནས་ཏཱ་ལའི་ཚོགས་ཁག་ལ་འཐབ་རྩོད་བྱེད་པའི་བྱེད་ཕྱོགས་རྒྱུན་འཁྱོངས་ལྷོད་མེད་བྱེད་དགོས།འཐབ་རྩོད་དེ་ཀྲུང་ཧྭ་མི་རིགས་ཀྱི་སྲོག་ཤིང་ཁེ་ཕན་དང་འབྲེལ་བ་ཡོད་པ་དང༌།བོད་ལྗོངས་དང་བོད་འབྲེལ་ཞིང་ཆེན་བཞིའི་མི་རིགས་ཁག་གི་མི་དམངས་ཀྱི་རྩ་བའི་ཁེ་ཕན་དང་འབྲེལ་བ་ཡོད་ལ།རྒྱལ་ཁབ་ཀྱི་བདེ་འཇགས་དང་མི་རིགས་ཁག་གི་མི་དམངས་ཀྱི་མདུན་ལམ་དང་ལས་དབང་ལ་འབྲེལ་བ་ཡོད་པའི་ཆབ་སྲིད་ཀྱི་འཐབ་རྩོད་གལ་ཆེན་ཞིག་རེད།
ལོ་རྒྱུས་ཐོག་ནས་བལྟས་ན།ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ནི་ཀྲུང་གོའི་ཉེ་རབས་ནས་བཟུང་བཙན་རྒྱལ་རིང་ལུགས་ལ་ངོ་རྒོལ་དང་མི་སེར་སྤེལ་ཡུལ་ལ་ངོ་རྒོལ་བྱེད་པའི་འཐབ་རྩོད་ཀྱི་རྒྱུན་མཐུད་པ་ཞིག་རེད།
དུས་རབས19པའི་ལོ་རབས70རྗེས་སུ།ནུབ་ཕྱོགས་ཀྱི་དར་རྒྱས་ཆེ་བའི་མ་རྩ་རིང་ལུགས་ཀྱི་རྒྱལ་ཁབ་ཁག་བཙན་རྒྱལ་རིང་ལུགས་ཀྱི་དུས་རིམ་དུ་འཕེལ་རྒྱས་བྱུང༌།
དབྱིན་ཇིར“ཉི་མ་ནུབ་ཏུ་མེད་པའི་བཙན་རྒྱལ”ཞེས་པའི་མིང་ཐོགས་ནས།དབྱིན་ཇིར་གཏོགས་པའི་རྒྱ་གར་གྱི་བདེ་འཇགས་ལ་ཁག་ཐེག་བྱ་ཆེད།དབྱིན་ཇིའི་མི་སེར་སྤེལ་མཁན་ཚོས“ནང་མཚོ་གཅིག་དང༌།ལྟེ་མཐུན་སྒོར་དབྱིབས་གཉིས།བར་ཆོད་ཁུལ་གསུམ”ཞེས་པའི་འཐབ་ཇུས་ཀྱི་བསམ་བཀོད་བཏོན་ཞིང་
། དེར“བར་ཆོད་རྒྱལ་ཁབ”ཀྱི་འཆར་གཞི་ཡང་ཟེར།
ནང་མཚོ་གཅིག་ནི་ཧིན་རྡུ་རྒྱ་མཚོ་ཡིན་པ་དང་།ལྟེ་མཐུན་སྒོར་དབྱིབས་གཉིས་ལས་ནང་སྒོར་ནི་རྒྱ་གར་ནུབ་བྱང་མཐའ་མཚམས་ཀྱི་ཚོ་བའི་ས་ཁུལ་ནས།ནེ་པ་ལ་དང་།འབྲས་ལྗོངས།འབྲུག་ཡུལ།ཨ་ས་མུ་པང་།རྒྱ་གར་བྱང་ཤར་མཐའ་མཚམས་ཚོ་བའི་ས་ཁུལ་གྱི་བར་ཡིན་ལ།ཕྱི་སྒོར་ནི་པོ་སི་མཚོ་ཁུག་གི་ཚོ་དཔོན་རྒྱལ་ཁབ་ནས་པོ་སི་དང་།ཨ་ཧྥུ་ཀ་ནི་སི་ཐན།བོད་ལྗོངས།ཐེ་ལན་གྱི་བར་ཡིན་ཞིང༌།བར་ཁུལ་གསུམ་ལས་དང་པོ་ནི་དབྱིན་ཇིས་
བཅོས་སྐྱོང་བྱས་པའི་འོག་གི་བོད་ལྗོངས་ཡིན་ལ།རྒྱ་གར་ལ་ཀྲུང་གོའི་འཇིགས་སྣང་མི་ཐེབས་པའི་འགན་ལེན་བྱེད་ཆེད་ཡིན།གཉིས་པ་ནི་ཨ་ཧྥུ་ཀ་ནི་སི་ཐན་ཡིན་ལ།ཧྲ་ཧོང་ཨུ་རུ་སུར་བཀག་འགོག་བྱེད་ཆེད་ཡིན།
གསུམ་པ་ནི་ཧིན་རྡུ་རྒྱ་མཚོ་ཆེན་པོའི་འགྲམ་རྒྱུད་ཀྱི་རྒྱལ་ཁབ་ཡིན་ཏེ།ཨ་ཧྥེ་རི་ཁ་ལྷོ་མ་དང་ཁེན་ནི་ཡ་ནས་ཨེ་ཅིབ་བར་དང༌།སུའུ་དབྱི་ཧྲི་མིས་བཟོས་གཙང་པོ།ཨ་རབ་རྒྱལ་ཁབ།རྒྱ་གར།འབར་མ།དེ་ནས་སིང་ཀ་ཕོར་བར་དང་མཇུག་མཐར་ཨོ་སི་ཁྲུ་ལི་ཡ་དང་ནེའུ་ཙི་ལན་བར་དུ་བསྲིངས་ཡོད།ད་ལྟ་ཨ་རིས་སྤེལ་བའི་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་མོའི་ཁུལ་གྱི་འཐབ་ཇུས་དང་།རྒྱ་གར་དང་ཞི་བདེ་རྒྱ་མཚོ་ཆེན་མོའི་ཁུལ་གྱི་འཐབ་ཇུས་ནི་གོང་གསལ་གྱི་དབྱིན་ཇིའི་འཐབ་ཇུས་ཀྱི་བསམ་བཀོད་དང་ཁྱད་ཆེན་པོ་མེད།དབྱིན་ཇི་དང་ཨ་རི་སོགས་ཀྲུང་གོར་རྒོལ་བའི་ནུབ་ཕྱོགས་སྟོབས་ཤུགས་ཀྱིས་ཐུན་མོང་གི་ཆབ་སྲིད་དམིགས་ཡུལ་དང་འཐབ་ཇུས་བསམ་གཞིགས་བཏང་བར་བརྟེན་ནས།
མཉམ་དུ“བོད་ཀྱི་གནད་དོན”ཟེར་བ་ཞིག་བཟོས་པ་རེད།
རྩ་བའི་ཐོག་ནས་བཤད་ན།བོད་ཀྱི་གནད་དོན་ཟེར་བ་དེ་ནི་ལོ་རྒྱུས་ཐོག་བཙན་རྒྱལ་རིང་ལུགས་ཀྱིས་ཀྲུང་གོར་བཙན་འཛུལ་བྱས་པ་ལས་བྱུང་བ་ཞིག་དང་དེང་སྐབས་ཨ་རི་སོགས་ནུབ་ཕྱོགས་ཀྲུང་རྒོལ་སྟོབས་ཤུགས་ཀྱིས་དེ་སྔའི་དབྱིན་ཇི་བཙན་རྒྱལ་ཆེན་པོ་ལས་ལོ་རྒྱུས་ཀྱི་ཤུལ་བཞག་རྒྱུན་འཛིན་བྱས་པ་ཞིག་རེད།འཛམ་གླིང་འཁྲུག་ཆེན་གཉིས་པའི་སྐབས་སུ།ཨ་རིས་རིམ་བཞིན་དབྱིན་ཇིས་འཛམ་གླིང་ཧམ་འཛིན་བྱེད་པའི་རྒྱལ་ཁབ་ཆེན་པོའི་གནས་བབ་ཀྱི་ཚབ་བྱས་ཏེ་ཀྲུང་གོའི་བོད་འབྲེལ་ལས་དོན་ལ་ཐེ་ཇུས་བྱེད་འགོ་ཚུགས།1942ལོར།ཨ་རིའི་འཐབ་ཇུས་གསང་འཕྲིན་ཅུས་ཀྱི་མི་སྣས་མནའ་མཐུན་དམག་དཔུང་གིས་གཞུང་ལམ་འཚོལ་ཞིབ་ཐིག་ལེན་དང་གནམ་གྲུ་ཐང་བཟོ་སྐྲུན་ལ་རྩད་ཞིབ་བྱེད་པའི་སྟབས་དང་བསྟུན་ནས་བོད་ལྗོངས་སུ་ཡོང་བ་དང༌།ལྷ་སར་ཁ་ཕྲལ་པ་ཉུང་ཤས་དང་འབྲེལ་གཏུག་འགྲོ་འོང་བྱས་ཏེ།མངོན་སུམ་འཛེམ་མེད་ཀྱིས་བོད་རང་བཙན་ལ་རྒྱབ་སྐྱོར་བྱ་རྒྱུ་ཡིན་ཞེས་བཤད་པ་རེད།དུས་དེ་ནས་བཟུང་།ཨ་མེ་རི་ཁ་ནི་དབྱིན་ཇིའི་ཚབ་ཏུ་ནུབ་ཕྱོགས་ཀྱི་ཀྲུང་གོར་རྒོལ་བའི་སྟོབས་ཤུགས་དང་བོད་ཀྱི་ཁ་ཕྲལ་སྟོབས་ཤུགས་ལ་རྒྱབ་སྐྱོར་བྱེད་མཁན་དང་ཇུས་འགོད་བྱེད་མཁན་ཆེ་ཤོས་སུ་གྱུར་པ་དང༌།ཏཱ་ལའི་སྐུ་ཕྲེང་བཅུ་བཞི་པའི་ཚོགས་ཁག་ནི་ཉིན་རེ་བཞིན་ཨ་རི་སོགས་ནུབ་ཕྱོགས་ཀྱི་ཀྲུང་གོར་རྒོལ་བའི་སྟོབས་ཤུགས་ཀྱིས་བོད་ཁ་ཕྲལ་གཏོང་བའི་ཆབ་སྲིད་ཀྱི་ཡོ་བྱད་རྣམ་དག་ཏུ་གྱུར།
གོང་དུ་གསལ་བ་ལྟར་བོད་ཀྱི་གནད་དོན་ཞེས་པ་ནི་ཉེ་བའི་ལོ་བརྒྱའི་རིང་གི་བྱ་བ་ཙམ་ཡིན་ཞིང་།དེའི་ངོ་བོ་ནི་དབྱིན་ཇི་དང་ཨ་རི་སོགས་ཀྲུང་གོར་ངོ་རྒོལ་བྱེད་པའི་ནུབ་ཕྱོགས་ཀྱི་སྟོབས་ཤུགས་དང་ཏཱ་ལའི་སྐུ་ཕྲེང་བཅུ་བཞི་པའི་ཚོགས་ཁག་གིས་ཀྲུང་གོ་ཁ་ཕྲལ་གཏོང་བའི་ལྐོག་གཡོ་ཡིན་ཞིང་།ཀྲུང་གོའི་རྒྱལ་ཁབ་གཅིག་གྱུར་དང་།
མི་རིགས་མཐུན་སྒྲིལ།མཐའ་མཚམས་བརྟན་ལྷིང་བཅས་ལ་འཇིགས་སྐུལ་དང་འགྲན་སློང་ཚབས་ཆེན་བཟོས།
དུས་རབས20པའི་ལོ་རབས60འགོར།ཏཱ་ལའི་སྐུ་ཕྲེང་བཅུ་བཞི་པའི་ཚོགས་ཁག་གིས་རྒྱ་གར་དུ་བོད་ཀྱི་མི་དམངས་འཐུས་མིའི་ཚོགས་ཆེན་བསྡུས་ནས་བོད་ཡུལ་གྱར་སྲིད་གཞུང་ཟེར་བ་བཙུགས་པ་དང་བོད་ནི་རང་བཙན་རྒྱལ་ཁབ་ཡིན་ཞེས་མངོན་གསལ་དུ་འུད་སྒྲོག་བྱས།དུས་དེ་ནས་བཟུང་བོད་རང་བཙན་ཞེས་པ་དེ་ཏཱ་ལའི་སྐུ་ཕྲེང་བཅུ་བཞི་པའི་ཚོགས་ཁག་གིས་ཡོངས་བསྒྲགས་ངང་འུད་སྒྲོག་དང་རྒྱུན་ཆད་མེད་པར་ངན་སྐུལ་བྱེད་པའི་ཕུགས་འདུན་དུ་གྱུར་ཡོད།དོན་དངོས་ཐོག་བོད་ཀྱི་གནད་དོན་ཟེར་བ་ཞིག་མེད་མོད།འོན་ཀྱང་ཨ་རི་སོགས་ནུབ་ཕྱོགས་ཀྲུང་རྒོལ་སྟོབས་ཤུགས་དང་ཏཱ་ལའི་སྐུ་ཕྲེང་བཅུ་བཞི་པའི་ཚོགས་ཁག་གི་སྐུལ་སློང་དང་ཁ་ལོ་བསྒྱུར་བའི་འོག་ཀྲུང་གོའི་ནང་སྲིད་ཁོ་ནར་གཏོགས་པའི་བོད་ཀྱི་ལས་དོན་དེ་རྒྱུན་ཆད་མེད་པར་རྒྱལ་སྤྱི་ཅན་དུ་བསྒྱུར་ཡོད།དོན་སྙིང་འདིའི་ཐོག་ནས་བཤད་ན།“བོད་ཀྱི་གནད་དོན་ནི་ཀྲུང་གོའི་ནང་སྲིད་ཀྱི་གནད་དོན་ཞིག་དང་བདག་དབང་ལ་སྲུང་སྐྱོབ་བྱེད་པའི་གནད་དོན་ཞིག།ཁ་ཕྲལ་དང་ཁ་ཕྲལ་ལ་རྒོལ་བའི་བར་གྱི་གནད་དོན་ཞིག་རེད།
དུས་རབས20པའི་ལོ་རབས80རྗེས་སུ།འཛམ་གླིང་གི་གནས་བབ་ལ་འགྱུར་ལྡོག་བྱུང་སྟེ།ཡོ་རོབ་ཤར་མར་འགྱུར་བ་དྲག་པོ་བྱུང་བ་དང་སུའུ་ལེན་ཁ་ཐོར་ཏུ་སོང་བས།ཨ་རིས་ཏཱ་ལའི་སྐུ་ཕྲེང་བཅུ་བཞི་པའི་ཚོགས་ཁག་ལ་འཛིན་པའི་སྲིད་ཇུས་ལ་འགྱུར་བ་བཏང་སྟེ།དེ་དག་གིས་ཁ་ཕྲལ་གྱི་བྱེད་སྒོ་སྤེལ་བར་རྒྱབ་སྐྱོར་བྱས།འཛམ་གླིང་ཐོག་བོད་ནི་རང་བཙན་རྒྱལ་ཁབ་ཅིག་ཡིན་པ་ཁས་ལེན་པའི་རྒྱལ་ཁབ་གཅིག་ཀྱང་མེད་པས།ཏཱ་ལའི་སྐུ་ཕྲེང་བཅུ་བཞི་པའི་ཚོགས་ཁག་གིས“དབུ་མའི་ལམ”ཟེར་བ་བཏོན་ནས་བོད་རང་བཙན་གྱི་རེ་ངན་བཀབ་སྟེ་རྒྱལ་སྤྱིའི་གླེང་ཕྱོགས་ལ་མགོ་སྐོར་གཏོང་བཞིན་ཡོད།
“དབུ་མའི་ལམ”ཟེར་བ་དེ་ཏཱ་ལའི་སྐུ་ཕྲེང་བཅུ་བཞི་པས་སྔ་རྗེས་སུ་ཨ་རིའི་རྒྱལ་ཚོགས་འགྲོ་བ་
མིའི་ཐོབ་ཐང་ཚོགས་ཆུང་དང་ཧྥ་རན་སེའི་སི་ཐེ་ལ་སི་པའོ་རུ་གཏམ་བཤད་སྐབས་བཏོན་པའི”ཞི་ བདེའི་གྲོས་འགོ་ལྔ”དང“སི་ཐེ་ལ་སི་པའོ་ཡི་གྲོས་འགོ”ཞེས་པའི་ནང་གཅིག་བསྡུས་ཐོག་མཚོན་
ཡོད་དེ། མི་མང་འཛོམས་ས་རུ“བོད་རང་བཙན”མི་གླེང་བར།
“བོད་ཆེན་པོ”དང“ཚད་མཐོའི་རང་
སྐྱོང”སོགས་གླེང་ནས་བོད་རང་སྐྱོང་ལྗོངས་སུ་ད་ལྟ་ལག་བསྟར་བྱེད་བཞིན་པའི་ལམ་ལུགས་ཁས་
ལེན་གྱིན་མེད།དོན་དངོས་སུ་དེ་ནི་བོད་དུ་ཏང་གི་འགོ་ཁྲིད་ཁས་མ་བླངས་པ་དང༌།ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་ལམ་ལུགས་དང་མི་རིགས་ས་ཁོངས་རང་སྐྱོང་ལམ་ལུགས་ཁས་མ་བླངས་པ།དམངས་གཙོའི་བཅོས་བསྒྱུར་ཁས་མ་བླངས་པ།ཀྲུང་དབྱང་སྲིད་གཞུང་གིས་བོད་དུ་རྒྱལ་ཁབ་ཀྱི་བདག་དབང་སྤྱོད་རྒྱུ་ཁས་མ་བླངས་པ་རེད།
དེའི་ཐོག་ནས“དབུ་མའི་ལམ་” དོན་དངོས་ཐོག་“བོད་རང་བཙན”ཞེས་པའི་ཚབ་མིང་ཡིན་པ་དང་ཏཱ་ལའི་སྐུ་ཕྲེང་བཅུ་བཞི་པའི་ཚོགས་ཁག་གིས་རྒྱལ་སྤྱིའི་གླེང་ཕྱོགས་ལ་མགོ་སྐོར་གཏོང་བ་དང་བདེན་རྫུན་ལོག་འཛིན་གྱི་གཡོ་ཐབས་ཤིག་ཡིན་པ་མཚོན་ཡོད།ཏཱ་ལའི་སྐུ་ཕྲེང་བཅུ་བཞི་པའི་ཚོགས་ཁག་གིས་བཏོན་པའི“དབུ་མའི་
ལམ”ཞེས་པར་དམིགས་ནས་ཀྲུང་གོ་སྲིད་གཞུང་གིས“ཀྲུང་གོའི་བོད་ཀྱི་བདག་དབང་ཁས་མི་ལེན་ཐབས་མེད་ཡིན་ཏེ།
བོད་རང་བཙན་དང་ཕྱེད་རང་བཙན། རྣམ་པ་འགྱུར་བའི་རང་བཙན་གང་ཡང་མི་ཆོག་ཅེས་གསལ་བོར་བསྒྲགས་ཡོད།
ཏཱ་ལའི་སྐུ་ཕྲེང་བཅུ་བཞི་པ་ནི་བོད་རང་བཙན་བྱ་རྒྱུའི་རེ་ངན་འཆང་བའི་ཁ་ཕྲལ་རིང་ལུགས་ཀྱི་ཆབ་སྲིད་ཚོགས་པའི་འགོ་གཙོ་ཡིན་ཞིང་།རྒྱལ་སྤྱིའི་ཐོག་ཀྲུང་གོར་རྒོལ་བའི་སྟོབས་ཤུགས་ཀྱི་ལག་ཆ་འཁྲུལ་མེད་ཅིག་ཡིན།
བོད་དུ་སྤྱི་ཚོགས་ཟིང་ཆ་བཟོ་བའི་སྤྱིའི་འབྱུང་རྩ་ཡིན་ལ།བོད་བརྒྱུད་ནང་བསྟན་ལ་རྒྱུན་ལྡན་གྱི་སྒྲིག་ལམ་འཛུགས་པར་བཀག་འགོག་བྱེད་པའི་འགོག་རྐྱེན་ཆེ་ཤོས་ཀྱང་ཡིན།ཆོས་ལུགས་ཀྱི་ཕྱི་གོས་གྱོན་ནས་ཆོས་ལུགས་ལ་གནོད་པ་བཟོ་བའི་སྲིད་ཚོང་པ་ཡིན།2008ལོར།ཏཱ་ལའི་སྐུ་ཕྲེང་བཅུ་བཞི་པའི་ཚོགས་ཁག་གི“བོད་ན་གཞོན་ཚོགས་པ”སོགས་རྩ་འཛུགས་ཀྱིས“བོད་
མི་དམངས་ཀྱི་འོས་ལངས་ཆེན་པོ”ཞེས་པ་ལག་ལེན་བསྟར་རྒྱུའི་ཁྱབ་བསྒྲགས་བྱས་ནས་གཏུམ་སྤྱོད་འུད་སྒྲོག་བྱས་པ་རེད།
ལྷ་སའི“3.14”དོན་རྐྱེན་ནི་ཏཱ་ལའི་སྐུ་ཕྲེང་བཅུ་བཞི་པའི་ཚོགས་ཁག་གི་སྒྲིག་འཛུགས་ཡོད་པ་དང་།
སྔོན་ཇུས་ཡོད་ལ།སེམས་ཞིབ་མོས་ཇུས་འགོད་བྱས་པའི་གཏུམ་སྤྱོད་ཉེས་གསོག་གི་དོན་རྐྱེན་ཚབས་ཆེན་ཞིག་ཡིན་པ་ར་སྤྲོད་འཁྲུལ་མེད་བྱུང་ཡོད།མིག་སྔར་ཨ་རི་སོགས་ནུབ་ཕྱོགས་ཀྲུང་རྒོལ་སྟོབས་ཤུགས་ཀྱི་རྒྱབ་སྐྱོར་འོག་ཏཱ་ལའི་ཚོགས་ཁག་གི་བློ་བཟང་སེང་གེ་སོགས“གསར་སྐྱེ་པའི”གོ་གནས་ཉིན་རེ་བཞིན་སྲ་བརྟན་དུ་སོང་ནས“5-50”ཞེས་པའི་འཆར་གཞི་བཏོན་ཡོད་པས།ཏཱ་ལའི་སྐུ་ཕྲེང་བཅུ་བཞི་པ་དང་ཏཱ་ལའི་ཚོགས་ཁག་གི་ངོ་བོ་གཏན་འཁེལ་བྱས་པའི་སྟེང་གཡོ་འགུལ་བྱེད་མི་རུང་བ་དང༌།ཏཱ་ལའི་ཚོགས་ཁག་ལ་འཐབ་རྩོད་བྱེད་ཕྱོགས་ཐད་གཡོང་འགུལ་བྱེད་མི་རུང་ལ།ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ཀྱི་ལས་དོན་ཁག་ལ་ཤུགས་སྣོན་དགོས་པ་ལས་ལྷོད་གཡེང་དུ་གཏོང་མི་རུང་།
དུས་མཚུངས་སུ “བོད་ཡུལ་གྱར་སྲིད་གཞུང”གི་ཁྲིམས་
འགལ་རང་བཞིན་ཐེར་འདོན་དང་དེར་དགག་རྒྱག་གཏིང་ཟབ་བྱས་ཏེ་ཨ་རི་སོགས་ཀྲུང་གོར་རྒོལ་
བའི་ནུབ་ཕྱོགས་སྟོབས་ཤུགས་ཀྱིས་ཐབས་སྣ་ཚོགས་ཀྱི་ལམ་ནས“བོད་ཡུལ་གྱར་སྲིད་གཞུང”ཁས་ ལེན་པར་ནན་འགོག་བྱེད་དགོས།
བོད་ནི་རྒྱལ་ཁབ་བདེ་འཇགས་ཀྱི་ལྕགས་རི་དང་སྐྱེ་ཁམས་བདེ་འཇགས་ཀྱི་ལྕགས་རི་གལ་ཆེན་ཞིག་ཡིན།
མིག་སྔར་བོད་ཀྱི་ལས་དོན་ལོ་བརྒྱའི་རིང་བྱུང་མ་མྱོང་བའི་འཕོ་འགྱུར་ཆེན་པོ་དང་འཕྲད་ཡོད་པ་དང༌།ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ཀྱི་དུས་བབ་སྔར་ལས་རྙོག་འཛིང་ཆེ་ཞིང་ཉེན་ཁ་དང་འགྲན་སློང་སྔར་ལས་ཛ་དྲག་ཡིན།ཏཱ་ལའི་སྐུ་ཕྲེང་བཅུ་བཞི་པའི་ཚོགས་ཁག་དང་ཨ་རི་སོགས་ནུབ་ཕྱོགས་ཀྲུང་རྒོལ་སྟོབས་ཤུགས་ཀྱི་འགལ་རྐྱེན་དང་གཏོར་བཤིག་ལས་བོད་ཀྱི་བརྟན་ལྷིང་དང་དར་རྒྱས་གོང་འཕེལ་ལ་ཤུགས་རྐྱེན་ངན་པ་ཐེབས་པ་དང༌།རྒྱལ་ཁབ་ཀྱི་བདེ་འཇགས་དང་མི་རིགས་མཐུན་སྒྲིལ་ལ་གནོད་པ་ཚབས་ཆེན་ཐེབས་ཡོད་པས།མེས་རྒྱལ་གཅིག་གྱུར་ལ་སྲུང་སྐྱོབ་དང་མི་རིགས་མཐུན་སྒྲིལ་ལ་ཤུགས་སྣོན་རྒྱུ་དམིགས་འཛུགས་ས་དང་ཤུགས་སྣོན་སར་འཛིན་རྒྱུ་རྒྱུན་འཁྱོངས་བྱེད་པ་ནི་བོད་ཀྱི་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ལ་ཡུན་རིང་རང་བཞིན་དང༌།རྙོག་འཛིང་རང་བཞིན།རྣོ་ངར་རང་བཞིན་བཅས་ལྡན་པའི་འཐབ་ཇུས་ཀྱི་བརྡར་གཅོད་གསར་ཤོས་རེད།དམིགས་འཛུགས་ས་དང་ཤུགས་སྣོན་ས་དེ་ཁོང་དུ་ཡང་དག་པར་ཆུད་པ་བྱས་ཚེ་བོད་ལྗོངས་དང་བོད་འབྲེལ་ཞིང་ཆེན་བཞིའི་ལས་དོན་གྱི་རྩ་འཛིན་དམ་འཛིན་བྱེད་ཐུབ་པ་ཡིན་པས།བོད་ལྗོངས་དང་ཞིང་ཆེན་བཞིའི་བོད་འབྲེལ་ཁུལ་དང་རྫོང་གིས་གནས་བབ་དང་ཉེན་ཁ་དེར་ངོས་འཛིན་གང་ལེགས་བྱས་ཏེ།ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ཀྱི་ཡུན་རིང་རང་བཞིན་དང་རྙོག་འཛིང་རང་བཞིན་ལ་ངོས་འཛིན་བྱས་ཏེ་ཁ་ཕྲལ་ལ་ངོ་རྒོལ་བྱེད་པའི་ལས་དོན་ཏན་ཏིག་ངང་ཡག་པོར་སྒྲུབ་ནས།སྤྱི་ཚོགས་བརྟན་ལྷིང་ལ་སྲུང་སྐྱོབ་དང་རྒྱལ་ཁབ་ཀྱི་བདེ་འཇགས་ལ་སྲུང་སྐྱོབ་བྱས་ཏེ་ཡུན་སྐྱོང་བདེ་འགོད་ལ་ཁག་ཐེག་བྱེད་དགོས།
ལོ་མང་པོའི་རིང༌།ཏཱ་ལའི་ཚོགས་ཁག་དང་ཨ་རི་གཙོ་བྱས་པའི་ཀྲུང་གོར་རྒོལ་བའི་ནུབ་ཕྱོགས་སྟོབས་ཤུགས་ཀྱིས་བོད་ལྗོངས་དང་བོད་འབྲེལ་ཞིང་ཆེན་བཞི་རུ་རྒྱུན་ཆད་མེད་པར་ཟིང་ཆ་བཟོ་བའི་རྒྱུ་རྐྱེན་ཆེ་ཤོས་ནི་ལོ་རྒྱུས་ཀྱི་དོན་ཆེན་སྣང་མེད་དུ་བཞག་པ་དང་ནོར་འཁྲུལ་གྱི་དྲིལ་བསྒྲགས་བྱས་ཏེ།བོད་ཀྱི་ལོ་རྒྱུས་དང་འཕེལ་རྒྱས་ཁྲོད་ཐོན་པའི་འགལ་བ་དང་གནད་དོན་རང་སྣང་གང་ཤར་གྱིས་འཁྱོག་བཤད་བྱས་ཏེ་མི་རྣམས་ཀྱི་རྒྱལ་ཁབ་ཀྱི་ལྟ་བ་དང་།ལོ་རྒྱུས་ཀྱི་ལྟ་བ།མི་རིགས་ཀྱི་ལྟ་བ།རིག་གནས་ཀྱི་ལྟ་བ།ཆོས་ལུགས་ཀྱི་ལྟ་བ་བཅས་ཉོག་པོར་བཟོས་པའི་རྐྱེན་ཡིན་པས།མདུང་རྩེ་ཁ་སྤྲོད་ཀྱིས་སློབ་གྲྭའི་བསམ་བློ་ཆབ་སྲིད་སློབ་གསོར་ཤུགས་སྣོན་པར་མཐོང་ཆེན་བྱེད་དགོས།རྒྱལ་གཅེས་རིང་ལུགས་ཀྱི་སྙིང་སྟོབས་དེ་རིམ་པ་ཁག་དང་རིགས་སོ་སོའི་སློབ་གྲྭའི་སློབ་གསོའི་བརྒྱུད་རིམ་ཧྲིལ་པོར་ཁྱབ་པར་བྱེད་པ་དང༌།རང་རེའི་ཀྲུང་ཧྭ་ལ་དགའ་ཞེན་བྱེད་པའི་ས་བོན་དེ་གཞོན་ནུ་
ལོ་ཆུང་ཚང་མའི་སེམས་གཏིང་དུ་སིམ་པར་བྱས་ཏེ།ཀྲུང་ཧྭ་མི་རིགས་ཐུན་མོང་ཚོགས་པའི་འདུ་ཤེས་བརྟན་པོ་བཅངས་པ་དང༌།སྤྱི་ཚོགས་རིང་ལུགས་ཀྱི་སྲོག་ཤིང་རིན་ཐང་ལྟ་བ་གསོ་སྐྱོང་དང་ལག་ལེན་བྱས་ཏེ།རིགས་སོ་སོའི་མང་ཚོགས་ཀྱིས་རླབས་ཆེན་མེས་རྒྱལ་དང༌།ཀྲུང་ཧྭ་མི་རིགས།ཀྲུང་ཧྭའི་རིག་གནས།ཀྲུང་གོ་གུང་ཁྲན་ཏང་། ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་བཅས་ཁས་ལེན་ཚད་རྒྱུན་ཆད་མེད་པར་ཇེ་དྲག་ཏུ་གཏོང་རྒྱུ་དེ་ནི་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ལས་དོན་ཡག་པོར་སྒྲུབ་པའི་དངོས་ཡོད་ཀྱི་དགོས་མཁོ་ཡིན།
ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ཀྱི་རང་འགུལ་དབང་ཆ་དམ་དུ་འཛིན་པའི་འགག་རྩ་ནི་ང་ཚོ་རང་ཉིད་ཀྱི་ལས་དོན་ཡག་པོར་སྒྲུབ་ནས་བོད་ཀྱི་འཆམ་མཐུན་བརྟན་ལྷིང་གི་རྣམ་པར་སྲུང་སྐྱོབ་ཡག་པོ་བྱ་རྒྱུར་ཐུག་ཡོད་པས།ཁ་ཕྲལ་གཏོར་བཤིག་གི་བྱ་སྤྱོད་ལ་རྡུང་རྡེག་ཚ་ནན་གཏོང་བའི་རྣམ་པ་རྒྱུན་འཁྱོངས་བྱས་ཏེ།ཉེན་ཁ་དང་མངོན་མེད་རྐྱེན་ངན་སྣ་ཚོགས་གྲལ་བཤེར་ཟབ་མོ་བྱས་ནས་བརྟན་ལྷིང་ལ་གནོད་པའི་གནད་དོན་མ་བྱུང་གོང་དུ་ཐག་གཅོད་མཐའ་གཅིག་ཏུ་བྱེད་དགོས།ཁྲིམས་ལྟར་བཅོས་སྐྱོང་བྱེད་པའི་ཆུ་ཚད་ཇེ་མཐོར་གཏོང་བ་དང་ས་གནས་རང་བཞིན་གྱི་ཁྲིམས་སྲོལ་བཟོས་ནས་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ལ་ཁྲིམས་སྐྱོང་གི་འགན་ལེན་བྱེད་དགོས།སྤྱོད་གོ་ཆོད་པའི་བཅོས་སྐྱོང་བྱེད་ཐབས་ཁག་གཅིག་ཕྱོགས་སྡོམ་ནན་མོ་བྱས་ནས་ས་གནས་རང་གི་དོན་དངོས་དང་མཐུན་ལ་སྤྱོད་གོ་ཆོད་པའི་སྤྱི་ཚོགས་བཅོས་སྐྱོང་བྱེད་སྟངས་དང་བརྟན་ལྷིང་སྲུང་སྐྱོབ་ལམ་ལུགས་ཀྱི་མ་ལག་ཆ་ཚང་ཞིག་ཆགས་པར་བྱེད་དགོས།མང་ཚོགས་ལ་སློབ་གསོ་དང་ཁྲིད་སྟོན་བྱ་རྒྱུར་ཤུགས་བསྣན་ནས་མང་ཚོགས་སྐུལ་སློང་བྱས་ཏེ་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ནང་ཞུགས་ཏེ་བརྟན་ལྷིང་སྲུང་སྐྱོབ་ཀྱི་མཁར་གྱང་བརྟན་པོ་ཆགས་པར་བྱེད་དགོས།
“ནང་དུ་གདན་འདྲེན་ཞུ་བ་དང་ཕྱི་རུ་སྐྱོད་པའི”ལས་ཀ་ཡག་པོར་སྒྲུབ་ནས།གྲངས་ཉུང་མི་རིགས་དང་ཆོས་ལུགས་ལས་རིགས་མི་སྣའི་དམིགས་བསལ་ནུས་པ་འདོན་སྤེལ་བྱེད་པར་དོ་སྣང་དང༌།དགོས་མཁོར་གཞིགས་ནས་ཕྱི་རྒྱལ་གྱི་སྲིད་ཕྱོགས་མི་སྣ་གལ་ཆེན་དང༌།
རྒྱལ་སྤྱིའི་རྩ་འཛུགས་ཀྱི་འཐུས་མི།ཕྱི་རྒྱལ་གྱི་སྨྱན་སྦྱོར་གསར་འགོད་པ།ཆེད་ལས་མཁས་པ་དང་མཁས་དབང་སོགས་བོད་དུ་འཚམས་འདྲིར་གདན་འདྲེན་ཞུས་ནས།རྒྱལ་སྤྱིའི་སྤྱི་ཚོགས་ཀྱིས་ང་ཚོར་རྒྱུས་ལོན་དང་རྒྱབ་སྐྱོར་བྱེད་ཤུགས་ཇེ་ཆེར་བཏང་སྟེ་བོད་དང་འབྲེལ་བའི་རྒྱལ་སྤྱིའི་སྐད་ཆ་ཤོད་དབང་ཇེ་ཆེར་གཏོང་དགོས།