ཨ་ནུ་ཐང་བསོད་ནམས།
ད་ལྟ་ཨ་རིའི་འོས་བསྡུ་ཡི་རྩོད་རྙོག་ནི་མི་ཤི་བོ་དང་། མི་གཅིག་གིས་ཡང་ཡང་འོས་ཤོག་བླུགས་པ་སོགས་ཀྱི་གནས་ཚུལ་ཙམ་མ་ཡིན་པ། འོས་བསྡུའི་འཕྲུལ་ཆས་དང་། མཉེས་ཆས་ཀྱིས་མགོ་སྐོར་བཏང་བའི་སྐོར་ལ་རྩོད་པ་སླེབས་བཞིན་ཡོད། འཕྲུལ་ཆས་དེ་ནི་ཨ་རིའི་མིན་ལ་ཁ་ན་ཊ་ནས་ཡིན་པ་མ་ཟད། དེ་དང་པོར་བཟོས་མཁན་གཙོ་བོ་གསུམ་ནི་སྤྱི་ཚོགས་རིང་ལུགས་ཀྱི་ལྷོ་ཨ་རིའི་རྒྱལ་ཁབ་ཝེན་ནེ་གསོ་ཝེ་ལ་( Venezuela ) ཡི་མི་གསུམ་ཡིན། ཁོ་ཚོས ༢༠༠༠ ལོར་ཡུལ་དེའི་སྲིད་འཛིན་ལ་རོགས་པ་བྱེད་ཆེད་དུ་བཟོས་བ་ཡིན་པ་མ་ཟད། དེ་ལ་བརྟེན་ནས་འོས་བསྡུ་རྗེས་སུ་རྒྱལ་ཁབ་དེའི་ཆབ་སྲིད་ཚོགས་པ་གཅིག་ཁོ་ན་ལ་རྒྱལ་ཁ་ཐོབ་ནས་ད་བར་དུ་ཡོང་ཡོད་པའི་གནས་ཚུལ་སླེབས་འདུག
མ་མཐའ་ཡང་འོས་བསྡུའི་འཕྲུལ་ཆས Dominion 20% ཙམ་རྒྱ་ནག་ནས་བཟོས་བ་མ་ཟད།
ཁག་ཅིག་གིས་འཕྲུལ་ཆས་དེའི ༥༠% ཙམ་རྒྱ་ནག་ནས་བཟོས་བ་རེད་ཟེར། གང་ལྟར་འཕྲུལ་ཆས་དེ་རྒྱུད་ནས་རྒྱ་ནག་དང་།
རྒྱ་ནག་གི་གྲོགས་པོ་གཅིག་བསྡུ་རིང་ལུགས་པ་ཝེན་ནེ་གསོ་ཝེ་ལ་རྒྱལ་ཁབ་གཉིས་ཀས་ཨ་རིའི་འོས་བསྡུ་ལ་ཐེ་གཏོགས་བྱེད་ཐུབ་ཀྱི་ཡོད་པའི་གནས་ཚུལ་ཐོན་འདུག
(Peter V. Neffenger)། འོས་བསྡུའི་འཕྲུལ་ཆས་འགན་འཛིན།
དེ་བཞིན་འོས་བསྡུ་ཡི་མཉེས་ཆས Smartmatic ནི་དབྱིན་ཇི་རུ་བརྟན་གཞི་བྱས་ཡོད་ཅིང་།
དེའི་སྣེ་ཁྲིད་པ Venezuela ཡི་མི་ཡིན་མ་ཟད། འགན་འཛིན་དེ་སྔོན་ཨོ་བྷ་མའི་འོག་གིི་འགྲིམ་འགྲུལ་བློན་ཆེན
Peter V. Neffenger རེད། ཁོ་ནི་ད་ལྟ་བྷར་སྒྲན་གྱིས་སྲིད་དབང་རྩིས་ལེན་བྱེད་མཁན་གྱི་ནང་དུ་སླེབས་ཡོད།
དེར་བརྟེན། ཁྲོ་རྒན་གྱིས་ཁོ་ལ་ཞིབ་བཤེར་བྱ་རྒྱུ་དམིགས་ཡོད།
གཞན་ཡང་གསའ་སྒྲལ་མཉེས་ཆས་རྒྱུད་ནས་སི་ཕན་དང་། འཇར་མན་གྱི་ནང་དུ་ཨ་རིའི་འོས་བསྡུ་ཡི་གྲངས་ཁ་བརྩིས་འདུག
མ་ཟད་སྐུ་ཞབས Brian Kennedy ཡིས་བརྗོད་ན་ཨ་རིའི་འོས་ཤོག་བརྩི་མཁན་ནི་ཁ་ན་ཊ་ཡི་འཕྲུལ་ཆས་ཡིན་པ་དང་།
འོས་ཤོག་འོས་བསྡུ་འཕྲུས་ཆས་ཀྱི་ནང་དུ་བཅུག་མཁན་ནི་དབྱིན་ཇི་ཡི་མཉེན་ཆས་ཡིན། གྲངས་ཁ་བརྩི་མཁན་ནི་ཡོ་རོབ་ཀྱི་འཇར་མན་དང་སི་ཕན་གྱི་ནང་དུ་ཡོད་པའི་མཉེས་ཆས་ཡིན་པ་མ་ཟད།
ཡོ་རོབ་ཀྱི་རྒྱལ་ཁབ་དེ་གཉིས་ཀྱི་ནང་དུ་ཨ་རིའི་འོས་ཤོག་བརྩིས་བརྗོད་འདུག་ལ། དོན་དངོས་སུ་འོས་ཤོག་བསྡུ་ལེན་བྱེད་མཁན་ནི་མཉེན་ཆས་གཅིག་གཉིས་ཙམ་མིན་པ།
མཐའ་ཡང་ལྔ་དྲུག་ཅིག་བེད་སྤྱོད་བཏང་ཡོད་འདུག འོན་ཀྱང་། དེ་དག་ཨ་རིའི་མི་མང་གིས་ཧ་གོ་མེད།
ད་ལྟ་གཞི་ནས་ཤེས་ཀྱི་ཡོད་ཀྱང་། ཨ་རིའི་གསར་ཁང་ཆེ་ཁག་ཚོས་གནས་ཚུལ་དེ་དག་སྣང་མེད་དུ་བཏང་ནས་འོས་བསྡུ་ལ་མགོ་སྐོར་བཏང་བའི་གནས་ཚུལ་བྱུང་མེད་དང་།
ཧ་ཅང་གི་དྲང་བདེན་ཡིན་ཚུལ་ཨུ་ཚུགས་མཐའ་སྐྱེལ་བྱེད་བཞིན་ཡོད།
ཁྲིམས་རྩོད་མ་ལྕམ་གསེས་སྒྲི་ནེས།
ཁྲོ་རྒན་གྱི་འོས་ཤོག་ཁྲིམས་རྩོད་པ་ལྕམ་གསེས་སྒྲི་ནེས་ཕོའ་ཝལ་(Sidney
Powell )གྱིས་བརྗོད་ན། མོ་ལ་འོས་བསྡུ་མགོ་སྐོར་བཏང་བའི་དཔང་རྟགས་མང་པོ་ཡོད་ཅིང་། དཔང་རྟགས་མེད་པ་མོས་སྐད་ཆ་གཅིག་ཀྱང་བཤད་ཀྱི་མེད་པ་མ་ཟད།
དཔང་པོ་རྣམས་བསྡུ་རུབ་བྱེད་ཀྱི་ཡོད་ཚུལ་དང་། མོས་ཨ་རིའི་གསང་བའི་ལས་ཁུངས་ཀྱིས་འདི་དོན་ལ་དེ་སྣང་མེད་དུ་བཏང་གི་ཡོད་པས།
མོ་ཁོང་ཁྲོ་ཟ་བཞིན་ཡོད་ལ། གཅིག་བྱས་ན། གསང་བའི་ལས་ཁུངས་ཀྱིས་ཀྱང་ཁོ་ཚོས་ཁེ་ཕན་གྱི་ཆེད་དུ་མཉེན་ཆས་དེ་དག་བེད་སྤྱོད་བཏང་ཡོད་སྲིད་པས།
གསང་བའི་ལས་ཁུངས་ཀྱི་འགོ་འཛིན་ལྕམ་ Haspel བརྗེ་སྤོ་བྱེད་དགོས་བའི་བསམ་ཚུལ་བཏོན་འདུག
ལྷག་པར་དུ་མོས་འཕྲུལ་ཆས་ Dominion དང་། Smartmatic མཉེན་ཆས་དེ་ཉོ་སྐབས་སུ་དེ་ཉོ་ཆེད་དུ་ཁེ་གཉེར་ཁང་དེས་མངའ་སྡེ་ཡི་དཔོན་པོ་དང་།
ཁོ་ཚོའི་ནང་མི་ལ་ལྐོག་རྔན་སྤྲད་འདུག་པས། མོ་ལ་སྤྲད་པའི་དཔང་བོ་ཡོད། ད་ལྟ་མོས་མང་གཙོ་ཚོགས་པའི་ལྕམ
Elizabeth Warren དང་། ལྕམ Amy Klobuchar གཉིས་ལ་ཞིབ་འཇུག་བྱེད་ཀྱི་ཡོད་ཚུལ་བརྗོད་འདུག
མོ་གཉིས་ཀ་ཡང་ད་ལོར་མང་གཙོ་ཚོགས་པའི་སྲིད་འཛིན་གྱི་འོས་མིར་ལངས་ཡོད།
ཨ་ལ་ནོ་ཡའི་གྲོང་ཁྱེར་སྤྱི་ཁྱབ་པ།
ཨ་ལ་ནོ་ཡའི་གྲོང་ཁྱེར་གྱི་སྤྱི་ཁྱབ་ཟུར་བ་མང་གཙོ་ཚོགས་པའི་སྐུ་ཞབས་ལ་རྒ་སྒྲ་ཝི་སྒྲི་ཡིས་འོས་བསྡུ་སྐབས་སུ་མགོ་སྐོར་བཏང་སྟངས་ནི་མང་གཙོ་ཚོཊ་པས་འཛིན་སྐྱོང་བྱས་བའི་གྲོང་ཁྱེར་རྣམས་ཀྱི་ནང་དུ་དེ་སྔོན་ནས་བྱུང་བཞིན་ཡོད།
འོན་ཀྱང་། ཁྱེད་ཀྱིས་དེ་ལ་རྒོལ་ན། ཁྱེད་ཀྱི་དབང་ཆ་ཀུན་ཤོར་ངེས་ཡིན་པས་རྒོལ་མཁན་བྱུང་མེད་བརྗོད་འདུག མ་གཞི་མང་ཚོགས་པས་མཉེན་ཆས་ཀྱི་ཁ་ཕྱོགས་བསྒྱུར་ཏེ་ཁྲོ་རྒན་ལས་སླ་བོར་ཕམ་པར་བཏང་ཐུབ་ཡོད་བསམ་ཡང་།
འོས་བསྡུ་ཡི་ཉིན་ཁྲོ་རྒན་ལ་འོས་ཤོག་ཧ་ཅང་གི་མང་པོ་འབྱོར་བས། ཁོ་ཚོས་ཞོགས་ཀ་དུས་ཚོད་གཅིག་གཉིས་ཙམ་ལ་བརྩི་མཚམས་བཞག་ཅིང་།
སྦྲགས་ཐོག་གི་འོས་ཤོག་འཁུར་ནས་བརྩི་དགོས་བྱུང་ཡོད།
ཧྥེ་ལ་སྒྲོ་ཧྥེས་ཡའི་ནག་པོ་ཚོགས་པའི་ཚོགས་གཙོ་མེ་ལེ་ནོ་བྷེས་ཀྱིས་འོས་ཤོག་འབུམ་གསུམ་གྲ་བསྒྲིགས་ཤིང་། འོས་ཤོག་ལ་རེ་ལ་ཨ་སྒོར ༡༠ རེ་བྱས་ནས་མང་གཙོ་ཚོགས་པར་བཙོང་ཏེ་ཨ་སྒོར་ས་ཡ་གསུམ་བཟོས་འདུག ཁོས་ཆུ་ཚོད ༢༢:༠༠ སྟེང་དུ་ Pennsylvania མངའ་སྡེའི་འོས་བསྡུ་ཁང་ལ་འོས་ཤོག་རྫུན་མ་དེ་དག་འཁུར་ནས་བསྐྱལ་ཡོད་ཅིང་། ད་ལྟ་མི་དེས་ཁྲོ་རྒན་ལ་ཁྱེད་ཀྱིས་ཁོོའི་ནག་ཉེས་ཀུན་མེད་པར་བཏང་བ་ཡིན་ན། ཁོ་གནས་ཚུལ་ཀུན་དྲང་མོར་བཤད་རྒྱུ་ཡིན་པའི་གནས་ཚུལ་ས་གནས་ཀྱི་ཚགས་ཤོག་གི་ཐོག་ཏུ་སྤེལ་འདུག གལ་སྲིད་འདི་ནི་བདེན་པ་ཡིན་ཞིང་། ཐག་གཅོད་བྱེད་ཐུབ་ན། ཁྲོ་རྒན་ལ་རྒྱལ་ཁ་ཡོད་པ་གསལ་བོ་རེད།
དམག་སྤྱི་ཟུར་པ། Thomas Mcinerney
ད་ལྟ་ཁྲོ་རྒན་གྱིས་སྲིད་འཛིན་དམིགས་བསལ་གྱི་དབང་ཆ་བེད་སྤྱོད་བཏང་ཞིང་།
བཀའ་བཏང་ནས་ཨ་རིའི་གཞུང་གི་ལས་ཁུངས་ཀྱིས་ཁ་ཐུག་གིས་འོས་བསྡུ་ཡི་མགོ་སྐོར་བཏང་བའི་གྱོད་དོན་ལ་ཞིབ་འཇུག་བྱེད་བཞིན་ཡོད་འདུག
འོན་ཀྱང་། འོས་བསྡུ་ཡི་སྐབས་སུ་ཨ་རིའི་གསང་བའི་ལས་ཁུངས་དང་། ཞིབ་འཇུག་ཉེན་རྟོག་པས་འོས་བསྡུ་ལ་ལྟ་རྟོག་ཡག་པོ་མ་བྱས་བ་མ་ཟད།
ད་ལྟ་ཡང་དེ་དོན་ལ་ཞིབ་འཇུག་ཡག་པོ་བྱེད་ཀྱི་མེད་པས། ཨ་རིའི་དམག་མི་ཟུར་བ་སྐུ་ཞབས
Thomas Mcinerney ཡིས་ཨ་རིའི་གསང་བའི་ལས་ཁུངས་ཀྱིས་མཉེན་ཆས Hammer, Scorecard གཉིས་བེད་སྤྱོད་བཏང་ཏེ།
འོས་ཤོག་རྣམས་ཁྲོ་རྒན་ནས་བླངས་ཏེ་བྷར་སྒྲན་ལ་སྤྲད་ཡོད་སྐོར་དང་། མང་གཙོ་ཚོགས་པས་མཉེས་ཆས་དེ་གཉིས་མཚོན་ཆ་ལྟར་རང་གི་ཕྱོགས་འགལ་ཚོགས་པར་བེད་སྤྱོད་བཏང་གི་ཡོད་ཅིང་།
འོས་བསྡུ་ལས་རྒྱལ་ཁ་བླངས་ཡོད།
ཁོས་མུ་མཐུད་དུ་མ་གཞི་མཉེས་ཆས་དེ་ནི་བྷུ་ཤི་སྐབས་ཀྱི ༢༠༠༣ ལོར་འཇིགས་སྐུལ་དྲག་སྤྱོད་པ་ལ་ཁ་གཏད་གཅོད་ཆེད་དུ་བཟོས་བ་ཡིན་ཞིང་།
རྒྱལ་ཁབ་གཞན་གྱི་ནང་དུ་འོས་བསྡུ་བྱེེད་སྐབས་སུ་ཨ་རིའི་མཐུན་ཕྱོགས་ཀྱི་ཆབ་སྲིད་མི་སྣ་ལ་ཐོབ་ཐབས་སུ་བེད་སྤྱོད་བཏང་གི་ཡོད།
འོན་ཀྱང་། ཨོ་བྷ་མས་མཉེན་ཆས་དེ ༢༠༠༩ ལོར་ནས་ཨ་རིའི་ནང་ལ་བེད་སྤྱོད་བཏང་ཞིང་། ཨ་རིའི་སྣེ་ཡོད་ཀྱི་ཆབ་སྲིད་པ་ལ་ལྐོག་ཉན་བྱ་བྱེད་བྱས་བ་མ་ཟད།
ཁོ་ཚོས ༢༠༡༢ དང ༢༠༡༦ དང ༢༠༢༠ བཅས་ཀྱི་འོས་བསྡུ་ལ་བེད་སྤྱོད་བཏང་ཡོད། ད་ལོའི་ཁོ་ཚོས་དེ་བེད་སྤྱོད་བཏང་ནས་འོས་ཤོག་རྐུ་ཐུབ་ཡོད་ཅིང་ལམ་ལྷོང་བྱུང་ཡོད་པས།
ཁྲོ་རྒན་གྱིས་དེ་དོན་ལ་རྩད་གཅོད་ནན་མོ་ཞིག་བྱེད་དགོས་ཚུལ་བརྗོད་འདུག
བདུན་ཕྲག་འདིའི་འགོ་རུ་ཁྲོ་རྒན་གྱི་ཁྲིམས་རྩོད་པ་ལྕམ Sidney
Powell ཡིས Fox གསར་ཁང་ལ་བརྗོད་དོན་ Dominion འོས་བསྡུ་འཕྲུལ་ཆས་དང་། Smartmatic མཉེན་ཆས་ཀྱིས་མགོ་སྐོར་མང་པོ་བཏང་བའི་དཔང་བོ་མང་པོ་མོ་ལ་ཡོད་ཅིང་།
འཕྲུལ་ཆས་དེ་དང་། མཉེན་ཆས་དེས་མངའ་སྡེ་མང་པོའི་འོས་བསྡུ་ཡི་གྲུབ་འབྲས་ལ་འགྱུར་བ་བཏང་ཐུབ་ཀྱི་ཡོད།
ཁོ་ཚོས་འོས་ཤོག་འགྱུར་བ་བཏང་བའི་གྲངས་ཁ་འོས་ཤོག་འབུམ་ཕྲག་ཁ་ཆས་མ་རེད། ས་ཡ་དུ་མ་ཡིན་ཚུལ་བརྗོད་འདུག
དེར་བརྟེན། མཉེས་ཆས་དེ་དག་གིས་མ་མཐའ་ཡང་འོས་ཤོག་ས་ཡ་གཉིས་དང་འབུམ་བདུན་ལྷག་ཁྲོ་རྒན་ནས་བྷར་སྒྲན་ལ་སྤྲད་ཡོད་པའི་གནས་ཚུལ་སླེབས་འདུག
ད་ལྟ་ཨ་རིའི་གསར་ཁང་ཆེ་ཤོས་ཀུན་དང་། དྲ་རྒྱ་ཆེ་ཁག་ཚོ། བྷར་སྒྲན་བཅས་ཁ་མཐུན་བྱས་ཤིང་།
འོས་བསྡུ་ཡི་གྲུབ་འབྲས་མ་ཐོན་པའི་སྔོན་དུ་ཁྲིམས་འགལ་གྱིས་བྷར་སྒྲན་ལ་རྒྱལ་ཁ་ཐོབ་ཚུལ་བསྒྲགས་ཤིང་།
བཙན་དབང་གིས་ཨ་རིའི་སྲིད་གཞུང་མགོ་རྟིང་སློག་རྒྱུའི་ལས་འགུལ་སྤེལ་བཞིན་ཡོད་ཀྱང་། ཁྲོ་རྒན་ལ་ཨ་རིའི་སྲིད་གཞུང་སྲུང་སྐྱོབ་བྱེད་པའི་དམིགས་བསལ་གྱི་དབང་ཆ་ཀུན་ཡོད་པས།
གནས་ཚུལ་རྫུན་མ་འདི་དག་ར་སྤྲོད་ངེས་ཅན་བྱུང་ཚེ། ཁྲོ་རྒན་གྱིས་བཟོད་པ་མི་སྒོམ་པ་ཨ་རིའི་འོས་བསྡུ་ལ་ཐེ་གཏོགས་བྱས་ཤིང་གནས་ཚུལ་རྫུན་མ་སྤེལ་མཁན་གྱི་གསར་ཁང་དང་།
རྒྱལ་ཁབ། མི་སྣ་བཅས་ལ་ཉེས་ཆད་གཅོད་ངེས་བས། ཁྲོ་རྒན་གྱི་ཁ་གཏད་ལ་ལངས་མཁན་ཡིན་ན་དཔའ་བོ་ཡིན།
ད་ལྟ་མགོ་སྐོར་བཏང་མཁན་གྱི་འོས་བསྡུ་ལས་ཁུངས་དང་། མང་གཙོ་ཚོགས་པ་སྐྲག་ནས་ཐ་ན
Goergia སོགས་སུ་འོས་ཤོག་འཕེན་མཁན་གྱི་ས་ཡིག་དང་། འཕེན་མཁན་གཉིས་མཐུན་མིན་ལ་ཞིབ་འཇུག་བྱེད་དུ་འཇུག་གི་མེད་པས།
དེ་ལྟར་བྱས་ནས་ཡང་སྐྱར་འོས་ཤོག་བརྩིས་ཀྱང་། དོན་མེད་རེད་ཟེར་ནས་ཁྲོ་རྒན་གྱིས་ཁྲོས་ཊ་རྒྱུད་ནས་བརྗོད་འདུག
མང་གཙོ་ཚོགས་པ་སྐྲག་ནས་ཁ་འདྲ་མིན་ལ་གཡར་ཞིང་། འོས་ཤོག་ཀུན་གྱི་ས་ཡིག་དང་ཁ་བྱང་ལ་བསྡུར་ནས་བསྐྱར་བརྩིས་བྱེད་དུ་འཇུག་གི་མེད་པ།
གྲངས་ཁ་ཙམ་ཡང་སྐྱར་རྩིས་ན་འགྲིག་ཚུལ་ལབ་བཞིན་ཡོད་པས་དེའི་ནང་དུ་གནད་དོན་ཞིག་སྦས་ཡོད་པ་གཏན་འཁེལ་རེད།
བདེན་ཏེ། གལ་སྲིད་ཁོ་ཚོས་བརྗོད་པ་ལྟར་བྷར་སྒྲན་ལ་ཐེ་ཚོམ་མེད་པ་དྲང་བདེན་གྱི་རྒྱལ་ཁ་ཐོབ་ཡོད་ན།
བསྐྱར་རྩིས་ཡག་པོ་བྱེད་མི་འཇུག་དགོས་དོན་མེད་པས་ཡིན།