ཡོ་མནའ་ཡི་རྒྱལ་ཁབ་མང་ཤོས་ཁྲོ་རྒན་ལ་མི་དགའ་དགོས་བའི་རྒྱུ་མཚན་ཆེན་པོ་བཅུ།

                 —— ཨ་ནུ་ཐང་བསོད་ནམས། ༡༨ ༡༡ ༢༠༢༠

 ༡༽ ཁྲོ་རྒན་གྱིས་ཡོ་རོབ་ཀྱི་དབུ་ཁྲིད་ཚོའི་ངག་ལ་མ་ཉན་པས་ཡིན་པ་མ་ཟད། ཁྲོ་རྒན་གྱིས་དབྱིན་ཇི་ཡོ་རོབ་ནས་ཐོན་པར་རྒྱབ་སྐྱོར་བྱས་བ་དང་། ཨ་རིའི་ཡོ་རོབ་ལ་སྲུང་སྐྱོབ་བྱས་བའི་དམག་གྲོན་ཡར་ལ་སྤར་བས་རེད།

༢༽ ཁྲོ་རྒན་གྱིས་རྒྱ་ནག་དང་ཚོང་དམག་བརྒྱབ་པར་ཡོ་རོབ་ཀྱི་དགའ་མོས་བྱེད་ཀྱི་མེད། རྒྱུ་མཚན་ནི། ཡོ་རོབ་ཀྱིས་ཆབ་སྲིད་ཀྱི་ལངས་ཕྱོགས་ལ་ལྟོས་བ་མེད་པ། འཛམ་གླིང་ཀུན་ལ་ཚོང་འབྲེལ་བྱེད་འདོད་ཡོད་པས་རེད།

༣༽ ཡོ་རོབ་པ་ཨ་རི་ལ་ཕྲག་དོག་ཟ་བས་རེད། ཨ་རི་དང་ཡོ་རོབ་གཉིས་ཀྱི་སྟོབས་ཤུགས་འདྲ་མཚུངས་ལྟ་བུ་ཡིན་པས། ཡོ་རོབ་པ་མང་པོ་རང་གི་འགྲན་ཡ་ཨ་རི་ལ་ཕྲག་དོག་ཟ་བཞིན་ཡོད།

༤༽ ཡོ་རོབ་ཀྱི་སྲིད་གཞུང་འཛིན་མང་ཤོས་ནི་གཡོན་ཕྱོགས་ཀྱི་ལྟ་བ་འཛིན་ཡིན་པས། ཡོ་རོབ་ཀྱི་གསར་ཁང་མང་ཤོས་ཀྱིས་དུས་ཀུན་ཁྲོ་རྒན་ལ་སྐྱོན་བརྗོད་བྱེད་ཀྱི་ཡོད། རྒྱུ་མཚན་ནི། ཁོ་ཚོས་སུ་ལ་ཡང་དགྲ་མི་བསག་པ་ཚང་ལ་མ་གྲོགས་པོ་བྱས་ཏེ། ཚོང་འབྲེལ་བྱེད་རྒྱུ་ཡིན་པས་རེད། སྒོར་མོའི་ཆེད་དུ་སུ་ལ་ཡང་ཚོང་འབྲེལ་བྱེད་རྒྱུའི་ལྟ་གྲུབ་བཟུང་བས་རེད།

 

༥༽ དེང་སྐབས་ཡོ་མནའ་ཡི་རྒྱལ་ཁབ་གང་ལ་ཡང་། རང་བཙན་ཤོར་བའི་དཀའ་ངལ་མེད་ཅིང་། དཀའ་ངལ་ཡོད་པ་ནི། དཔལ་འབྱོར་ཡར་རྒྱས་བཏང་འདོད་པས། དཔལ་འབྱོར་གྱི་ཆེད་དུ་གུང་ཁྲན་དང་མང་གཙོ། སྤྱི་བསྡུ་དང་། རང་དབང་སོགས་ཀྱི་དབྱེ་བ་མེད་པ་ཚོང་འབྲེལ་བྱེད་འདོད་པས་རེད།

༦༽ ཡོ་མནའ་ཡིས་ཁ་གཏད་དང་པོ་དང་དགྲ་བོ་ནི་ཨུ་རུ་སུར་འདོད་པ་ལས་རྒྱ་ནག་མི་འདོད་པས། ཁྲོ་རྒན་གྱིས་ཨུ་རུ་སུ་ལ་ཉེ་བོ་བྱས་ཤིང་། རྒྱ་ནག་དང་པོར་བྱས་བར་དགའ་བོ་བྱེད་ཀྱི་མེད།

༧༽ ཡོ་མནའ་ཡིས་ཁོར་ཡུག་ལ་དོ་སྣང་བྱེེད་ཅིང་། ཡོ་མནའ་ཡི་གྲོས་ཚོགས་ཀྱི་ནང་དུ་ཡང་ཁོར་ཡུག་གི་ཆབ་སྲིད་ཚོགས་པའི་འཐུས་མི་མང་པོར་རྐུབ་སྟེགས་རེག་ཡོད་པས། དེ་དག་ཁྲོ་རྒན་ལ་དགའ་བོ་བྱེད་ཀྱི་མེད། རྒྱུ་མཚན་ནི། ཁོ་ཚོས་ཁོར་ཡུག་གི་སྐོར་གྱི་ལས་འགུལ་སྤེལ་ནས་ཆབ་སྲིད་ཀྱི་ལས་ཀ་ཐོབ་ཡོད་པས། ཁོ་ཚོའི་ཁ་ཟས་ཁོར་ཡུག་གི་ལྟ་གྲུབ་ལ་སྐྱོན་བརྗོད་བྱེད་མཁན་ལ་མི་མོས་བས་རེད། རྒྱུ་མཚན་ནི། ཁྲོ་རྒན་གྱིས་དཔལ་འབྱོར་དང་ཁོར་ཡུག་མཉམ་སྐྱོད་བྱེད་པའི་ལྟ་གྲུབ་བཟུང་བས་རེད།

༨༽ ཡོ་མནའ་ནི་གོ་ལ་གཅིག་གྱུར་གྱི་ལམ་ལུགས་དང་། རྒྱལ་ཁབ་དེ་ཙམ་དབྱེ་མེད་ཀྱི་ལྟ་གྲུབ་ཀྱི་ལྟ་གྲུབ་བཟུང་ཞིང་། ཡོ་མནའ་ཡི་རྒྱལ་ཁབ་མང་པོ་མཉམ་རིབ་བྱས་ཡོད་པས། ཁྲོ་རྒན་གྱིས་ད་ལྟའི་གོ་ལ་གཅིག་གྱུར་ནི། མཉམ་འབྲེལ་དངུལ་ཁང་དང་། ཁེ་གཉེར་ཁང་། དྲ་རྒྱ་ཁ་གཉེར་ཆེན་པོ་དང་། རྒྱ་གཞུང་བཅས་ཀྱི་སྒེར་བདག་བྱེད་ཀྱི་ཡོད་པས་དྲང་བདེན་མིན། དེར་བརྟེན། འདི་ལ་དྲང་བོའི་དག་ཐེར་བྱེད་དགོས་ལབ་པས། གོ་ལ་གཅིག་གྱུར་དང་། མཉམ་འབྲེལ་ཚོང་བས་དབང་སྒྱུར་བྱས་བས། ཡོ་མནའ་ཡིས་ཁྲོ་རྒན་ལ་དགའ་མོས་བྱེད་ཀྱི་མེད། དེ་ནི་ཁོ་ཚོའི་ཉེན་ཁར་མཐོང་གི་ཡོད།

 

༩༽ ཁྲོ་རྒན་ལ་རྒྱལ་ཁ་ཐོབ་པ་ཡིན་ན། ཡོ་རོབ་ཀྱི་ནང་གི་གཡས་ཕྱོགས་ཀྱི་ཆབ་སྲིད་པ་དང་། རྒྱལ་ཞེན་པ་རྣམས་ལ་རྒྱལ་ཁ་ཐོབ་རྒྱུའི་རྐྱེན་དུ་འགྲོ་བས་དེ་ལ་ངོ་རྒོལ་བྱེད་ཀྱི་ཡོད།

༡༠༽ སྔ་ལོར་རྒྱལ་ཚོགས་ཀྱི་ལོ་འཁོར་གྱི་ཚོགས་ཆེན་གྱི་ཐོག་ཏུ་ཁྲོ་རྒན་གྱིས་མ་འོངས་བའི་འཛམ་གླིང་འདི་ནི་གོ་ལ་གཅིག་གྱུར་མཁན་ལ་མི་དབང་བ། རྒྱལ་ཞེན་ཅན་དང་། ས་མཚམས་སྲུང་མཁན་ཚོ་ལ་དབང་ཚུལ་བརྗོད་པ་མ་ཟད། ད་ལོའི་ཟླ ༡ ནང་གི་ལོ་འཁོར་ཚོགས་ཆེན་གྱི་ཐོག་ཏུ་ཡང་། ཁྲོ་རྒན་གྱིས་ང་ཚོས་རང་དབང་གི་ཆེད་དུ་གཡོན་མཐའ་ཆེ་བའི་སྤྱི་ཚོགས་རིང་ལུགས་ཀྱི་རྩུབ་སྤྱོད་པ་ཕམ་པར་བཏང་དགོས་ཚུལ་དང་། གོ་ལ་གཅིག་གྱུར་མཁན་གྱི་འཇིགས་སྐུལ་ལ་ཉན་མི་རུང་ཞིང་། ཁོ་ཚོས་དྲུག་ཅུའི་ནང་དུ་འཛམ་གླིང་ལ་མི་འབོར་མང་པོ་དཀའ་ངལ་འཕྲད་ཚུལ་དང་། དུག་བཅུའི་ནང་དུ་འཛམ་གླིང་གི་སྣུམ་རྩ་མེད་དུ་འགྲོ་ཚུལ་བརྗོད་ཀྱང་། དེ་ལྟར་བྱུང་མེད་པ་མ་ཟད། ད་ལྟ་ཨ་རི་ནི་སྣུམ་གྱི་སྒོ་ནས་རང་དབང་ཐོབ་པས། ཡོ་རོབ་ལ་སྣུམ་བཙོང་ཆོག་ཚུལ་བརྗོད་ཡོད།

དེས་འཛམ་གླིང་གི་ཐེར་འབུམ་གྱི་བདག་པོ་ཚོང་བ་མང་པོ་དང་། མཉམ་འབྲེལ་གྱི་ཁེ་ལས་ཁང་ཆེན་པོ་རྣམས་ལ་འཇིགས་སྣང་བཟོས་ཡོད། དེར་བརྟེན། ཁོ་ཚོས་ལྐོག་ནས་ཚོགས་འདུ་ཚོགས་ཤིང་། ཁྲོ་རྒན་ནི་ཁོ་ཚོའི་འགོག་རྐྱེན་ཡིན་པས། ཁོ་ངེས་བར་དུ་སྲིད་འཛིན་མར་གཡུག་དགོས་ལབ་ཡོད།